ਫ਼ਰੀਦਕੋਟ : ਬੇਅਦਬੀ ਤੇ ਗੋਲ਼ੀਕਾਂਡ ਮਾਮਲੇ ’ਚ ਇਨਸਾਫ਼ ਲੈਣ ਲਈ ਬਹਿਬਲ ਮੋਰਚੇ ਦੇ ਆਗੂਆਂ ਨੇ ਵੀਰਵਾਰ ਨੂੰ ਰਾਸ਼ਟਰੀ ਰਾਜ ਮਾਰਗ ਨੰਬਰ 54 ’ਤੇ ਧਰਨਾ ਦੇ ਕੇ ਅੰਮ੍ਰਿਤਸਰ-ਫ਼ਰੀਦਕੋਟ ਵਿਚਕਾਰ ਆਵਾਜਾਈ ਠੱਪ ਕਰ ਦਿੱਤੀ। ਸਿੱਖ ਆਗੂਆਂ ਨੇ ਕਿਹਾ ਹੈ ਕਿ ਜਦੋਂ ਤਕ ਬੇਅਦਬੀ ਤੇ ਗੋਲ਼ੀਕਾਂਡ ਦਾ ਇਨਸਾਫ਼ ਨਹੀਂ ਮਿਲਦਾ, ਉਦੋਂ ਤਕ ਆਵਾਜਾਈ ਠੱਪ ਹੀ ਰਹੇਗੀ।
ਇਸ ਤੋਂ ਕੈਬਨਿਟ ਮੰਤਰੀ ਫ਼ੌਜਾ ਸਿੰਘ ਸਰਾਰੀ ਧਰਨੇ ਵਾਲੀ ਥਾਂ 'ਤੇ ਪਹੁੰਚੇ ਅਤੇ ਧਰਨਾਕਾਰੀਆਂ ਨੂੰ ਜਾਮ ਹਟਾਉਣ ਦੀ ਅਪੀਲ ਕੀਤੀ। ਸਰਾਰੀ ਨੇ ਸੰਗਤ ਤੋਂ 7 ਜਨਵਰੀ ਤੱਕ ਦਾ ਸਮਾਂ ਮੰਗਿਆ ਹੈ। ਗੱਲਬਾਤ ਤੋਂ ਬਾਅਦ ਧਰਨਾਕਾਰੀਆਂ ਨੇ ਮਾਰਗ ਦਾ ਇਕ ਪਾਸਾ ਖੋਲ੍ਹ ਦਿੱਤਾ।
ਮੋਰਚੇ ਵੱਲੋਂ ਸ਼ਹੀਦੀ ਜੋੜ ਮੇਲਾ ਨੂੰ ਲੈ ਕੇ ਇਕ ਪਾਸੇ ਦੀ ਸੜਕ ਖੋਲ੍ਹੀ ਗਈ ਹੈ ਤਾਂ ਇਸ ਮਾਰਗ ਰਾਹੀ ਲੰਘਣ ਵਾਲੀ ਸਿੱਖ ਸੰਗਤ ਨੂੰ ਕੋਈ ਪ੍ਰੇਸ਼ਾਨੀ ਨਾ ਆਵੇ। ਸੰਗਤ ਵਲੋਂ ਕੈਬਨਿਟ ਮੰਤਰੀ ਨੂੰ ਜਵਾਬ ਦਿੰਦਿਆਂ ਹੋਰ ਸਮਾਂ ਦੇਣ ਤੋਂ ਇਨਕਾਰ ਕਰ ਦਿੱਤਾ ਗਿਆ।ਸ਼ਹੀਦੀ ਜੋੜ ਮੇਲੇ ਦੇ ਚੱਲਦੇ ਨੈਸ਼ਨਲ ਹਾਈਵੇ ਨੂੰ ਇਕ ਸਾਈਡ ਤੋਂ 7 ਜਨਵਰੀ ਤੱਕ ਲਈ ਖੋਲ੍ਹ ਦਿੱਤਾ ਗਿਆ। 7 ਜਨਵਰੀ ਤੋਂ ਬਾਅਦ ਮੁੜ ਨੈਸ਼ਨਲ ਹਾਈਵੇ ਦੋਹਾਂ ਸਾਈਡਾਂ ਤੋਂ ਜਾਮ ਕਰ ਦਿੱਤਾ ਜਾਵੇਗਾ।