ਜਲੰਧਰ ਤੋਂ ਫ਼ਿਰੋਜਪੁਰ ਜਾ ਰਹੀ ਟਰੇਨ ਨੂੰ ਅੱਗ ਲਗਾ ਰਹੇ ਸ਼ੱਕੀ ਵਿਅਕਤੀ ਨੂੰ ਕੀਤਾ ਕਾਬੂ
ਜਲੰਧਰ ਤੋਂ ਫ਼ਿਰੋਜਪੁਰ ਜਾ ਰਹੀ ਟਰੇਨ ਨੂੰ ਅੱਗ ਲਗਾ ਰਹੇ ਸ਼ੱਕੀ ਵਿਅਕਤੀ ਨੂੰ ਕੀਤਾ ਕਾਬੂ:ਜਲੰਧਰ ਤੋਂ ਫ਼ਿਰੋਜਪੁਰ ਆ ਰਹੀ ਟਰੇਨ ਵਿੱਚੋਂ ਕੁੱਝ ਨੌਜਵਾਨਾਂ ਨੇ ਇੱਕ ਸ਼ੱਕੀ ਵਿਅਕਤੀ ਨੂੰ ਕਾਬੂ ਕੀਤਾ ਹੈ।ਇਹ ਸ਼ੱਕੀ ਵਿਅਕਤੀ ਦੇਸ਼ ਵਿਰੋਧ ਨਾਅਰਾ ਲਾ ਕੇ ਟਰੇਨ ਦੀ ਟਾਇਲਟ ਵਿੱਚ ਮਾਚਿਸ ਨਾਲ ਅੱਗ ਲਗਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ।ਟਰੇਨ ਵਿੱਚ ਸਫ਼ਰ ਕਰ ਰਹੇ ਨੌਜਵਾਨਾਂ ਵੱਲੋਂ ਰੌਲ਼ਾ ਪਾਉਣ 'ਤੇ ਇਸ ਵਿਅਕਤੀ ਨੂੰ ਕਾਬੂ ਕੀਤਾ ਗਿਆ।ਜਿਸ ਤੋਂ ਕਈ ਤਰ੍ਹਾਂ ਦੇ ਪਾਸਪੋਰਟ,ਆਈ ਡੀ ਪਰੂਫ਼ ਫੜੇ ਗਏ ਹਨ।ਇਸ ਤੋਂ ਮਿਲੇ ਪਾਸਪੋਰਟ 'ਤੇ ਦੁਬਈ ਅਤੇ ਕਈ ਹੋਰ ਦੇਸ਼ਾਂ ਦੇ ਵੀਜ਼ੇ ਲੱਗੇ ਹੋਏ ਹਨ।ਇਸ ਦੀ ਰੇਲਵੇ ਮਹਿਕਮੇ ਨੂੰ ਜਾਣਕਾਰੀ ਦੇਣ ਉੱਤੇ ਇਸ ਨੂੰ ਜੀਆਰਪੀ ਪੁਲਿਸ ਦੇ ਹਵਾਲੇ ਕਰ ਦਿੱਤਾ ਹੈ।ਪੁਲਿਸ ਦੇ ਨਾਲ ਹੀ ਸੁਰੱਖਿਆ ਏਜੰਸੀਆਂ ਵੀ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।ਗਾਰਡ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਇਸ ਵਿਅਕਤੀ ਕੋਲੋਂ ਕਾਫ਼ੀ ਸਮਾਨ ਮਿਲਿਆ ਹੈ ਅਤੇ ਫ਼ਿਰੋਜਪੁਰ ਲਿਆ ਕੇ ਰੇਲਵੇ ਪੁਲਿਸ ਨੂੰ ਸੌਂਪ ਦਿੱਤਾ। -PTCNews