ਮੰਤਰੀ ਦੇ ਮੁੰਡੇ ਨੂੰ ਚੜ੍ਹਿਆ ਸ਼ਰਾਬ ਅਤੇ ਆਸ਼ਿਕੀ ਦਾ ਭੂਤ, ਹੋਇਆ ਮਾਮਲਾ ਦਰਜ!
Molestation case registered against Haryana BJP President son ਚੰਡੀਗੜ੍ਹ: ਲੜਕੀ ਨਾਲ ਛੇੜਛਾੜ ਅਤੇ ਸ਼ਰਾਬ ਪੀ ਕੇ ਗੱਡੀ ਚਲਾਉਣ ਦੇ ਜੁਰਮ ਵਿੱਚ ਪੁਲਿਸ ਨੇ ਹਰਿਆਣਾ ਦੇ ਭਾਜਪਾ ਪ੍ਰਧਾਨ ਸੁਭਾਸ਼ ਬਰਾਲਾ ਦੇ ਪੁੱਤਰ ਵਿਕਾਸ ਬਰਾਲਾ ਅਤੇ ਉਸ ਦੇ ਦੋਸਤ ਨੂੰ ਖਿਲਾਫ ਮਾਮਲਾ ਦਰਜ ਕੀਤਾ ਹੈ। ਮੁਜਰਿਮਾਂ ਦੀ ਗ੍ਰਿਫਤਾਰੀ ਹੋ ਚੁੱਕੀ ਹੈ। ਸੈਕਟਰ ੨੬ ਦੇ ਪੁਲਿਸ ਥਾਣੇ ਵਿਚ ਕੇਸ ਦਰਜ ਹੋ ਕੇ ਕਰਵਾਈ ਸ਼ੁਰੂ ਹੋ ਚੁੱਕੀ ਹੈ।ਦੋਨਾਂ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰ ਐਸ.ਡੀ.ਐਮ. ਦੇ ਸਾਹਮਣੇ ਅਦਾਲਤ 'ਚ ਅੱਜ ਪੇਸ਼ ਕੀਤਾ ਜਾਵੇਗਾ। ਮਾਮਲਾ ਧਾਰਾ ੩੫੪ ਡੀ ਅਤੇ ਮੋਟਰ ਵਹੀਕਲ ਐਕਟ ੧੮੫ ਤਹਿਤ ਦਰਜ ਕੀਤਾ ਗਿਆ ਹੈ। ਇਹ ਦੋਵੇਂ ਧਾਰਾਵਾਂ ਜਮਾਨਤਸ਼ੁਦਾ ਹਨ ਅਤੇ ਪਰ ਜੇਕਰ ਲੜਕਿਆਂ ਦੁਆਰਾ ਇਹ ਜੁਰਮ ਦੁਹਰਾਇਆ ਜਾਂਦਾ ਹੈ ਤਾਂ ਇਹ ਗੈਰ-ਜਮਾਨਤੀ 'ਚ ਤਬਦੀਲ ਹੋ ਜਾਣਗੀਆਂ। ਹਾਲੇ ਪੁਲਿਸ ਧਾਰਾ ੧੬੪ ਤਹਿਤ ਲੜਕੀ ਦੇ ਬਿਆਨ ਦਰਜ ਕਰੇਗੀ ਅਤੇ ਜੇਕਰ ਜਰੂਰਤ ਮਹਿਸੂਸ ਹੋਈ ਤਾਂ ਹੋਰ ਧਾਰਾਵਾਂ ਵੀ ਨਾਲ ਜੋੜ੍ਹ ਦਿੱਤੀਆਂ ਜਾਣਗੀਆਂ। ਪੁਲਿਸ ਨੇ ਛੇੜਛਾੜ ਦੌਰਾਨ ਵਰਤੀ ਗਈ ਕਾਰ ਨੂੰ ਵੀ ਕਬਜ਼ੇ 'ਚ ਲੈ ਲਿਆ ਹੈ। ਲੜਕੀ ਦੀ ਪਛਾਣ, ਪੁਲਿਸ ਨੇ ਇੱਕ ਗੁਪਤ ਰੱਖੀ ਹੈ ਪਰ ਸਰੋਤਾਂ ਦੇ ਅਨੁਸਾਰ, ਲੜਕੀ ਕਿਸੇ ਸੀਨੀਅਰ ਆਈ.ਏ.ਐਸ.ਅਧਿਕਾਰੀ ਦੀ ਧੀ ਹੈ। —PTC News