ਲੁਧਿਆਣਾ 'ਚ ਹਵਸ ਦਾ ਪੁਜਾਰੀ ਆਪਣੀ ਸਾਲੀ ਨਾਲ ਕਰਦਾ ਰਿਹਾ ਜਬਰ ਜ਼ਨਾਹ
ਲੁਧਿਆਣਾ 'ਚ ਹਵਸ ਦਾ ਪੁਜਾਰੀ ਆਪਣੀ ਸਾਲੀ ਨਾਲ ਕਰਦਾ ਰਿਹਾ ਜਬਰ ਜ਼ਨਾਹ:ਲੁਧਿਆਣਾ ਵਿੱਚ ਹਵਸ 'ਚ ਅੰਨ੍ਹੇ ਹੋਏ ਵਿਅਕਤੀ ਨੇ ਆਪਣੀ ਸਾਲੀ ਨਾਲ ਮੂੰਹ ਕਾਲਾ ਕੀਤਾ ਹੈ।ਜਿਸ ਨੂੰ ਲੈ ਕੇ ਇੱਕ ਨੌਜਵਾਨ ਲੜਕੀ ਨੇ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ ਹੈ।ਪੀੜਤਾਂ ਨੇ ਸ਼ਿਕਾਇਤ 'ਚ ਦੱਸਿਆ ਹੈ ਕਿ ਇੱਕ ਸਾਲ ਤੱਕ ਮੇਰੀ ਵੱਡੀ ਭੈਣ ਦਾ ਪਤੀ ਮੇਰੇ ਨਾਲ ਅਸ਼ਲੀਲ ਹਰਕਤਾਂ ਕਰਦਾ ਰਿਹਾ।ਭੈਣ ਦਾ ਘਰ ਨਾ ਉਜੜੇ,ਇਸ ਲਈ ਮੈਂ ਉਸ ਦੀਆਂ ਇਹ ਅਸ਼ਲੀਲ ਹਰਕਤਾਂ ਨਾ ਚਾਹੁੰਦੇ ਹੋਏ ਵੀ ਬਰਦਾਸ਼ਤ ਕਰਦੀ ਰਹੀ।ਉਸਨੇ ਦੱਸਿਆ ਕਿ ਕਰੀਬ 6 ਮਹੀਨੇ ਪਹਿਲਾਂ ਉਸ ਦੇ ਮੋਬਾਈਲ 'ਤੇ ਜੀਜੇ ਦਾ ਧਮਕੀ ਭਰਿਆ ਫੋਨ ਆਇਆ ਕਿ ਜੇਕਰ ਉਹ ਉਸ ਕੋਲ ਘਰ ਨਹੀਂ ਆਈ ਤਾਂ ਉਹ ਉਸ ਦੀ ਭੈਣ ਤੇ ਦੋਵੇਂ ਬੱਚਿਆਂ ਨੂੰ ਮਾਰ ਦੇਵੇਗਾ,ਜਿਸ 'ਤੇ ਉਹ ਸਹਿਮ ਗਈ ਅਤੇ ਜੀਜੇ ਦੇ ਘਰ ਚਲੀ ਗਈ।ਜਿਥੇ ਉਸ ਦੇ ਜੀਜੇ ਨੇ ਉਸ ਨਾਲ ਜਬਰ-ਜ਼ਨਾਹ ਕੀਤਾ ਤੇ ਮੂੰਹ ਬੰਦ ਰੱਖਣ ਦੀ ਧਮਕੀ ਦਿੱਤੀ।ਇਸ ਤੋਂ ਬਾਅਦ ਉਸ ਦੀ ਚੁੱਪ ਦਾ ਜੀਜੇ ਨੇ ਕਈ ਵਾਰ ਫ਼ਾਇਦਾ ਉਠਾਉਂਦਿਆਂ ਉਸ ਨੂੰ ਆਪਣੀ ਹਵਸ ਦਾ ਸ਼ਿਕਾਰ ਬਣਾਇਆ।ਪੀੜਤਾ ਨੇ ਦੱਸਿਆ ਕਿ ਉਸਨੇ ਦੁਖੀ ਹੋ ਕੇ ਅੰਤ ਵਿਚ ਆਪਣਾ ਦੁਖੜਾ ਆਪਣੀ ਭੈਣ ਅੱਗੇ ਰੋਇਆ।ਭੈਣ ਤੇ ਪਰਿਵਾਰ ਵੱਲੋਂ ਹਿੰਮਤ ਦੇਣ 'ਤੇ ਉਸ ਨੇ ਪੁਲਿਸ ਕੋਲ ਇਸ ਦੀ ਸ਼ਿਕਾਇਤ ਦਰਜ ਕਰਵਾਈ।ਜਿਸ ਦੀ ਸ਼ਿਕਾਇਤ 'ਤੇ ਪੁਲਿਸ ਨੇ ਸਤਵਿੰਦਰ ਸਿੰਘ ਵਾਸੀ ਗਗਨਦੀਪ ਕਾਲੋਨੀ ਭੱਟੀਆਂ ਬੇਟ ਖਿਲਾਫ ਮਾਮਲਾ ਦਰਜ ਕਰ ਕੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। -PTCNews