Railway Bharti 2024 : ਰੇਲਵੇ 'ਚ ਮੈਡੀਕਲ ਵਿਦਿਆਰਥੀਆਂ ਲਈ ਨਿਕਲੀਆਂ ਨੌਕਰੀਆਂ, ਵੇਖੋ ਅਪਲਾਈ ਕਰਨ ਦੀ ਪ੍ਰਕਿਰਿਆ ਅਤੇ ਯੋਗਤਾ ਸ਼ਰਤਾਂ
Railway Bharti 2024 : ਰੇਲਵੇ ਵਿੱਚ ਸਰਕਾਰੀ ਨੌਕਰੀਆਂ ਦੀ ਤਲਾਸ਼ ਕਰ ਰਹੇ ਲੋਕਾਂ ਲਈ ਖੁਸ਼ਖਬਰੀ ਹੈ। ਰੇਲਵੇ ਭਰਤੀ ਬੋਰਡ (RRB Recruitment 2024) ਨੇ ਪੈਰਾ ਮੈਡੀਕਲ ਸ਼੍ਰੇਣੀ ਵਿੱਚ ਵੱਖ-ਵੱਖ ਅਸਾਮੀਆਂ ਲਈ ਬੰਪਰ ਭਰਤੀ ਦਾ ਐਲਾਨ ਕੀਤਾ ਹੈ। ਇਸ ਭਰਤੀ ਲਈ ਨੋਟੀਫਿਕੇਸ਼ਨ 8 ਅਗਸਤ ਨੂੰ ਜਾਰੀ ਕੀਤਾ ਗਿਆ ਹੈ। ਅਰਜ਼ੀ ਦੀ ਪ੍ਰਕਿਰਿਆ 17 ਅਗਸਤ ਤੋਂ ਸ਼ੁਰੂ ਹੋਵੇਗੀ। ਆਨਲਾਈਨ ਫਾਰਮ ਭਰਨ ਦੀ ਆਖਰੀ ਮਿਤੀ 16 ਸਤੰਬਰ 2024 ਹੈ। ਇਛੁੱਕ ਉਮੀਦਵਾਰ ਰੇਲਵੇ ਦੀ ਅਧਿਕਾਰਤ ਵੈੱਬਸਾਈਟ www.indianrailways.gov.in 'ਤੇ ਜਾ ਕੇ ਅਰਜ਼ੀ ਦੇ ਸਕਣਗੇ।
ਨੋਟੀਫਿਕੇਸ਼ਨ ਵਿੱਚ ਪੈਰਾ ਮੈਡੀਕਲ ਸ਼੍ਰੇਣੀਆਂ ਜਿਵੇਂ ਕਿ ਡਾਇਟੀਸ਼ੀਅਨ, ਨਰਸਿੰਗ ਸੁਪਰਡੈਂਟ, ਕਲੀਨਿਕਲ ਮਨੋਵਿਗਿਆਨੀ, ਦੰਦਾਂ ਦੀ ਹਾਈਜੀਨਿਸਟ, ਸਿਹਤ ਅਤੇ ਮਲੇਰੀਆ ਇੰਸਪੈਕਟਰ ਦੀਆਂ ਵੱਖ-ਵੱਖ ਅਸਾਮੀਆਂ ਲਈ ਕੁੱਲ 1,376 ਅਸਾਮੀਆਂ ਹਨ।
ਕਿਹੜੀ ਸ਼੍ਰੇਣੀ 'ਚ ਕਿੰਨੀਆਂ ਆਸਾਮੀਆਂ
ਭਰਤੀਆਂ 'ਚ ਡਾਇਟੀਸ਼ੀਅਨ ਦੀਆਂ 5, ਨਰਸਿੰਗ ਸੁਪਰਡੈਂਟ ਦੀਆਂ 713, ਆਡੀਓਲੋਜਿਸਟ ਅਤੇ ਸਪੀਚ ਥੈਰੇਪਿਸਟ ਦੀਆਂ 4, ਕਲੀਨਿਕਲ ਮਨੋਵਿਗਿਆਨੀ ਦੀਆਂ 7, ਡੈਂਟਲ ਹਾਈਜੀਨਿਸਟ ਦੀਆਂ 3, ਡਾਇਲਸਿਸ ਟੈਕਨੀਸ਼ੀਅਨ ਦੀਆਂ 20, ਸਿਹਤ ਅਤੇ ਮਲੇਰੀਆ ਇੰਸਪੈਕਟਰ ਦੀਆਂ 126, ਪ੍ਰਯੋਗਸ਼ਾਲਾ ਸੁਪਰਡੈਂਟ ਦੀਆਂ 27, ਪਰਫਿਊਜ਼ਨਿਸ ਦੀਆਂ 2, ਫਿਜ਼ੀਓਥੈਰੇਪਿਸਟ ਗ੍ਰੇਡ II ਦੀਆਂ 20, ਕੈਥ ਲੈਬ ਟੈਕਨੀਸ਼ੀਅਨ ਦੀਆਂ 2, ਫਾਰਮਾਸਿਸਟ (ਐਂਟਰੀ ਗ੍ਰੇਡ) ਦੀਆਂ 246, ਰੇਡੀਓਗ੍ਰਾਫਰ ਐਕਸ-ਰੇ ਟੈਕਨੀਸ਼ੀਅਨ ਦੀਆਂ 64, ਸਪੀਚ ਥੈਰੇਪਿਸਟ ਦੀ 1, ਕਾਰਡੀਅਕ ਟੈਕਨੀਸ਼ੀਅਨ ਦੀਆਂ 4, ਅੱਖਾਂ ਦੇ ਡਾਕਟਰ ਦੀਆਂ 4, ਈਸੀਜੀ ਟੈਕਨੀਸ਼ੀਅਨ ਦੀਆਂ 13, ਲੈਬ ਅਸਿਸਟੈਂਟ 94 ਦੀਆਂ ਅਤੇ ਫੀਲਡ ਵਰਕਰ ਦੀਆਂ 19 ਆਸਾਮੀਆਂ 'ਤੇ ਸ਼ਾਮਲ ਹਨ।
ਰੇਲਵੇ ਭਰਤੀ ਲਈ ਉਮੀਦਵਾਰ ਦੀ ਯੋਗਤਾ
ਉਮੀਦਵਾਰਾਂ ਨੂੰ ਨੋਟ ਕਰਨਾ ਚਾਹੀਦਾ ਹੈ ਕਿ ਇਸ ਭਰਤੀ ਵਿੱਚ ਹਿੱਸਾ ਲੈਣ ਲਈ, ਉਹਨਾਂ ਕੋਲ ਕਿਸੇ ਵੀ ਮਾਨਤਾ ਪ੍ਰਾਪਤ ਸਕੂਲ / ਯੂਨੀਵਰਸਿਟੀ / ਸੰਸਥਾ ਤੋਂ ਸਬੰਧਤ ਖੇਤਰ ਵਿੱਚ 12ਵੀਂ / ਡਿਗਰੀ / ਡਿਪਲੋਮਾ ਆਦਿ ਹੋਣਾ ਚਾਹੀਦਾ ਹੈ। ਨਾਲ ਹੀ, ਉਸ ਦੀ ਘੱਟੋ-ਘੱਟ ਉਮਰ 18 ਤੋਂ 22 ਸਾਲ ਤੋਂ ਵੱਧ ਨਹੀਂ ਹੋਣੀ ਚਾਹੀਦੀ ਅਤੇ ਵੱਧ ਤੋਂ ਵੱਧ ਉਮਰ ਪੋਸਟ ਅਨੁਸਾਰ 33 ਤੋਂ 40 ਸਾਲ ਤੋਂ ਵੱਧ ਨਹੀਂ ਹੋਣੀ ਚਾਹੀਦੀ। ਇਸ ਭਰਤੀ ਨਾਲ ਸਬੰਧਤ ਯੋਗਤਾ ਅਤੇ ਮਾਪਦੰਡ ਦੇ ਵੇਰਵਿਆਂ ਲਈ, ਉਮੀਦਵਾਰਾਂ ਨੂੰ ਜਾਰੀ ਕੀਤੀ ਗਈ ਨੋਟੀਫਿਕੇਸ਼ਨ ਦੀ ਜਾਂਚ ਕਰਨੀ ਚਾਹੀਦੀ ਹੈ।
ਰੇਲਵੇ ਨੌਕਰੀਆਂ ਲਈ ਕਿਵੇਂ ਕਰੀਏ ਅਪਲਾਈ
ਇਸ ਭਰਤੀ ਵਿੱਚ ਸ਼ਾਮਲ ਹੋਣ ਲਈ, ਉਮੀਦਵਾਰ ਸਿਰਫ਼ ਔਨਲਾਈਨ ਮਾਧਿਅਮ ਰਾਹੀਂ ਅਰਜ਼ੀ ਦੇ ਸਕਣਗੇ, ਕਿਸੇ ਹੋਰ ਮਾਧਿਅਮ ਰਾਹੀਂ ਅਰਜ਼ੀਆਂ ਸਵੀਕਾਰ ਨਹੀਂ ਕੀਤੀਆਂ ਜਾਣਗੀਆਂ। ਬਿਨੈ-ਪੱਤਰ ਭਰਨ ਦੇ ਨਾਲ, ਤੁਹਾਨੂੰ ਨਿਰਧਾਰਤ ਫੀਸ ਜਮ੍ਹਾ ਕਰਨੀ ਪਵੇਗੀ, ਤਾਂ ਹੀ ਤੁਹਾਡੀ ਅਰਜ਼ੀ ਸਵੀਕਾਰ ਕੀਤੀ ਜਾਵੇਗੀ।
ਰੇਲਵੇ ਨੌਕਰੀਆਂ ਲਈ ਫੀਸ ?
ਭਰਤੀ ਵਿੱਚ ਭਾਗ ਲੈਣ ਲਈ ਜਨਰਲ ਅਤੇ ਓਬੀਸੀ ਵਰਗ ਦੇ ਉਮੀਦਵਾਰਾਂ ਨੂੰ ਫੀਸ ਵਜੋਂ 500 ਰੁਪਏ ਜਮ੍ਹਾਂ ਕਰਵਾਉਣੇ ਪੈਣਗੇ। ਜਦੋਂ ਕਿ SC/ST/Ex-Serviceman/PWBD/Transgender ਉਮੀਦਵਾਰਾਂ ਨੂੰ 250 ਰੁਪਏ ਜਮ੍ਹਾ ਕਰਵਾਉਣੇ ਹੋਣਗੇ।
ਰੇਲਵੇ ਨੌਕਰੀਆਂ ਲਈ ਇਸ ਤਰ੍ਹਾਂ ਹੋਵੇਗੀ ਉਮੀਦਵਾਰਾਂ ਦੀ ਚੋਣ
ਇਸ ਭਰਤੀ ਵਿੱਚ ਚੁਣੇ ਜਾਣ ਲਈ, ਉਮੀਦਵਾਰਾਂ ਨੂੰ ਕੰਪਿਊਟਰ ਅਧਾਰਤ ਟੈਸਟ (CBT) ਦੇਣਾ ਹੋਵੇਗਾ। ਇਸ ਪ੍ਰੀਖਿਆ ਨੂੰ ਪਾਸ ਕਰਨ ਵਾਲੇ ਉਮੀਦਵਾਰਾਂ ਨੂੰ ਮੈਡੀਕਲ ਟੈਸਟ ਅਤੇ ਦਸਤਾਵੇਜ਼ ਤਸਦੀਕ ਤੋਂ ਗੁਜ਼ਰਨਾ ਹੋਵੇਗਾ। ਸਾਰੇ ਪੜਾਅ ਪਾਸ ਕਰਨ ਵਾਲੇ ਉਮੀਦਵਾਰਾਂ ਨੂੰ ਖਾਲੀ ਅਸਾਮੀਆਂ ਲਈ ਚੁਣਿਆ ਜਾਵੇਗਾ।
- PTC NEWS
