ਕੈਨੇਡਾ 'ਚ ਗੈਂਗਸਟਰਾਂ ਨਾਲ ਸੰਬੰਧਤ ਪੰਜਾਬੀ ਦਾ ਹੋਇਆ ਕਤਲ
ਵੈਨਕੁਵਰ 'ਚ ਸ਼ੁੱਕਰਵਾਰ ਨੂੰ ਗੋਲੀਬਾਰੀ ਦੀ ਘਟਨਾ ਹੋਈ ਸੀ, ਜਿਸ ਬਾਰੇ ਪੁਲਿਸ ਜਾਂਚ ਕਰ ਰਹੀ ਸੀ ਅਤੇ ਇਸਦਾ ਸੱਚ ਹੁਣ ਸਾਹਮਣੇ ਆ ਚੁੱਕਾ ਹੈ।
ਪੁਲਸ ਵੱਲੋਂ ਦਿੱਤੀ ਜਾਣਕਾਰੀ ਅਨੁਸਾਰ ਇਸ ਘਟਨਾ 'ਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਸੀ। ਮ੍ਰਿਤਕ ਸਰੀ ਦਾ ਰਹਿਣ ਵਾਲਾ ਸੀ ਅਤੇ ਉਸਦੀ ਪਛਾਣ 27 ਸਾਲਾ ਰਣਦੀਪ ਕੰਗ ਦੇ ਨਾਂ ਤੋਂ ਹੋਈ ਹੈ। ਖਬਰਾਂ ਅਨੁਸਾਰ ਇਹ ਘਟਨਾ ਇਹ ਗੈਂਗਸਟਰਾਂ ਨਾਲ ਸੰਬੰਧਤ ਸੀ ਅਤੇ ਪੁਲਸ ਨੇ ਵੀ ਕਿਹਾ ਹੈ ਕਿ ਕੰਗ ਨੂੰ ਟਾਰਗੈਟ ਕਰਕੇ ਮਾਰਿਆ ਗਿਆ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਘਟਨਾ ਦੌਰਾਨ 27 ਅਕਤੂਬਰ ਨੂੰ ਰਾਤ 9 ਵਜੇ ਸਰੀ ਪੁਲਸ ਨੂੰ ਗੈਂਗ ਫਾਇਰ ਹੋਣ ਦੀ ਜਾਣਕਾਰੀ ਮਿਲੀ ਅਤੇ ਮੌਕੇ 'ਤੇ ਪੁੱਜਣ ਉਨ੍ਹਾਂ ਨੂੰ ਇਕ ਵਿਅਕਤੀ ਦੀ ਲਾਸ਼ ਮਿਲੀ ਸੀ। ਇਸ ਤੋਂ ਇਲਾਵਾ ਇਕ ਵਿਅਕਤੀ ਜ਼ਖਮੀ ਹਾਲਤ 'ਚ ਵੀ ਮਿਲਿਆ ਸੀ। ਜ਼ਖਮੀ ਵਿਅਕਤੀ ਦੀ ਪਛਾਣ ਹੋਣੀ ਅਜੇ ਬਾਕੀ ਹੈ।
ਪੁਲਸ ਨੂੰ ਮੌਕੇ 'ਤੇ ਇੱਕ ਵਾਹਨ ਵੀ ਬਰਾਮਦ ਹੋਇਆ ਸੀ ਜਿਸਦਾ ਸੰਬੰਧ ਗੋਲੀਬਾਰੀ ਨਾਲ ਹੋ ਸਕਦਾ ਹੈ।
—PTC News
