ਕਾਂਗਰਸ ਸਰਕਾਰ ਨਹੀਂ ਦਵੇਗੀ ਬੇਰੁਜ਼ਗਾਰੀ ਭੱਤਾ, ਕਿਹਾ ਕਦੇ ਵੀ ਅਜਿਹਾ ਕੋਈ ਵਾਅਦਾ ਨਹੀਂ ਕੀਤਾ
ਕਾਂਗਰਸ ਸਰਕਾਰ ਨਹੀਂ ਦਵੇਗੀ ਬੇਰੁਜ਼ਗਾਰੀ ਭੱਤਾ, ਕਿਹਾ ਕਦੇ ਵੀ ਅਜਿਹਾ ਕੋਈ ਵਾਅਦਾ ਨਹੀਂ ਕੀਤਾ, no unemployment dole as promised by Punjab Congress Govt
ਕਾਂਗਰਸ ਵੱਲੋਂ ਕੀਤੇ ਵਾਅਦੇ ਅਨੁਸਾਰ "ਬੇਰੁਜ਼ਗਾਰੀ ਭੱਤਾ ਕਾਰਡ" ਪ੍ਰਾਪਤ ਕਰਨ ਲਈ ਲਗਭਗ ੨੫ ਲੱਖ ਨੌਜਵਾਨਾਂ ਨੇ ਹਸਤਾਖਰ ਕੀਤੇ ਸਨ, ਜਿਨ੍ਹਾਂ ਨੂੰ ਪਾਰਟੀ ਨੇ ਸੱਤਾ 'ਚ ਆਉਣ' ਤੇ ੨੫੦੦ ਰੁਪਏ ਪ੍ਰਤੀ ਮਹੀਨਾ ਬੇਰੁਜ਼ਗਾਰੀ ਭੱਤਾ ਦੇਣ ਦਾ ਵਾਅਦਾ ਕੀਤਾ ਸੀ। ਇਹ ਪਾਰਟੀ ਸੱਤਾ 'ਚ ਆਈ ਤਾਂ ਜ਼ਰੂਰ, ਪਰ ਹੁਣ ਇਹ ਫੈਸਲਾ ਕੀਤਾ ਗਿਆ ਹੈ ਕਿ ਅਜਿਹਾ ਕੋਈ ਭੱਤਾ ਨਹੀਂ ਦਿੱਤਾ ਜਾਵੇਗਾ।
ਪੰਜਾਬ ਸਰਕਾਰ ਹੁਣ ਬੇਰੁਜਗਾਰ ਨੌਜਵਾਨਾਂ ਲਈ ਨੌਕਰੀ ਲਈ ਸਕੂਲਾਂ 'ਚ ਮੁਫਤ ਹੁਨਰ ਸਿਖਲਾਈ ਦਾ ਪ੍ਰਬੰਧ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਇਹ ਪੰਜਾਬ ਸਕਿਲ ਡਿਵੈਲਪਮੈਂਟ ਮਿਸ਼ਨ ਤਹਿਤ ਕੀਤਾ ਜਾਵੇਗਾ, ਜੋ ਕਿ ਕੇਂਦਰੀ ਸਕਿਲ ਡਿਵੈਲਪਮੈਂਟ ਅਤੇ ਉਦਯੋਤਰ ਪੱਤਰ ਦੁਆਰਾ ਸਪਾਂਸਰਡ ਹੋਵੇਗਾ।
18 ਤੋਂ 35 ਸਾਲ ਦੇ ਉਮਰ ਵਰਗ ਦੇ ਨੌਜਵਾਨ ਉਮੀਦਵਾਰਾਂ ਨੇ ਕਾਂਗਰਸ ਦੇ 'ਹਰ ਘਰ ਤੋਂ ਇੱਕ ਕੈਪਟਨ' ਸਕੀਮ ਤਹਿਤ ਰਜਿਸਟਰ ਕੀਤਾ ਸੀ ਅਤੇ ਉਨ੍ਹਾਂ ਨੂੰ "ਬੇਰੋਜ਼ਗਾਰੀ ਭੱਤਾ ਕਾਰਡ" ਪ੍ਰਾਪਤ ਹੋਣਾ ਸੀ। ਇਸ ਤੋਂ ਇਲਾਵਾ ਪ੍ਰਤੀ ਪਰਿਵਾਰ ਇੱਕ ਨੌਕਰੀ ਦਾ ਵੀ ਵਾਅਦਾ ਕੀਤਾ ਗਿਆ ਸੀ। ਜਦੋਂ ਤੱਕ ਰੁਜ਼ਗਾਰ ਦਾ ਪ੍ਰਬੰਧ ਨਹੀਂ ਕੀਤਾ ਜਾਂਦਾ, ਉਦੋਂ ਤਕ ਹਰ ਮਹੀਨੇ 2500 ਰੁਪਏ ਦਾ ਭੱਤਾ ਵੱਧ ਤੋਂ ਵੱਧ ਤਿੰਨ ਸਾਲਾਂ ਲਈ ਅਦਾ ਕਰਨ ਦਾ ਵੀ ਵਾਅਦਾ ਕੀਤਾ ਗਿਆ ਸੀ।
ਹੁਣ ਵਿਕਲਪਕ ਯੋਜਨਾ ਇਹ ਹੈ ਕਿ ਨੌਜਵਾਨਾਂ ਨੂੰ ਨੌਕਰੀ-ਅਧਾਰਿਤ ਛੋਟੀ ਮਿਆਦ ਦੇ ਸੋਫਟ ਸਕਿੱਲਸ ਕੋਰਸਾਂ ਦੀ ਸਿਖਲਾਈ ਦਿੱੱਤੀ ਜਾਵੇ।
ਤਕਨੀਕੀ ਸਿੱਖਿਆ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦਾ ਕਹਿਣਾ ਹੈ ਕਿ ਸਰਕਾਰ ਸਕਿੱਲਜ਼ ਸਿਖਾਉਣ ਲਈ ਪ੍ਰਤੀ ਵਿਅਕਤੀ 5,000 ਰੁਪਏ ਦਾ ਨਿਵੇਸ਼ ਕਰੇਗੀ, ਅਤੇ ਫਿਰ ਉਨ੍ਹਾਂ ਲਈ ਰੁਜ਼ਗਾਰ ਦੇ ਯੋਗ ਹੋਣ ਲਈ 'ਨੌਕਰੀ ਮੇਲਾ' ਰੱਖੇਗੀ। "ਅਸੀਂ ਹਰ ਘਰ ਵਿਚ ਘੱਟ ਤੋਂ ਘੱਟ ਇੱਕ ਨੌਕਰੀ ਦਾ ਵਾਅਦਾ ਪੂਰਾ ਕਰਾਂਗੇ" ਉਨ੍ਹਾਂ ਨੇ ਕਿਹਾ।ਪਹਿਲੇ ਪੜਾਅ ਵਿਚ ੧ ਲੱਖ ਨੌਜਵਾਨਾਂ ਨੂੰ 17 ਵੱਖੋ-ਵੱਖਰੇ ਕਿੱਤੇ ਵਿਚ ਸਿਖਲਾਈ ਦੇਣ ਲਈ ਨਵੇਂ ਸੋਫਟ ਸਕਿੱਲਜ਼ ਕੇਂਦਰ ਸ਼ਹਿਰੀ ਅਤੇ ਦਿਹਾਤੀ ਖੇਤਰਾਂ ਵਿਚ ਖੋਲ੍ਹੇ ਜਾ ਰਹੇ ਹਨ।
—PTC News
