ਨਕਾਬਪੋਸ਼ ਲੁਟੇਰਿਆਂ ਨੇ ਪਿਸਤੌਲ ਦੇ ਜ਼ੋਰ 'ਤੇ Travel agent ਦੀ ਦੁਕਾਨ 'ਚੋਂ ਲੁੱਟੇ 2 ਲੱਖ
Loot In Amritsar: ਅੰਮ੍ਰਿਤਸਰ 'ਚ ਸ਼ੁੱਕਰਵਾਰ ਰਾਤ ਨੂੰ ਦੋ ਅਣਪਛਾਤੇ ਨਕਾਬਪੋਸ਼ ਲੁਟੇਰਿਆਂ ਨੇ ਇਕ Travel agent ਦੀ ਦੁਕਾਨ 'ਤੇ 2 ਲੱਖ ਰੁਪਏ ਦੀ ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ। ਦੋਵਾਂ ਲੁਟੇਰਿਆਂ ਦੇ ਹੱਥਾਂ ਵਿੱਚ ਪਿਸਤੌਲ ਸਨ, ਜਿਸ ਨੂੰ ਦਿਖਾਉਂਦੇ ਹੋਏ ਲੁਟੇਰੇ ਦੁਕਾਨ ਵਿੱਚ ਦਾਖਲ ਹੋਏ। ਇੰਨਾ ਹੀ ਨਹੀਂ ਜਦੋਂ ਉਨ੍ਹਾਂ ਦਾ ਪਿੱਛਾ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਤਾਂ ਲੁਟੇਰਿਆਂ ਨੇ ਗੋਲੀਆਂ ਵੀ ਚਲਾ ਦਿੱਤੀਆਂ। ਉਨ੍ਹਾਂ ਦੀ ਲੁੱਟ ਦੀ ਸਾਰੀ ਵਾਰਦਾਤ CCTV ਕੈਮਰਿਆਂ ਵਿੱਚ ਕੈਦ ਹੋ ਗਈ। ਇਹ ਘਟਨਾ ਅੰਮ੍ਰਿਤਸਰ ਦੇ ਜੰਡਿਆਲਾ ਗੁਰੂ ਦੇ ਨਗਰ ਪਾਲਿਕਾ ਦਫਤਰ ਨੇੜੇ ਸਥਿਤ ਧਾਮੀ ਟਰੈਵਲਰਜ਼ ਦੀ ਹੈ। ਬੀਤੀ ਰਾਤ 2 ਲੁਟੇਰੇ ਨਕਾਬ ਪਾ ਕੇ ਦੁਕਾਨ ਅੰਦਰ ਦਾਖਲ ਹੋਏ। ਸਰੀਰ ਤੋਂ ਦੋਵੇਂ ਪਹਿਲਵਾਨ ਲੱਗ ਰਹੇ ਸਨ ਪਰ ਦੋਵਾਂ ਨੇ ਮਾਸਕ ਪਾਏ ਹੋਏ ਸਨ। ਦੁਕਾਨ ਅੰਦਰ ਦਾਖਲ ਹੁੰਦੇ ਹੀ ਦੋਵਾਂ ਨੇ ਪਿਸਤੌਲ ਕੱਢ ਲਏ। ਪੱਗ ਵਾਲਾ ਨੌਜਵਾਨ ਸਿੱਧਾ ਧਾਮੀ ਟਰੈਵਲਰਜ਼ ਦੇ ਮਾਲਕ ਕੋਲ ਗਿਆ ਅਤੇ ਗੱਲੇ ਵਿੱਚੋਂ ਪੈਸੇ ਕੱਢ ਲਏ। ਦੂਜੇ ਨੌਜਵਾਨਾਂ ਨੇ ਵੀ ਹੱਥਾਂ ਵਿੱਚ ਪਿਸਤੌਲ ਫੜੀ ਹੋਈ ਸੀ, ਜੋ ਨਾਲ-ਨਾਲ ਬਾਹਰ ਦੀ ਹਰਕਤ ’ਤੇ ਨਜ਼ਰ ਰੱਖ ਰਹੇ ਸਨ। ਇਹ ਵੀ ਪੜ੍ਹੋ: Dhanteras 2022: ਧਨਤੇਰਸ ਦੀ ਰਾਤ ਨੂੰ ਇਸ ਸਥਾਨ 'ਤੇ ਜਗਾਓ ਦੀਵਾ, ਜੀਵਨ ਦੇ ਸਾਰੇ ਦੁੱਖ ਹੋਣੇਗੇ ਦੂਰ ਜੰਡਿਆਲਾ ਗੁਰੂ ਚੌਕੀ ਇੰਚਾਰਜ ਐਸ.ਆਈ ਦਵਿੰਦਰ ਸਿੰਘ ਨੇ ਦੱਸਿਆ ਕਿ ਸੀ.ਸੀ.ਟੀ.ਵੀ. ਆਸ-ਪਾਸ ਲੱਗੇ ਸੀਸੀਟੀਵੀ ਵੀ ਸਕੈਨ ਕੀਤੇ ਜਾ ਰਹੇ ਹਨ ਤਾਂ ਜੋ ਲੁਟੇਰਿਆਂ ਦੀ ਹਰਕਤ ਦਾ ਪਤਾ ਲਗਾਇਆ ਜਾ ਸਕੇ ਜਾਂ ਉਨ੍ਹਾਂ ਦੇ ਚਿਹਰੇ ਬਿਨਾਂ ਰੁਮਾਲ ਦੇ ਦੇਖੇ ਜਾ ਸਕਣ। ਜਾਂਚ ਜਾਰੀ ਹੈ, ਜਲਦ ਹੀ ਲੁਟੇਰੇ ਫੜੇ ਜਾਣਗੇ। -PTC News