ਸੰਗਰੂਰ 'ਚ ਮਾਂ ਦੀ ਸਹੇਲੀ ਨੇ ਨਾਬਾਲਗ ਬੱਚੀ ਨਾਲ ਕਰਵਾਇਆ ਸਮੂਹਿਕ ਬਲਾਤਕਾਰ
ਸੰਗਰੂਰ 'ਚ ਮਾਂ ਦੀ ਸਹੇਲੀ ਨੇ ਨਾਬਾਲਗ ਬੱਚੀ ਨਾਲ ਕਰਵਾਇਆ ਸਮੂਹਿਕ ਬਲਾਤਕਾਰ:ਪੰਜਾਬ 'ਚ ਬਲਾਤਕਾਰ ਦੀਆਂ ਘਟਨਾਵਾਂ ਰੁਕਣ ਦਾ ਨਾਮ ਨਹੀਂ ਲੈ ਰਹੀਆਂ।ਬਠਿੰਡਾ ਤੋਂ ਬਾਅਦ ਹੁਣ ਸੰਗਰੂਰ 'ਚ 13 ਸਾਲਾ ਨਾਬਾਲਗ ਬੱਚੀ ਨਾਲ ਸਮੂਹਿਕ ਬਲਾਤਕਾਰ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ।
ਜਾਣਕਾਰੀ ਅਨੁਸਾਰ ਨਾਬਾਲਗ ਬੱਚੀ ਆਪਣੀ ਮਾਂ ਦੀ ਸਹੇਲੀ ਦੇ ਘਰ ਛੁੱਟੀਆਂ ਕੱਟਣ ਗਈ ਸੀ।ਇਸ ਘਟਨਾ ਤੋਂ ਬਾਅਦ ਪੀੜਤ ਬੱਚੀ ਦੀ ਮਾਂ ਨੇ ਪੁਲਿਸ ਨੂੰ ਦੱਸਿਆ ਕਿ ਉਸ ਦੀ ਨਾਬਾਲਗ ਲੜਕੀ ਛੁੱਟੀਆਂ ਹੋਣ ਕਾਰਨ ਸੋਨਾ ਪਤਨੀ ਤੇਜਿੰਦਰ ਸਿੰਘ ਉਰਫ ਸੌਰਵ ਕੋਲ ਛੁੱਟੀਆਂ ਕੱਟਣ ਗਈ ਸੀ।
ਉਸ ਦੀ ਲੜਕੀ ਨੇ ਉਸ ਨੂੰ ਦੱਸਿਆ ਕਿ ਸੋਨਾ,ਗੁਰਜੀਤ ਕੌਰ ਉਰਫ ਰਾਣੀ ਪਤਨੀ ਹਰਬੰਸ ਸਿੰਘ,ਦਰਸ਼ਨਾ ਪਤਨੀ ਗੁਰਦੀਪ ਸਿੰਘ ਵਾਸੀ ਕਰਤਾਪੁਰਾ ਬਸਤੀ ਸੰਗਰੂਰ ਤੇ ਕੁਝ ਅਣਪਛਾਤੇ ਲੜਕਿਆਂ ਨੇ ਧੱਕੇ ਨਾਲ ਸ਼ਹਿਰ 'ਚ ਵੱਖ-ਵੱਖ ਥਾਵਾਂ 'ਤੇ ਲਿਜਾ ਕੇ ਉਸ ਨਾਲ ਸਮੂਹਿਕ ਬਲਾਤਕਾਰ ਕੀਤਾ।
ਪੀੜਤ ਬੱਚੀ ਦੀ ਮਾਂ ਵੱਲੋਂ ਸ਼ਿਕਾਇਤ ਕਰਨ ਤੋਂ ਬਾਅਦ ਸੰਗਰੂਰ ਪੁਲਿਸ ਨੇ 3 ਔਰਤਾਂ ਅਤੇ ਅਣਪਛਾਤੇ ਲੋਕਾਂ 'ਤੇ ਮਾਮਲਾ ਦਰਜ ਕਰ ਲਿਆ ਹੈ।
-PTCNews
