'ਮੈਂ ਸਿਲਵਰ ਨਾਲ ਹੀ ਖੁਸ਼ ਹਾਂ...ਜਿਸ ਨੇ ਗੋਲਡ ਜਿੱਤਿਆ ਹੈ, ਉਹ ਵੀ ਮੇਰੇ ਪੁੱਤ ਵਰਗਾ', Neeraj Chopra ਦੀ ਮਾਂ ਦੇ ਭਾਵੁਕ ਬੋਲ

Neeraj Chopra Mother on Silver Medal : ਨੀਰਜ ਚੋਪੜਾ ਨੇ ਪੈਰਿਸ ਓਲੰਪਿਕ 'ਚ ਭਾਰਤ ਦਾ ਝੰਡਾ ਲਹਿਰਾਇਆ ਹੈ। ਭਾਰਤੀ ਜੈਵਲਿਨ ਥਰੋਅਰ ਨੀਰਜ ਨੇ 89.54 ਮੀਟਰ ਥਰੋਅ ਨਾਲ ਦੇਸ਼ ਲਈ ਚਾਂਦੀ ਦਾ ਤਗਮਾ ਜਿੱਤਿਆ ਹੈ। ਪੂਰੇ ਦੇਸ਼ ਨੂੰ ਨੀਰਜ ਚੋਪੜਾ ਦੇ ਸ਼ਾਨਦਾਰ ਪ੍ਰਦਰਸ਼ਨ 'ਤੇ ਮਾਣ ਹੈ। ਭਾਰਤ ਦੇ ਲੋਕਾਂ ਨੇ ਪਟਾਕੇ ਚਲਾ ਕੇ ਜਸ਼ਨ ਮਨਾਇਆ। ਇਸ ਨਾਲ ਨੀਰਜ ਚੋਪੜਾ 2 ਓਲੰਪਿਕ ਮੈਡਲ ਜਿੱਤਣ ਵਾਲੇ ਭਾਰਤ ਦੇ ਚੌਥੇ ਅਥਲੀਟ ਬਣ ਗਏ ਹਨ। ਨੀਰਜ ਦੇ ਮਾਤਾ-ਪਿਤਾ ਵੀ ਉਸ ਦੇ ਚਾਂਦੀ ਦਾ ਤਗਮਾ ਜਿੱਤਣ 'ਤੇ ਬਹੁਤ ਖੁਸ਼ ਹਨ।

'ਜਿਸ ਨੇ ਗੋਲਡ ਜਿੱਤਿਆ ਹੈ, ਉਹ ਵੀ ਮੇਰੇ ਪੁੱਤ ਵਰਗਾ'

ਨੀਰਜ ਦੀ ਮਾਂ ਨੇ ਆਪਣੀ ਖੁਸ਼ੀ ਦਾ ਇਜ਼ਹਾਰ ਕਰਦਿਆਂ ਅਰਸ਼ਦ ਨਦੀਮ ਨੂੰ ਵੀ ਆਪਣੇ ਮੁੰਡੇ ਵਰਗਾ ਕਿਹਾ। ਨੀਰਜ ਚੋਪੜਾ ਦੀ ਮਾਂ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਉਹ ਆਪਣੇ ਬੇਟੇ ਦੇ ਪ੍ਰਦਰਸ਼ਨ ਤੋਂ ਬਹੁਤ ਖੁਸ਼ ਹੈ ਕਿਉਂਕਿ ਉਸ ਨੇ ਪੈਰਿਸ ਓਲੰਪਿਕ 'ਚ ਪੁਰਸ਼ਾਂ ਦੇ ਜੈਵਲਿਨ ਥਰੋਅ ਮੁਕਾਬਲੇ ਦੇ ਫਾਈਨਲ 'ਚ ਚਾਂਦੀ ਦਾ ਤਮਗਾ ਜਿੱਤਿਆ ਹੈ।

#WATCH हरियाणा: पेरिस ओलंपिक 2024 में पुरुषों की भाला फेंक स्पर्धा में नीरज चोपड़ा के रजत पदक जीतने पर उनकी माता सरोज देवी ने कहा, "हम बहुत खुश हैं, हमारे लिए रजत पदक भी स्वर्ण पदक जैसा है। हम बहुत खुश हैं..." pic.twitter.com/0WhK85j22I — ANI_HindiNews (@AHindinews) August 8, 2024

ਨੀਰਜ ਚੋਪੜਾ ਦੀ ਮਾਂ ਸਰੋਜ ਦੇਵੀ ਨੇ ਏਐਨਆਈ ਨੂੰ ਦੱਸਿਆ ਕਿ ਉਹ ਓਲੰਪਿਕ ਵਿੱਚ ਆਪਣੇ ਬੇਟੇ ਦੇ ਪ੍ਰਦਰਸ਼ਨ ਤੋਂ ਖੁਸ਼ ਹੈ ਅਤੇ ਕਿਹਾ ਕਿ ਉਹ ਆਪਣੇ ਬੇਟੇ ਦੇ ਵਾਪਸ ਆਉਣ 'ਤੇ ਉਸ ਲਈ ਆਪਣਾ ਪਸੰਦੀਦਾ ਭੋਜਨ ਪਕਾਉਣ ਦੀ ਉਮੀਦ ਕਰ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਚਾਂਦੀ ਦਾ ਤਗਮਾ ਉਨ੍ਹਾਂ ਲਈ ਸੋਨਾ ਹੀ ਹੈ, ਮੈਂ ਇਸ ਤਗਮੇ ਨਾਲ ਹੀ ਖੁਸ਼ ਹਾਂ। ਨੀਰਜ ਚੋਪੜਾ ਦੀ ਮਾਤਾ ਨੇ ਅਰਸ਼ਦ ਨਦੀਮ ਦੀ ਵੀ ਤਾਰੀਫ ਕੀਤੀ ਅਤੇ ਕਿਹਾ ਕਿ ਜਿਸ ਨੇ ਸੋਨ ਤਗਮਾ ਜਿੱਤਿਆ ਹੈ, ਉਹ ਵੀ ਉਨ੍ਹਾਂ ਦੇ ਪੁੱਤ ਵਰਗਾ ਹੀ ਹੈ।

ਨੀਰਜ ਦੇ ਪਿਤਾ ਨੇ ਕਿਹਾ, 'ਦੂਜੀ ਵਾਰ ਓਲੰਪਿਕ 'ਚ ਜਿੱਤਿਆ ਤਮਗਾ'

ਨੀਰਜ ਦੇ ਪਿਤਾ ਸਤੀਸ਼ ਕੁਮਾਰ ਨੇ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ, ''ਹਰ ਕਿਸੇ ਦਾ ਦਿਨ ਹੁੰਦਾ ਹੈ, ਅੱਜ ਅਰਸ਼ਦ ਦਾ ਦਿਨ ਸੀ, ਉਸ ਨੇ ਗੋਲਡ ਮੈਡਲ ਜਿੱਤਿਆ। ਅਸੀਂ ਦੂਜੀ ਵਾਰ ਓਲੰਪਿਕ ਵਿੱਚ ਜੈਵਲਿਨ ਵਿੱਚ ਤਮਗਾ ਜਿੱਤਿਆ ਹੈ, ਇਹ ਸਾਡੇ ਲਈ ਬਹੁਤ ਖੁਸ਼ੀ ਦੀ ਗੱਲ ਹੈ।

ਸਤੀਸ਼ ਕੁਮਾਰ ਨੇ ਕਿਹਾ, 'ਹਰ ਕਿਸੇ ਦਾ ਦਿਨ ਹੁੰਦਾ ਹੈ। ਅੱਜ ਪਾਕਿਸਤਾਨ ਦਾ ਦਿਨ ਸੀ, ਪਰ ਅਸੀਂ ਚਾਂਦੀ ਦਾ ਤਮਗਾ ਜਿੱਤਿਆ ਹੈ ਅਤੇ ਇਹ ਸਾਡੇ ਲਈ ਮਾਣ ਵਾਲੀ ਗੱਲ ਹੈ। ਸਤੀਸ਼ ਕੁਮਾਰ ਨੇ ਕਿਹਾ, 'ਮੈਨੂੰ ਲੱਗਦਾ ਹੈ ਕਿ ਨੀਰਜ ਦੇ ਪ੍ਰਦਰਸ਼ਨ 'ਚ ਪਿੱਠ ਦੀ ਸੱਟ ਨੇ ਭੂਮਿਕਾ ਨਿਭਾਈ ਹੈ।'

- PTC NEWS