Delhi Cyclist Killed : ਦਿੱਲੀ 'ਚ ਮੁੜ ਤੇਜ਼ ਰਫਤਾਰ ਦਾ ਕਹਿਰ; ਸਾਈਕਲ 'ਤੇ ਡਿਊਟੀ 'ਤੇ ਜਾ ਰਹੇ ਵਿਅਕਤੀ ਨੂੰ ਮਰਸਡੀਜ਼ ਚਾਲਕ ਨੇ ਕੁਚਲਿਆ
Delhi Cyclist Killed : ਰਾਜਧਾਨੀ ਦਿੱਲੀ 'ਚ ਇਕ ਵਾਰ ਫਿਰ ਤੇਜ਼ ਰਫਤਾਰ ਦਾ ਕਹਿਰ ਦੇਖਣ ਨੂੰ ਮਿਲਿਆ ਹੈ। ਸ਼ਨੀਵਾਰ ਸਵੇਰੇ ਦੱਖਣੀ ਪੂਰਬੀ ਦਿੱਲੀ ਦੇ ਆਸ਼ਰਮ ਇਲਾਕੇ 'ਚ ਇਕ ਤੇਜ਼ ਰਫਤਾਰ ਮਰਸਡੀਜ਼ ਕਾਰ ਨੇ ਸੜਕ 'ਤੇ ਪੈਦਲ ਜਾ ਰਹੇ ਇਕ ਸਾਈਕਲ ਸਵਾਰ ਨੂੰ ਟੱਕਰ ਮਾਰ ਦਿੱਤੀ। ਇਸ ਤੋਂ ਬਾਅਦ ਮਰਸਡੀਜ਼ ਕਾਰ ਚਾਲਕ ਮੌਕੇ ਤੋਂ ਫਰਾਰ ਹੋ ਗਿਆ। ਕਾਰ ਦੀ ਲਪੇਟ 'ਚ ਆਉਣ ਨਾਲ ਸਾਈਕਲ ਸਵਾਰ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।
ਪੁਲਿਸ ਨੇ ਇਸ ਮਾਮਲੇ ਵਿੱਚ ਐਫਆਈਆਰ ਦਰਜ ਕਰ ਲਈ ਹੈ। ਕਾਰ ਚਾਲਕ ਦੀ ਭਾਲ ਕੀਤੀ ਜਾ ਰਹੀ ਹੈ। ਪੁਲਸ ਨੇ ਕਾਰ ਦੀ ਟੱਕਰ 'ਚ ਜਾਨ ਗਵਾਉਣ ਵਾਲੇ ਸਾਈਕਲ ਸਵਾਰ ਦੀ ਪਛਾਣ ਰਾਜੇਸ਼ ਵਜੋਂ ਕੀਤੀ ਹੈ। ਪੁਲਿਸ ਕਾਰ ਚਾਲਕ ਦੀ ਭਾਲ ਲਈ ਆਸਪਾਸ ਦੇ ਸੀਸੀਟੀਵੀ ਫੁਟੇਜ ਨੂੰ ਸਕੈਨ ਕਰ ਰਹੀ ਹੈ।
ਦੱਸ ਦਈਏ ਕਿ ਕੁਝ ਲੋਕਾਂ ਨੇ ਪੁਲਿਸ ਨੂੰ ਗੱਡੀ ਦਾ ਨੰਬਰ ਵੀ ਦੱਸਿਆ। ਸਨਲਾਈਟ ਪੁਲਿਸ ਨੇ ਫਿਰ ਉਸ ਨੰਬਰ ਦੇ ਨਾਲ-ਨਾਲ ਸੀਸੀਟੀਵੀ ਫੁਟੇਜ ਰਾਹੀਂ ਮਰਸਡੀਜ਼ ਡਰਾਈਵਰ ਦਾ ਪਤਾ ਲਗਾਉਣਾ ਸ਼ੁਰੂ ਕਰ ਦਿੱਤਾ। ਹਾਲਾਂਕਿ ਇਸ ਦੌਰਾਨ ਤੇਜ਼ ਰਫਤਾਰ ਮਰਸਡੀਜ਼ ਚਲਾਉਣ ਵਾਲੇ ਦੋਸ਼ੀ ਨੇ ਸ਼ਾਮ ਨੂੰ ਥਾਣੇ 'ਚ ਆਤਮ ਸਮਰਪਣ ਕਰ ਦਿੱਤਾ, ਜਿਸ ਤੋਂ ਬਾਅਦ ਪੁਲਸ ਨੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ।
ਪੁਲਿਸ ਨੇ ਦੱਸਿਆ ਕਿ ਮਰਸਡੀਜ਼ ਚਲਾ ਰਹੇ ਵਿਅਕਤੀ ਦੀ ਪਛਾਣ ਪ੍ਰਦੀਪ ਗੌਤਮ ਵਜੋਂ ਹੋਈ ਹੈ। 45 ਸਾਲਾ ਪ੍ਰਦੀਪ ਨੋਇਡਾ ਸੈਕਟਰ 46 ਦਾ ਰਹਿਣ ਵਾਲਾ ਹੈ। ਪੁਲਿਸ ਮੁਤਾਬਕ ਮੁਲਜ਼ਮ ਪ੍ਰਦੀਪ ਕਾਰਾਂ ਦੀ ਖਰੀਦੋ-ਫਰੋਖਤ ਕਰਦਾ ਹੈ ਅਤੇ ਨੋਇਡਾ ਵਿੱਚ ਉਸਦਾ ਕਾਰੋਬਾਰ ਹੈ। ਇਹ ਮਰਸਡੀਜ਼ ਕਾਰ ਵੀ ਕਰੀਬ ਇੱਕ ਮਹੀਨੇ ਤੋਂ ਉਸ ਕੋਲ ਸੀ। ਇਹ ਗੱਡੀ ਦੇ ਮਾਲਕ ਨੇ ਉਸ ਨੂੰ ਵੇਚਣ ਲਈ ਦਿੱਤੀ ਸੀ, ਜਿਸ ਨਾਲ ਉਹ ਘੁੰਮ ਰਿਹਾ ਸੀ।
ਪੁਲਿਸ ਨੇ ਅੱਗੇ ਦੱਸਿਆ ਕਿ ਮੁਲਜ਼ਮ ਰਾਜੇਸ਼ ਨੂੰ ਮਰਸਡੀਜ਼ ਕਾਰ ਨਾਲ ਟੱਕਰ ਮਾਰ ਕੇ ਫਰਾਰ ਹੋ ਗਿਆ ਸੀ। ਹਾਲਾਂਕਿ ਕਾਰ ਦੀ ਮਾਲਕੀ ਦਾ ਪਤਾ ਲਗਾਉਣ ਤੋਂ ਬਾਅਦ ਪੁਲਸ ਮਰਸਡੀਜ਼ ਦੇ ਮਾਲਕ ਤੱਕ ਪਹੁੰਚ ਗਈ ਅਤੇ ਸ਼ਾਮ ਨੂੰ ਦੋਸ਼ੀ ਡਰਾਈਵਰ ਨੇ ਖੁਦ ਹੀ ਥਾਣੇ 'ਚ ਆਤਮ ਸਮਰਪਣ ਕਰ ਦਿੱਤਾ। ਪੁਲੀਸ ਨੂੰ ਮੁਲਜ਼ਮਾਂ ਬਾਰੇ ਮਾਲਕ ਕੋਲੋਂ ਸੂਚਨਾ ਮਿਲੀ ਸੀ।
ਇਹ ਵੀ ਪੜ੍ਹੋ: Bomb Threat : ਅੰਮ੍ਰਿਤਸਰ ਏਅਰਪੋਰਟ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ, ਫ਼ਿਰੋਜ਼ਪੁਰ ਤੋਂ ਫੜਿਆ ਮੁਲਜ਼ਮ
- PTC NEWS
