ਜੰਮੂ-ਕਸ਼ਮੀਰ 'ਚ ਅੱਤਵਾਦੀ ਸੰਗਠਨ ਜੈਸ਼ ਦੇ ਨੈੱਟਵਰਕ ਦਾ ਪਰਦਾਫਾਸ਼
ਜੰਮੂ ਕਸ਼ਮੀਰ ਦੀ ਅਵੰਤੀਪੂਰਾ ਪੁਲਿਸ ਨੇ ਭਾਰਤੀ ਫ਼ੌਜ ਅਤੇ ਸੀ.ਆਰ.ਪੀ.ਐੱਫ. (ਸੈਂਟਰਲ ਰਿਜ਼ਰਵ ਪੁਲਿਸ ਫੋਰਸ) ਨਾਲ ਮਿਲ ਕੇ ਜੈਸ਼ ਦੇ ਇਕ ਅੱਤਵਾਦੀ ਸੰਗਠਨ ਦੇ ਨੈੱਟਵਰਕ ਦਾ ਪਰਦਾਫਾਸ਼ ਕੀਤਾ ਹੈ। ਗ੍ਰਿਫ਼ਤਾਰ ਅੱਤਵਾਦੀਆਂ ਦੇ ਮਦਦਗਾਰ ਪਾਕਿਸਤਾਨੀ ਹੈਂਡਲਰ ਦੇ ਸੰਪਰਕ 'ਚ ਸਨ। ਹਾਲ ਦੇ ਦਿਨਾਂ 'ਚ ਸੁਰੱਖਿਆ ਦਸਤਿਆਂ 'ਤੇ ਗ੍ਰਨੇਡ ਹਮਲੇ ਕਰਨ 'ਚ ਸ਼ਾਮਲ ਸਨ। ਹੋਰ ਪੜ੍ਹੋ :ਰੁਜ਼ਗਾਰ ਮੰਗਣ ਆਏ ਬੇਰੁਜ਼ਗਾਰ ਅਧਿਆਪਕਾਂ ‘ਤੇ ਕੀਤੇ ਝੂਠੇ ਮੁਕੱਦਮੇ ਦਰਜ, ਪੁਲਿਸ ਵੱਲੋਂ ਜਬਰੀ ਚੁੱਕਿਆ
ਗ੍ਰਿਫਤਾਰ ਕੀਤੇ ਗਏ ਵਿਅਕਤੀਆਂ ਦੀ ਪਛਾਣ ਵਗਾਲ ਟਰਾਲ ਦੇ ਬਿਲਾਲ ਅਹਿਮਦ ਚੋਪਨ ਅਤੇ ਚਤलाम ਪੰਪੋਰ ਦੇ ਮੁਰਸਲੀਨ ਬਸ਼ੀਰ ਸ਼ੇਖ ਵਜੋਂ ਹੋਈ ਹੈ। ਪੁਲਿਸ ਨੇ ਦੱਸਿਆ ਕਿ ਇਹ ਲੋਕ ਕਸ਼ਮੀਰ ਦੇ ਪੰਪੋਰ ਅਤੇ ਤ੍ਰਾਲ ਇਲਾਕਿਆਂ ਵਿੱਚ ਅੱਤਵਾਦੀਆਂ ਦੇ ਹਥਿਆਰ / ਗੋਲਾ ਬਾਰੂਦ ਲਿਜਾਣ ਤੋਂ ਇਲਾਵਾ ਤਰਕਸ਼ੀਲ ਸਹਾਇਤਾ ਅਤੇ ਪਨਾਹਗਾਹ ਮੁਹੱਈਆ ਕਰਵਾ ਰਹੇ ਸਨ।
ਪੁਲਿਸ ਦਾ ਕਹਿਣਾ ਹੈ ਕਿ ਗ੍ਰਿਫ਼ਤਾਰ ਕੀਤੇ ਗਏ ਅੱਤਵਾਦੀਆਂ ਦੇ ਮਦਦਗਾਰ ਤ੍ਰਾਲ ਖੇਤਰ 'ਚ ਚੋਣ ਬਾਈਕਾਟ ਦੇ ਪੋਸਟਰ ਚਿਪਕਾਉਣ 'ਚ ਵੀ ਸ਼ਾਮਲ ਰਹੇ ਹਨ। ਇਨ੍ਹਾਂ ਦੇ ਕਬਜ਼ੇ 'ਚੋਂ ਵਿਸਫੋਟਕ ਪਦਾਰਥ ਸਮੇਤ ਹੋਰ ਇਤਰਾਜ਼ਯੋਗ ਸਮੱਗਰੀ ਬਰਾਮਦ ਕੀਤੀ ਗਈ ਹੈ। ਮਾਮਲਾ ਦਰਜ ਕਰ ਲਿਆ ਗਿਆ ਹੈ, ਪੁੱਛ-ਗਿੱਛ ਕੀਤੀ ਜਾ ਰਹੀ ਹੈ। 
