ਵੱਡਾ ਫੈਸਲਾ: ਮਿਲਿਟਰੀ ਪੁਲਿਸ 'ਚ ਹੁਣ ਔਰਤਾਂ ਵੀ ਹੋਣਗੀਆਂ ਸ਼ਾਮਿਲ
ਵੱਡਾ ਫੈਸਲਾ: ਮਿਲਿਟਰੀ ਪੁਲਿਸ 'ਚ ਹੁਣ ਔਰਤਾਂ ਵੀ ਹੋਣਗੀਆਂ ਸ਼ਾਮਿਲ, New Defence Minister orders to Induct 800 Women In Military Police ਜਰਮਨੀ, ਆਸਟ੍ਰੇਲੀਆ, ਕੈਨੇਡਾ, ਅਮਰੀਕਾ, ਬ੍ਰਿਟੇਨ, ਡੈਨਮਾਰਕ, ਫਿਨਲੈਂਡ, ਫਰਾਂਸ, ਨਾਰਵੇ, ਸਵੀਡਨ ਅਤੇ ਇਜ਼ਰਾਇਲ ਤੋਂ ਬਾਅਦ ਹੁਣ ਵਾਰੀ ਹੈ ਭਾਰਤ ਦੀ, ਹਾਂਜੀ ਹੁਣ ਫੌਜ ਵਿੱਚ ਭਾਰਤੀ ਮਹਿਲਾਵਾਂ ਦਾ ਵੀ ਅਹਿਮ ਰੋਲ ਹੋਇਆ ਕਰੇਗਾ। ਸਰਕਾਰ ਨੇ ਲਿੰਗ ਆਧਾਰਿਤ ਬੰਧਨਾਂ ਨੂੰ ਤੋੜ ਕੇ ਹੁਣ ਭਾਰਤੀ ਮਹਿਲਾਵਾਂ ਨੂੰ ਵੀ ਅੱਗੇ ਲੈ ਕੇ ਆਉਣ ਦੀ ਠਾਣੀ ਹੈ। ਫੌਜ ਨੇ ੫੨ ਫ਼ੌਜੀਆਂ ਦੇ ਸਾਲਾਨਾ ਦਾਖਲੇ ਦੇ ਨਾਲ ਫੌਜੀ ਪੁਲਿਸ ਵਿਚ ਤਕਰੀਬਨ ੮੦੦ ਔਰਤਾਂ ਨੂੰ ਭਰਤੀ ਕਰਨ ਦੀ ਯੋਜਨਾ ਬਣਾਈ ਸੀ, ਫੌਜ ਦੇ ਅਬਦੁੱਲੈਂਟ ਜਨਰਲ ਲੈਫਟੀਨੈਂਟ ਜਨਰਲ ਅਸ਼ਵਨੀ ਕੁਮਾਰ ਨੇ ਕਿਹਾ। ਲਿੰਗ ਆਧਾਰਿਤ ਵੱਧਦੇ ਵਿਤਕਰੇ ਨੂੰ ਅਤੇ ਅਪਰਾਧ ਦੇ ਖਿਲਾਫ ਜਾਂਚ ਦੀ ਵਧਦੀਆਂ ਲੋੜਾਂ ਨੂੰ ਧਿਆਨ ਵਿਚ ਰੱਖਦੇ ਹੋਏ ਇਹ ਫੈਸਲਾ ਲਿਆ ਗਿਆ ਹੈ। ਇਕ ਹੋਰ ਅਧਿਕਾਰੀ ਨੇ ਦੱਸਿਆ ਕਿ ਕੁਝ ਮਹਿਲਾ ਕਰਮਚਾਰੀਆਂ ਨੂੰ ਕਸ਼ਮੀਰ ਘਾਟੀ ਵਿਚ ਵੀ ਤਾਇਨਾਤ ਕੀਤੇ ਜਾਣ ਦੀ ਸੰਭਾਵਨਾ ਹੈ। ਨਿਰਮਲਾ ਸੀਤਾਰਮਨ ਨੇ ਦੇਸ਼ ਦਾ ਪਹਿਲਾ ਫੁੱਲ ਟਾਈਮ ਔਰਤ ਰੱਖਿਆ ਮੰਤਰੀ ਦੇ ਤੌਰ 'ਤੇ ਨਿਯੁਕਤ ਹੋਣ ਦੇ ਇੱਕ ਦਿਨ ਬਾਅਦ ਇਹ ਬਿਆਨ ਆਇਆ ਹੈ। ਇਹ ਪ੍ਰਕਿਰਿਆ ਅਗਲੇ ਸਾਲ ਦੇ ਸ਼ੁਰੂ ਹੋਣ ਦੀ ਸੰਭਾਵਨਾ ਹੈ। ਇਸ ਵੇਲੇ, ਔਰਤਾਂ ਦੇ ਮੈਡੀਕਲ, ਕਾਨੂੰਨੀ, ਵਿਦਿਅਕ, ਸਿਗਨਲ ਅਤੇ ਇੰਜਨੀਅਰਿੰਗ ਵਿੰਗਾਂ ਜਿਵੇਂ ਚੋਣਵੇਂ ਖੇਤਰਾਂ ਵਿਚ ਔਰਤਾਂ ਭਰਤੀ ਹੋ ਸਕਦੀਆਂ ਹਨ। ਫੌਜੀ ਪੁਲਿਸ ਦੀ ਭੂਮਿਕਾ ਵਿਚ ਨਿਯਮਾਂ ਦੀ ਉਲੰਘਣਾ ਨੂੰ ਰੋਕਣਾ, ਅਸ਼ਾਂਤੀ ਅਤੇ ਸ਼ਾਂਤੀ ਦੌਰਾਨ ਮਾਹੌਲ ਨੂੰ ਠੀਕ ਰੱਖਣਾ, ਸਿਵਲ ਪੁਲਿਸ ਨੂੰ ਸਹਾਇਤਾ ਪ੍ਰਦਾਨ ਕਰਨੀ ਆਦਿ ਕੰਮ ਸ਼ਾਮਿਲ ਹੁੰਦੇ ਹਨ। —PTC News