ਬਾਲੀਵੁੱਡ ਅਦਾਕਾਰਾ ਕੈਟਰੀਨਾ ਕੈਫ ਨੇ ਆਪਣੇ ਪਰਿਵਾਰ ਨਾਲ ਇੰਗਲੈਂਡ 'ਚ ਮਨਾਇਆ 35ਵਾਂ ਜਨਮ ਦਿਨ
ਬਾਲੀਵੁੱਡ ਅਦਾਕਾਰਾ ਕੈਟਰੀਨਾ ਕੈਫ ਨੇ ਆਪਣੇ ਪਰਿਵਾਰ ਨਾਲ ਇੰਗਲੈਂਡ 'ਚ ਮਨਾਇਆ 35ਵਾਂ ਜਨਮ ਦਿਨ:ਬਾਲੀਵੁੱਡ ਅਦਾਕਾਰਾ ਕੈਟਰੀਨਾ ਕੈਫ ਨੇ ਇੰਗਲੈਂਡ 'ਚ ਆਪਣੇ ਪਰਿਵਾਰ ਨਾਲ ਆਪਣਾ 35ਵਾਂ ਜਨਮ ਦਿਨ ਮਨਾਇਆ ਹੈ।ਉਸ ਦੀ ਮਾਂ ਸੁਸੰਨਾ ਨੇ ਕੈਟਰੀਨਾ ਦੀ ਇੱਕ ਖੂਬਸੂਰਤ ਤਸਵੀਰ ਪੋਸਟ ਕੀਤੀ ਹੈ ਜੋ ਪਹਾੜੀਆਂ ਦੇ ਵਿਚਕਾਰ ਬੈਠੀ ਹੈ।ਅਦਾਕਾਰਾ ਕੈਟਰੀਨਾ ਨੇ ਵੀ ਉਸੇ ਥਾਂ 'ਤੇ ਇੱਕ ਤਸਵੀਰ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕਰਦਿਆਂ ਲਿਖਿਆ ਕਿ ਮੈਂ ਆਪਣਾ 21ਵਾਂ ਜਨਮ ਦਿਨ ਮਨਾ ਰਹੀ ਹਾਂ।
ਕੈਟਰੀਨਾ ਦੇ ਇਸ ਕੈਪਸ਼ਨ 'ਤੇ ਪ੍ਰਸ਼ੰਸਕਾਂ ਨੇ ਕਈ ਕਮੈਂਟ ਕੀਤੇ ਹਨ।ਜਨਮ ਦਿਨ ਨੂੰ ਖਾਸ ਬਣਾਉਣ ਲਈ ਕੈਟਰੀਨਾ ਲੰਮੀ ਛੁੱਟੀ 'ਤੇ ਹੈ। 35 ਸਾਲਾ ਕੈਟਰੀਨਾ ਅੱਜ ਵੀ ਆਪਣੇ ਆਪ ਨੂੰ 21 ਸਾਲਾ ਮੁਟਿਆਰ ਸਮਝਦੀ ਹੈ।ਕੈਟਰੀਨਾ 'ਜ਼ੀਰੋ' ਫਿਲਮ ਦੀ ਸ਼ੂਟਿੰਗ ਕਰ ਰਹੀ ਹੈ।ਸ਼ੂਟਿੰਗ ਤੋਂ ਛੁੱਟੀ ਲੈ ਕੈਟਰੀਨਾ ਆਪਣੇ ਪਰਿਵਾਰ ਤੇ ਦੋਸਤਾਂ ਨਾਲ ਜਨਮ ਦਿਨ ਮਨਾ ਰਹੀ ਹੈ।ਕੈਟਰੀਨਾ ਨੇ ਆਪਣੀਆਂ ਕੁੱਝ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸਾਂਝੀਆਂ ਕੀਤੀਆਂ ਹਨ ਜਿਨ੍ਹਾਂ 'ਚ ਉਹ ਆਪਣੀ ਭੈਣ ਤੇ ਦੋਸਤਾਂ ਨਾਲ ਹੈ।
ਅਦਾਕਾਰਾ ਕੈਟਰੀਨਾ ਕੈਫ ਕਸ਼ਮੀਰ ਨਾਲ ਸਬੰਧਿਤ ਉਦਯੋਗਪਤੀ ਮੁਹੰਮਦ ਕੈਫ ਦੀ ਧੀ ਹੈ।ਮੁਹੰਮਦ ਕੈਫ ਆਪਣੀ ਪਤਨੀ ਤੋਂ ਤਲਾਕ ਲੈਣ ਤੋਂ ਬਾਅਦ ਅਮਰੀਕਾ ਸ਼ਿਫਟ ਹੋ ਗਏ ਸਨ।ਉਨ੍ਹਾਂ ਦੀ ਪਤਨੀ ਅਤੇ ਕਟਰੀਨਾ ਦੀ ਮਾਂ ਇੱਕ ਵਕੀਲ ਅਤੇ ਸੋਸ਼ਲ ਵਰਕਰ ਹੈ।ਕੈਟਰੀਨਾ ਦਾ ਜਨਮ ਹਾੰਗਕਾੰਗ 'ਚ ਹੋਇਆ ਸੀ।ਕੈਟਰੀਨਾ ਦਾ ਅਸਲੀ ਨਾਂਅ ਕਟਰੀਨਾ ਟਰਕੋਟੇ ਹੈ।ਮਾਡਲਿੰਗ ਦੇ ਇਲਾਵਾ ਕੈਟਰੀਨਾ ਨੂੰ ਪੇਂਟਿੰਗ ਦੀ ਸ਼ੌਂਕ ਹੈ।ਪੇਂਟਿੰਗ ਦੇ ਨਾਲ-ਨਾਲ ਕੈਟਰੀਨਾ ਨੂੰ ਚੈਸ ਖੇਡਣਾ ਵੀ ਪਸੰਦ ਹੈ।
-PTCNews
