Payal Malik ਦਾ ਘਰ ਤੋੜਨ ਦਾ ਇਲਜ਼ਾਮ ਲੱਗਣ ’ਤੇ Kritika Malik ਨੇ ਕੀਤੀ ਸੀ ਖ਼ੁਦ ਨੂੰ ਮਾਰਨ ਦੀ ਕੋਸ਼ਿਸ਼...!
Bigg Boss OTT 3 : ਰਿਐਲਿਟੀ ਸ਼ੋਅ 'ਬਿੱਗ ਬੌਸ ਓਟੀਟੀ ਸੀਜ਼ਨ 3' ਦਾ ਫਿਨਾਲੇ ਨੇੜੇ ਆਉਣ 'ਤੇ ਮੁਕਾਬਲਾ ਤੇਜ਼ ਹੋ ਗਿਆ ਹੈ। ਪਿਛਲੇ ਐਪੀਸੋਡ 'ਚ ਮੀਡੀਆ ਨੇ ਘਰ ਆ ਕੇ ਪਰਿਵਾਰਿਕ ਮੈਂਬਰਾਂ ਨੂੰ ਤਿੱਖੇ ਸਵਾਲ ਕੀਤੇ। ਰਣਵੀਰ ਸ਼ੋਰੇ, ਲਵਕੇਸ਼ ਕਟਾਰੀਆ, ਅਰਮਾਨ ਮਲਿਕ, ਕ੍ਰਿਤਿਕਾ ਮਲਿਕ, ਸਾਈ ਕੇਤਨ ਰਾਓ, ਨਾਜ਼ੀ ਅਤੇ ਸਨਾ ਮਕਬੂਲ ਨੇ ਇਨ੍ਹਾਂ ਤਿੱਖੇ ਸਵਾਲਾਂ ਦਾ ਸਾਹਮਣਾ ਕੀਤਾ।
ਹਾਲਾਂਕਿ ਸਭ ਤੋਂ ਜ਼ਿਆਦਾ ਸਵਾਲ ਅਰਮਾਨ ਅਤੇ ਕ੍ਰਿਤਿਕਾ ਦੇ ਰਿਸ਼ਤੇ 'ਤੇ ਉੱਠੇ ਸਨ। ਜਿੱਥੇ ਅਰਮਾਨ 'ਤੇ ਆਪਣੀਆਂ ਦੋਵੇਂ ਪਤਨੀਆਂ 'ਤੇ ਹਾਵੀ ਹੋਣ ਦਾ ਦੋਸ਼ ਲੱਗਾ, ਉੱਥੇ ਹੀ ਕ੍ਰਿਤਿਕਾ ਦੀ ਵੀ ਕਾਫੀ ਆਲੋਚਨਾ ਹੋਈ। ਉਸ 'ਤੇ ਪਾਇਲ ਅਤੇ ਅਰਮਾਨ ਦੀ ਖੁਸ਼ਹਾਲ ਜ਼ਿੰਦਗੀ ਨੂੰ ਬਰਬਾਦ ਕਰਨ ਦਾ ਦੋਸ਼ ਸੀ।
ਬਿੱਗ ਬੌਸ ਓਟੀਟੀ 3 ਵਿੱਚ ਅਰਮਾਨ ਮਲਿਕ ਅਤੇ ਉਨ੍ਹਾਂ ਦੀ ਦੂਜੀ ਪਤਨੀ ਕ੍ਰਿਤਿਕਾ ਮਲਿਕ ਨੂੰ ਸਭ ਤੋਂ ਵੱਧ ਨਿਸ਼ਾਨਾ ਬਣਾਇਆ ਗਿਆ ਸੀ। ਇਕ ਪੱਤਰਕਾਰ ਨੇ ਕ੍ਰਿਤਿਕਾ 'ਤੇ ਸਵਾਲ ਚੁੱਕੇ ਅਤੇ ਉਸ ਨੂੰ ਡਾਇਨ ਅਤੇ 'ਬੇਵਫ਼ਾ ਦੋਸਤ' ਵੀ ਕਿਹਾ।
ਇਸ ਪ੍ਰੈੱਸ ਕਾਨਫਰੰਸ ਦੌਰਾਨ ਜਦੋਂ ਅਰਮਾਨ ਮਲਿਕ ਨੂੰ ਕ੍ਰਿਤਿਕਾ 'ਤੇ ਦਬਦਬਾ ਬਣਾਉਣ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਨੇ ਅਜਿਹਾ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਇਸ ਦੌਰਾਨ ਕ੍ਰਿਤਿਕਾ ਤੋਂ ਪੁੱਛਿਆ ਗਿਆ ਕਿ ਕੀ ਉਹ ਆਪਣੇ ਸਭ ਤੋਂ ਚੰਗੇ ਦੋਸਤ ਦੀ ਪਿੱਠ 'ਤੇ ਛੁਰਾ ਮਾਰਨ 'ਤੇ ਸ਼ਰਮਿੰਦਾ ਹੈ? ਤਾਂ ਉਸਨੇ ਜਵਾਬ ਦਿੱਤਾ, 'ਸ਼ੁਰੂ ਵਿਚ ਮੈਂ ਦੋਸ਼ੀ ਮਹਿਸੂਸ ਕੀਤਾ, ਸਾਨੂੰ ਬਹੁਤ ਸਾਰੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ, ਅਸੀਂ ਤਿੰਨੋਂ ਵੱਖ ਹੋ ਗਏ ਅਤੇ ਮੈਂ ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਵੀ ਕੀਤੀ, ਪਰ ਬਾਅਦ ਵਿਚ ਮੈਨੂੰ ਅਹਿਸਾਸ ਹੋਇਆ ਕਿ ਮੈਂ ਅਰਮਾਨ ਜੀ ਨਾਲ ਨਹੀਂ ਰਹਿ ਸਕਦੀ। ਪਰ ਪਾਇਲ ਕਾਰਨ ਇਹ ਰਿਸ਼ਤਾ ਚੱਲ ਸਕਿਆ।
ਕਾਬਿਲੇਗੌਰ ਹੈ ਕਿ 21 ਜੂਨ ਤੋਂ ਸ਼ੁਰੂ ਹੋਇਆ ਬਿੱਗ ਬੌਸ ਹੁਣ ਫਿਨਾਲੇ ਵੱਲ ਵਧ ਰਿਹਾ ਹੈ। ਸ਼ੋਅ ਦਾ ਫਿਨਾਲੇ ਸ਼ੁੱਕਰਵਾਰ 2 ਅਗਸਤ ਨੂੰ ਹੈ। ਇਸ ਸ਼ੋਅ ਵਿੱਚ ਕੁੱਲ 16 ਮੈਂਬਰਾਂ ਨੇ ਹਿੱਸਾ ਲਿਆ ਸੀ ਅਤੇ ਹੁਣ ਸਿਰਫ਼ 7 ਪ੍ਰਤੀਯੋਗੀ ਬਚੇ ਹਨ। ਕਿਉਂਕਿ ਸਿਰਫ ਚੋਟੀ ਦੇ 5 ਮੈਂਬਰ ਹੀ ਫਿਨਾਲੇ ਵਿੱਚ ਜਾਣਗੇ, ਇਸ ਲਈ ਕਿਹਾ ਜਾ ਰਿਹਾ ਹੈ ਕਿ ਦੋ ਪ੍ਰਤੀਯੋਗੀਆਂ ਨੂੰ ਜਲਦੀ ਹੀ ਬਾਹਰ ਕਰ ਦਿੱਤਾ ਜਾਵੇਗਾ।
- PTC NEWS
