ਭੁੱਖ ਹੜਤਾਲ ਤੋਂ ਪਹਿਲਾਂ ਕਾਂਗਰਸੀਆਂ ਨੇ ਦਿੱਤਾ ਛੋਲੇ ਭਠੂਰਿਆਂ 'ਤੇ ਜ਼ੋਰ
National Congress politicians eating chole bathure before hunger strike: ਭੁੱਖ ਹੜਤਾਲ ਤੋਂ ਪਹਿਲਾਂ ਕਾਂਗਰਸੀਆਂ ਨੇ ਦਿੱਤਾ ਛੋਲੇ ਭਠੂਰਿਆਂ 'ਤੇ ਜ਼ੋਰ ਅੱਜ ਰਾਜਘਾਟ 'ਤੇ ਅਨਸ਼ਨ ਲਈ ਲੋਕਾਂ ਨੂੰ ਇੱਕਠੇ ਹੋਣ ਦੀ ਅਪੀਲ ਕਰਨ ਵਾਲੇ ਕਾਂਗਰਸੀ ਨੇਤਾਵਾਂ ਨੇ ਆਪਣੀਆਂ ਮੰਗਾਂ ਪੂਰੀਆਂ ਕਰਨ ਨੂੰ ਲੈ ਕੇ ਲੋਕਾਂ ਨੂੰ ਭੁੱਖ ਹੜਤਾਲ 'ਚ ਸਹਿਯੋਗ ਦੇਣ ਲਈ ਆਖਿਆ ਸੀ। ਇਹ ਭੁੱਖ ਹੜਤਾਲ ਜਾਤੀ ਹਿੰਸਾ ਦੇ ਵਿਰੋਧ 'ਚ ਕੀਤੀ ਗਈ ਹੈ, ਜਿਸ ਤਹਿਤ ਰਾਹੁਲ ਗਾਂਧੀ ਸਮੇਤ ਹੋਰ ਵੱਡੇ ਨੇਤਾ ਦਿੱਲੀ ਰਾਜਘਾਟ ਵਿਖੇ ਇਕੱਠੇ ਹੋ ਕੇ ਸਾਮੂਹਿਕ ਉਪਵਾਸ ਭਾਵ ਭੁੱਖ ਹੜਤਾਲ ਕਰ ਰਹੇ ਹਨ। ਪਰ ਹੈਰਾਨੀਜਨਕ ਗੱਲ ਉਦੋਂ ਵਾਪਰੀ ਜਦੋਂ ਮਦਨ ਲਾਲ ਖੁਰਾਨਾ ਦੇ ਪੁੱਤਰ ਹਰੀਸ਼ ਖੁਰਾਨਾ ਵੱਲੋਂ ਟਵਿੱਟਰ ਰਾਹੀਂ ਇੱਕ ਤਸਵੀਰ ਜਨਤਕ ਕੀਤੀ ਗਈ, ਜਿੱਥੇ ਭੁੱਖ ਹੜਤਾਲ ਕਰਨ ਤੋਂ ਪਹਿਲਾਂ ਕਾਂਗਰਸੀ ਨੇਤਾ ਆਪਣੇ ਦਿਨ ਭਰ ਦੀ ਭੁੱਖ ਦਾ ਕੋਟਾ ਪਹਿਲਾਂ ਹੀ ਪੂਰਾ ਕਰਦੇ ਆਏ।
ਇਸ ਤਸਵੀਰ 'ਚ ਹਰੂਨ ਯੁਸੂਫ ਸਮੇਤ ਹੋਰ ਕਈ ਨੇਤਾ ਛੋਲੇ ਭਠੂਰਿਆਂ ਦਾ ਸਵਾਦ ਲੈਂਦੇ ਨਜ਼ਰ ਆ ਰਹੇ ਹਨ। ਦੱਸ ਦੇਈਏ ਕਿ ਸਵੇਰੇ ਹੋਈ ਇਸ ਹੜਤਾਲ 'ਚ ਟਾਈਟਲਰ ਅਤੇ ਸੱਜਣ ਕੁਮਾਰ ਵੱਲੋਂ ਮੰਚ 'ਤੇ ਆਉਣ ਨਾਲ ਲੋਕਾਂ 'ਚ ਰੋਹ ਪਾਇਆ ਗਿਆ ਸੀ, ਜਿਸ ਤੋਂ ਬਾਅਦ ਉਹਨਾਂ ਨੂੰ ਸਟੇਜ ਤੋਂ ਉਤਰਣ ਲਈ ਕਿਹਾ ਗਿਆ ਸੀ। —PTC Newsवहाँ रे हमारे कांग्रिस के नेता,लोगों को राज घाट पर अनशन के लिए बुलाया है और ख़ुद एक रेस्तराँ में बैठ कर छोले भटूरे के मज़े ले रहे हो । सही बेफ़क़ूफ बनाते हो । pic.twitter.com/gp2pIYsdOb — Harish Khurana (@HarishKhuranna) April 9, 2018