ਚੰਨ ਨੂੰ ਅਰਘ ਦੇ ਸੁਹਾਗਣਾਂ ਨੇ ਖੋਲ੍ਹਿਆ ਕਰਵਾ ਚੌਥ ਵਰਤ ,ਸੁਹਾਗਣਾਂ ਨੇ ਕੀਤਾ ਚੰਨ ਮਾਹੀ ਦਾ ਦੀਦਾਰ !
ਚੰਨ ਨੂੰ ਅਰਘ ਦੇ ਸੁਹਾਗਣਾਂ ਨੇ ਖੋਲ੍ਹਿਆ ਕਰਵਾ ਚੌਥ ਵਰਤ ,ਸੁਹਾਗਣਾਂ ਨੇ ਕੀਤਾ ਚੰਨ ਮਾਹੀ ਦਾ ਦੀਦਾਰ !:ਕਰਵਾ ਚੌਥ ਦਾ ਤਿਉਹਾਰ ਦੇਸ਼ ਭਰ 'ਚ ਧੂਮਧਾਮ ਨਾਲ ਮਨਾਇਆ ਜਾ ਰਿਹਾ ਹੈ।ਇਸ ਮੌਕੇ ਔਰਤਾਂ ਆਪਣੇ ਪਤੀ ਦੀ ਲੰਮੀ ਉੁਮਰ ਲਈ ਕਾਮਨਾ ਕਰਦੀਆਂ ਹੋਈਆਂ ਪੂਰਾ ਦਿਨ ਵਰਤ ਰੱਖਦੀਆਂ ਹਨ।ਇਸ ਦਿਨ ਸੁਹਾਗਣਾਂ ਵੱਲੋਂ ਸੂਰਜ ਚੜ੍ਹਣ ਤੋਂ ਪਹਿਲਾਂ ਸਵੇਰੇ ਉੱਠ ਕੇ ਸਰਗੀ ਖਾ ਕੇ ਇਸ ਵਰਤ ਦੀ ਸ਼ੁਰੂਆਤ ਕੀਤੀ ਜਾਂਦੀ ਹੈ ਅਤੇ ਰਾਤ ਨੂੰ ਚੰਨ ਦੇਖ ਕੇ ਉਸ ਨੂੰ ਅਰਘ ਦੇਣ ਤੋਂ ਬਾਅਦ ਵਰਤ ਪੂਰਾ ਹੁੰਦਾ ਹੈ।ਜਿਥੇ ਅੱਜ ਸੁਹਾਗਣਾਂ ਵੱਲੋਂ ਸਵੇਰ ਤੋਂ ਚੰਨ ਦਾ ਇੰਤਜ਼ਾਰ ਕੀਤਾ ਜਾ ਰਿਹਾ ਹੈ,ਓਥੇ ਹੀ ਗੁਰੂ ਨਗਰੀ ਅੰਮ੍ਰਿਤਸਰ 'ਚ ਚੰਨ ਨਿਕਲ ਆਇਆ ਹੈ।ਜਿਸ ਦੇ ਲਈ ਸੁਹਾਗਣਾਂ ਵੱਲੋਂ ਅੱਜ ਕੋਠਿਆਂ 'ਤੇ ਚੜ ਚੰਨ ਚੜਨ ਦਾ ਬੇ ਸਬਰੀ ਨਾਲ ਇੰਤਜ਼ਾਰ ਕੀਤਾ ਗਿਆ ਸੀ।ਇਸ ਦੌਰਾਨ ਸੁਹਾਗਣਾਂ ਨੇ ਚੰਨ ਦੇਖ ਕੇ ਉਸ ਨੂੰ ਅਰਘ ਦੇਣ ਤੋਂ ਬਾਅਦ ਵਰਤ ਸੰਪਨ ਕੀਤਾ ਹੈ।ਜਾਣਕਾਰੀ ਲਈ ਦੱਸ ਦੇਈਏ ਕਿ ਔਰਤਾਂ ਦਾ ਪ੍ਰਸਿੱਧ ਤਿਉਹਾਰ ਕਰਵਾ ਚੌਥ ਅੱਜ ਬੜੀ ਹੀ ਧੂਮ ਧਾਮ ਨਾਲ ਮਨਾਇਆ ਗਿਆ ਹੈ।ਇਸ ਦਿਨ ਸਵੇਰ ਤੋਂ ਹੀ ਬਜ਼ਾਰਾਂ ਵਿੱਚ ਭਾਰੀ ਰੌਣਕ ਦੇਖਣ ਨੂੰ ਮਿਲੀ ਹੈ।ਦੁਪਿਹਰ ਤੱਕ ਆਪਣੇ ਆਪ ਨੂੰ ਤਿਆਰ ਕਰ ਸੁੰਦਰ ਪਹਿਰਾਵੇ ਪਹਿਨ ਔਰਤਾਂ ਬਜ਼ਾਰਾਂ ਵਿੱਚ ਭਾਰੀਂ ਖਰੀਦਦਾਰੀ ਕਰਦੀਆਂ ਵੇਖੀਆਂ ਗਈਆਂ ਤੇ ਹੱਥਾਂ ਤੇ ਮਹਿੰਦੀ ਲਗਾਈ ਗਈ।ਕਰਵਾ ਚੌਥ ਦਾ ਵਰਤ ਰੱਖਣ ਤੋਂ ਬਾਅਦ ਸੁਹਾਗਣਾਂ ਨੇ ਸ਼ਾਮ ਨੂੰ ਕਰਵਾ ਚੌਥ ਵਰਤ ਕਥਾ ਸੁਣਨ ਦੀ ਪੂਰੀ ਤਿਆਰੀ ਕਰਨੀ ਸ਼ੁਰੂ ਕਰ ਦਿੱਤੀ।ਕਰਵਾ ਚੌਥ ਵਰਤ ਰੱਖਣ ਤੋਂ ਬਾਅਦ ਸੁਹਾਗਣਾਂ ਨੇ ਆਪਣੇ ਪਰਿਵਾਰ ਦੇ ਮੈਂਬਰਾਂ ਤੇ ਸਹੇਲੀਆਂ ਨਾਲ ਕਲੱਬਾਂ ਤੇ ਫਿਲਮਾਂ ਦੇਖ ਕੇ ਸਮਾਂ ਬਤੀਤ ਕੀਤਾ।ਜਿਓਂ ਹੀ ਸ਼ਾਮ ਦੇ ਚਾਰ ਵੱਜੇ ਉਦੋਂ ਸੁਹਾਗਣਾਂ ਤੇ ਮੁਟਿਆਰਾਂ ਨੇ ਕਰਵਾ ਚੌਥ ਵਰਤ ਸੁਣਨ ਲਈ ਵਰਤ ਦੀ ਥਾਲੀ ਸਜਾਈ।ਇਸ ਪਵਿੱਤਰ ਦਿਨ 'ਤੇ ਸੁਹਾਗਣਾਂ ਵੱਲੋਂ ਆਪਣੇ ਪਤੀ ਦੀ ਲੰਮੀ ਉਮਰ ਲਈ ਰੱਖਿਆ ਇਹ ਵਰਤ ਰਾਤ ਨੂੰ ਚੰਨ ਦੇ ਦਿਖਣ ਤੋਂ ਬਾਅਦ, ਪ੍ਮਾਤਮਾਂ ਅੱਗੇ ਅਰਦਾਸ ਕਰਨ 'ਤੇ ਹੀ ਸੰਪਨ ਗਿਆ ਹੈ। -PTCNews