ਪੁਲਿਸ ਦੀ ਲਾਪਰਵਾਹੀ ਆਈ ਸਾਹਮਣੇ, ਕਬਾੜ 'ਚ ਵੇਚ ਦਿੱਤੇ ਹੈਂਡ ਗ੍ਰਨੇਡ ਤੇ ਰਾਕਟ ਲਾਂਚਰ
ਪੁਲਿਸ ਦੀ ਲਾਪਰਵਾਹੀ ਆਈ ਸਾਹਮਣੇ, ਕਬਾੜ 'ਚ ਵੇਚ ਦਿੱਤੇ ਹੈਂਡ ਗ੍ਰਨੇਡ ਤੇ ਰਾਕਟ ਲਾਂਚਰ,ਪੱਟੀ: ਤਰਨਤਾਰਨ ਦੇ ਹਲਕੇ ਪੱਟੀ 'ਚ ਬਰਸਾਤੀ ਨਾਲੇ ਕੋਲੋਂ ਲੋਕਾਂ ਨੂੰ 3 ਹੈਂਡ ਗ੍ਰਨੇਡ ਤੇ ਇਕ ਰਾਕਟ ਲਾਂਚਰ ਮਿਲਿਆ। ਜਿਸ ਤੋਂ ਬਾਅਦ ਇਲਾਕੇ 'ਚ ਸਹਿਮ ਦਾ ਮਾਹੌਲ ਬਣ ਗਿਆ ਹੈ।
ਦਰਅਸਲ, ਇਲਾਕੇ ਦੇ ਲੋਕਾਂ ਨੇ ਰਿਕਸ਼ੇ ਵਾਲੇ ਨੂੰ ਨਾਲੇ 'ਚ ਸਾਮਾਨ ਸੁੱਟਦਿਆਂ ਦੇਖਿਆ ਤੇ ਸ਼ੱਕ ਦੇ ਅਧਾਰ 'ਤੇ ਉਸਨੂੰ ਰੋਕ ਕੇ ਸਮਾਨ ਚੈੱਕ ਕੀਤਾ ਤਾਂ ਅੰਦਰੋਂ 3 ਹੈਂਡ ਗ੍ਰਨੇਡ ਤੇ ਇਕ ਰਾਕਟ ਲਾਂਚਰ ਮਿਲਿਆ।
ਹੋਰ ਪੜ੍ਹੋ:ਸਿੱਖ ਸੰਗਤਾਂ ਲਈ ਵੱਡੀ ਖਬਰ, ਰੋਜ਼ਾਨਾ 5000 ਸ਼ਰਧਾਲੂ ਗੁਰਦੁਆਰਾ ਕਰਤਾਰਪੁਰ ਸਾਹਿਬ ਦੇ ਕਰ ਸਕਣਗੇ ਦਰਸ਼ਨ
ਸਥਾਨਕ ਪੁਲਿਸ ਨੂੰ ਜਦ ਇਸ ਮਾਮਲੇ ਬਾਰੇ ਜਾਣਕਾਰੀ ਦਿੱਤੀ ਤਾਂ ਮੌਕੇ 'ਤੇ ਪਹੁੰਚ ਕੇ ਪੁਲਸ ਨੇ ਜਲਦਬਾਜ਼ੀ 'ਚ ਹੈਂਡ ਗ੍ਰਨੇਡ ਤੇ ਰਾਕਟ ਲਾਂਚਰ ਆਪਣੇ ਕਬਜ਼ੇ 'ਚ ਲੈ ਲਿਆ।
ਇਸ ਸਬੰਧੀ ਜਦ ਰਿਕਸ਼ੇ ਵਾਲੇ ਤੋਂ ਪੁੱਛਿਆ ਗਿਆ ਤਾਂ ਉਸਨੇ ਕਿਹਾ ਕਿ ਇਹ 3 ਹੈਂਡ ਗ੍ਰਨੇਡ ਤੇ ਇਕ ਰਾਕਟ ਲਾਂਚਰ ਥਾਣਾ ਪੁਲਿਸ ਵਾਲਿਆਂ ਨੇ ਉਸਨੂੰ ਕਬਾੜ ਦੇ ਸਮਾਨ ਨਾਲ ਚੁਕਵਾਇਆ ਸੀ ਤੇ ਕਬਾੜ ਦੀ ਦੁਕਾਨ 'ਤੇ ਵੇਚਣ ਲਈ ਪੁਲਿਸ ਅਧਿਕਾਰੀ ਨਾਲ ਭੇਜਿਆ ਸੀ, ਪਰ ਉਸਨੇ ਕਬਾੜ ਦਾ ਬਾਕੀ ਸਮਾਨ ਦੇ ਦਿੱਤਾ ਪਰ 3 ਗ੍ਰਨੇਡ ਤੇ 1 ਰਾਕਟ ਲਾਂਚਰ ਆਪਣੇ ਕੋਲ ਰੱਖ ਲਏ। ਇਸ 'ਚ ਪੁਲਿਸ ਦੀ ਅਣਗਹਿਲੀ ਸਾਫ ਨਜ਼ਰ ਆ ਰਹੀ ਹੈ ਤੇ ਚੰਗੀ ਕਿਸਮਤ ਨਾਲ ਮੰਦਭਾਗੀ ਘਟਨਾ ਤੋਂ ਬਚਾਅ ਹੋ ਗਿਆ।
-PTC News
