ਨਿੰਜਾ ਫਿਰ ਆ ਰਹੇ ਹਨ ਆਪਣੀ ਦੂਜੀ ਫਿਲਮ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰਨ
Ninja starts Aalna film shooting: ਨਿੰਜਾ ਫਿਰ ਆ ਰਹੇ ਹਨ ਆਪਣੀ ਦੂਜੀ ਫਿਲਮ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰਨ 'ਚੰਨਾ ਮੇਰਿਆ' ਨੇ ਆਪਣੀ ਪਹਿਲੀ ਫਿਲਮ ਦੇ ਨਾਲ ਦਰਸ਼ਕਾਂ 'ਤੇ ਦਿਲ 'ਤੇ ਡੂੰਘੀ ਛਾਪ ਛੱਡੀ ਹੈ। ਹੁਣ, ਆਪਣੀ ਦੂਸਰੀ ਫਿਲਮ ਨਾਲ ਲੋਕਾਂ ਦਾ ਮਨੋਰੰਜਨ ਕਰਨ ਲਈ ਤਿਆਰ ਬਰ ਤਿਆਰ ਬੈਠੇ ਹਨ, ਨਿੰਜਾ ਤੇ ਇਸ ਫਿਲਮ ਦਾ ਨਾਮ ਹੈ 'ਆਲ੍ਹਣਾ'। ਗਾਇਕ ਅਤੇ ਅਭਿਨੇਤਾ ਵਜੋਂ ਪਾਲੀਵੁੱਡ ਦੇ ਸਿਤਾਰੇ ਦੇ ਰੂਪ 'ਚ ਉਭਰਣ ਵਾਲੇ ਨਿੰਜਾ ਨੇ ਆਪਣੀ ਦੂਜੀ ਫਿਲਮ 'ਆਲ੍ਹਣਾ' ਦੀ ਸ਼ੂਟਿੰਗ ਸ਼ੁਰੂ ਕਰ ਲਈ ਹੈ। ਇਹ ਫਿਲਮ ਚੰਡੀਗੜ੍ਹ 'ਚ ਸ਼ੁਰੂ ਹੋਈ ਹੈ। ਇਸ ਦੀ ਸ਼ੂਟਿੰਗ ਦੇ ਖਾਸ ਮੌਕੇ 'ਤੇ ਫਿਲਮ ਦੀ ਸਾਰੀ ਟੀਮ, ਪ੍ਰੋਡਿਊਸਰ ਤਲਵਿੰਦਰ ਹੇਅਰ, ਡਾਇਰੈਕਟਰ ਜਨਜੋਤ ਸਿੰਘ, ਸਗੂਨ ਵਘ, ਲਾਈਨ ਪ੍ਰੋਡਿਊਸਰ ਵਿਰਾਸਤ ਫਿਲਮਸ ਮੌਜੂਦ ਸਨ। ਕਈ ਉਘੀਆਂ ਹਸਤੀਆਂ ਨੇ ਇਸ ਮੌਕੇ ਨਿੰਜਾ ਨੂੰ ਫਿਲਮ ਨੂੰ ਵਧਾਈ ਦਿੱਤੀ ਹੈ। ਇਸ ਫਿਲਮ 'ਚ ਨਿੰਜਾ ਨਾਲ ਸਿਮਰਨ ਹੁੰਦਲ ਮੁੱਖ ਭੂਮਿਕਾ ਨਿਭਾਵੇਗੀ। ਦੱਸਣਯੋਗ ਹੈ ਕਿ ਇਹ ਪਹਿਲਾਂ ਦਿਲਜੀਤ ਦੁਸਾਂਝ ਦੇ 'ਲੈਂਬੜਗਿਨੀ' ਗੀਤ ਰਾਹੀਂ ਨਾਮਣਾ ਖੱਟ ਚੁੱਕੀ ਹੈ। ਇਸ ਤੋਂ ਪਹਿਲਾਂ ਸਿਮਰਨ ਹੁੰਦਲ ਨੇ ਕਈ ਹਿੰਦੀ ਸੀਰੀਅਲਾਂ 'ਚ ਕੰਮ ਕੀਤਾ ਹੈ ਜਿਹਨਾਂ 'ਚ 'ਲਵ ਨੇ ਮਿਲਾ ਦੀ ਜੋੜੀ', 'ਨਾ ਆਨਾ ਇਸ ਦੇਸ ਲਾਡੋ' ਵਰਗੇ ਸੀਰੀਅਲਸ ਦਾ ਨਾਮ ਸ਼ਾਮਿਲ ਹੈ। —PTC News