ਖ਼ਾਲਿਸਤਾਨ ਗ਼ਦਰ ਫੋਰਸ ਦੇ ਮੈਂਬਰ ਸ਼ਬਨਮਦੀਪ ਤੇ ਜਤਿੰਦਰ ਸਿੰਘ ਦਾ ਪੁਲਿਸ ਰਿਮਾਂਡ 3 ਦਿਨ ਹੋਰ ਵਧਿਆ
ਖ਼ਾਲਿਸਤਾਨ ਗ਼ਦਰ ਫੋਰਸ ਦੇ ਮੈਂਬਰ ਸ਼ਬਨਮਦੀਪ ਤੇ ਜਤਿੰਦਰ ਸਿੰਘ ਦਾ ਪੁਲਿਸ ਰਿਮਾਂਡ 3 ਦਿਨ ਹੋਰ ਵਧਿਆ,ਪਟਿਆਲਾ: ਪਟਿਆਲਾ ਪੁਲਿਸ ਵਲੋਂ ਖ਼ਾਲਿਸਤਾਨ ਗ਼ਦਰ ਫੋਰਸ ਦੇ ਗ੍ਰਿਫਤਾਰ ਕੀਤੇ ਸ਼ਬਨਮਦੀਪ ਤੇ ਜਤਿੰਦਰ ਸਿੰਘ ਅਤੇ ਬਿੰਦਰ ਸਿੰਘ ਨੂੰ ਅੱਜ ਪੂਨਮ ਬਾਂਸਲ ਦੀ ਅਦਾਲਤ ਪੇਸ਼ ਕੀਤਾ ਗਿਆ ਜਿੱਥੇ ਪੁਲਿਸ ਵਲੋਂ 7 ਦਿਨ ਦਾ ਹੋਰ ਪੁਲਿਸ ਰਿਮਾਂਡ ਮੰਗਿਆ ਪਰ ਅਦਾਲਤ ਵਲੋਂ 3 ਦਿਨ ਦੇ ਰਿਮਾਂਡ ਵਿੱਚ ਵਾਧਾ ਕੀਤਾ ਗਿਆ ਹੈ।
ਬੇਸ਼ੱਕ ਪੁਲਿਸ ਵਲੋਂ ਇਹਨਾਂ ਕਥਿਤ ਅੱਤਵਾਦੀਆਂ ਨੂੰ ਗੰਭੀਰ ਅਤੇ ਸੰਗੀਨ ਆਰੋਪ ਲਗਾ ਗਿਰਫ਼ਤਾਰ ਕੀਤਾ ਗਿਆ ਅਤੇ ਸ਼ਬਨਮਦੀਪ ਕੋਲੋ ਇੱਕ ਪਿਸਤੌਲ ਅਤੇ ਇੱਕ ਗਰਨੇਡ ਦੀ ਬਰਾਮਦਗੀ ਕਰ ਪਟਿਆਲਾ 'ਚ ਧਮਾਕਾ ਕਰਨ ਦੀ ਸਾਜਿਸ਼ ਨੂੰ ਬੇਨਕਾਬ ਕਰਨ ਦਾ ਦਾਅਵਾ ਵੀ ਕੀਤਾ ਗਿਆ।
ਪਰ ਪਿਛਲੇ ਤਕਰੀਬਨ 26 ਦਿਨ ਤੋਂ ਰਿਮਾਂਡ ਦੌਰਾਨ ਵੀ ਪੁਲਿਸ ਕੋਈ ਖਾਸ ਖੁਲਾਸਾ ਨਹੀਂ ਕਰ ਪਾਈ ਜੋ ਪੁਲਿਸ ਦੀ ਕਾਰਗੁਜ਼ਾਰੀ ਉਤੇ ਸਵਾਲ ਵੀ ਖੜਾ ਕਰਦਾ ਹੈ ਕਿ ਪੁਲਿਸ ਵਲੋਂ ਮਹਜ ਇੱਕ ਗਰਨੇਡ ਬਰਾਮਦਗੀ ਤੋਂ ਬਿਨਾਂ ਕੋਈ ਬਰਾਮਦਗੀ ਜਾ ਖੁਲਾਸਾ ਨਾ ਹੋਣਾ ਕਿਤੇ ਨਾ ਕਿਤੇ ਪੁਲਿਸ ਦੀ ਇਸ ਮਾਮਲੇ 'ਤੇ ਢਿੱਲੀ ਪਕੜ ਅਤੇ ਨਾਕਾਮੀ ਸਾਬਿਤ ਕਰਦਾ ਨਜ਼ਰ ਆਉਂਦਾ ਹੈ।
ਬੇਸ਼ੱਕ ਪੁਲਿਸ ਨੂੰ 3 ਦਿਨ ਦਾ ਰਿਮਾਂਡ ਹੋਰ ਮਿਲ ਗਿਆ ਹੈ ਪਰ ਜੋ ਪੁਲਿਸ ਪਿਛਲੇ 26 ਦਿਨਾਂ ਦੀ ਪੁੱਛਗਿੱਛ ਵਿੱਚ ਨਹੀਂ ਕਰ ਪਾਈ ਸ਼ਾਇਦ 3 ਦਿਨ ਵਿੱਚ ਕੋਈ ਵੱਡੀ ਸਾਜਿਸ਼ ਨੂੰ ਬੇਨਕਾਬ ਕਰ ਦੇਵੇ ਬਹਰਹਾਲ ਇਸ ਲੰਮੇ ਰਿਮਾਂਡ ਦੌਰਾਨ ਕੋਈ ਬਰਾਮਦਗੀ ਕੋਈ ਖੁਲਾਸਾ ਨਾ ਹੋਣਾ ਪੁਲਿਸ ਦੇ ਕੇਸ ਨੂੰ ਤਾ ਕਟਹਿਰੇ ਵਿੱਚ ਖੜਾ ਕਰ ਹੀ ਰਿਹਾ। ਦੂਜੇ ਪਾਸੇ ਇਸ ਨਾਲ ਪੁਲਿਸ ਦਾ ਪੱਖ ਸਾਫ ਸਾਫ ਕਮਜ਼ੋਰ ਹੁੰਦਾ ਨਜਰ ਆ ਰਿਹਾ।
—PTC News
