ਬਦਲਦੇ ਵਕਤ ਦੇ ਇਸ ਦੌਰ ਵਿੱਚ ਸਿਹਤਮੰਦ ਭੋਜਨ ਦੀ ਜਗ੍ਹਾ ਲੋਕ ਜੰਕ ਫੂਡ ਜ਼ਿਆਦਾ ਮਾਤਰਾ ਵਿੱਚ ਇਸਤੇਮਾਲ ਕਰਨ ਲੱਗ ਪਏ ਹਨ। ਦਾਲ ਸਬਜੀਆਂ, ਦੁੱਧ ਮੱਖਣ ਪਨੀਰ ਦੀ ਥਾਂ ਨੂਡਲਸ,ਬਰਗਰ, ਹਾਟ ਡਾਗ, ਪਿਜ਼ਾ ਅਤੇ ਅਜਿਹੀਆਂ ਹੋਰ ਕਈ ਹੋਰ ਵਸਤੂਆਂ ਨੇ ਲੈ ਲਈ ਹੈ ਜਿਸ ਕਾਰਨ ਔਰਤਾਂ ਨੂੰ ਜ਼ਿਆਦਾ ਨੁਕਸਾਨ ਹੁੰਦਾ ਹੈ।
ਕਈ ਤਰ੍ਹਾਂ ਦੀਆਂ ਬਿਮਾਰੀਆਂ ਉਨ੍ਹਾਂ ਨੂੰ ਆ ਘੇਰਦੀਆਂ ਹਨ । ਪੀ.ਸੀ.ਓ.ਡੀ ਦੀ ਸਮੱਸਿਆ ਆਮ ਹੀ ਔਰਤਾਂ 'ਚ ਵੇਖਣ ਨੂੰ ਮਿਲਦੀ ਹੈ। ਜਿਸ ਕਾਰਨ ਵਿਆਹੀਆਂ ਔਰਤਾਂ ਨੂੰ ਗਰਭ ਧਾਰਨ ਕਰਨ ਵਿੱਚ ਮੁਸ਼ਕਲ ਪੇਸ਼ ਆਉਂਦੀ ਹੈ।
ਗਰਭ ਧਾਰਨ ਕਰਨ ਵਿੱਚ ਰੁਕਾਵਟ ਦੂਰ ਕਰਨ ਲਈ ਵਿਆਹੀਆਂ ਔਰਤਾਂ ਲਈ ਕੀਤੀ ਖੋਜ ਵਿੱਚ ਇਹ ਸਾਹਮਣੇ ਆਇਆ ਹੈ ਕਿ ਇਹਨਾਂ ਔਰਤਾਂ ਲਈ ਸਮੁੰਦਰੀ ਖਾਣਾ ਲਾਹੇਵੰਦ ਹੈ ਜਿਸਨੂੰ ਕਿ ਸੀ-ਫੂਡ ਵੀ ਆਖਦੇ ਹਨ ।
ਖੋਜ ਅਨੁਸਾਰ ਜਿਹੜੀਆਂ ਔਰਤਾਂ ਸੀ ਫੂਡ ਦਾ ਇਸਤੇਮਾਲ ਕਰਦੀਆਂ ਹਨ ਉਹਨਾਂ ਵਿੱਚ ਆਮ ਔਰਤਾਂ ਨਾਲੋਂ ਗਰਭ ਧਾਰਨ ਕਰਨ ਦੀ ਸਮਰੱਥਾ ਵੱਧ ਜਾਂਦੀ ਹੈ। ਪਰਿਵਾਰ ਵਧਾਉਣ ਦਾ ਸਭ ਤੋਂ ਬਿਹਤਰੀਨ ਤਰੀਕਾ ਹੈ ਸੀ-ਫੂਡ ਦਾ ਹਫ਼ਤੇ ਵਿੱਚ ਤਕਰੀਬਨ ਦੋ ਵਾਰ ਇਸਤੇਮਾਲ !
ਇਸਦੇ ਨਾਲ ਹੋਰ ਵੀ ਜ਼ਨਾਨਾ ਬਿਮਾਰੀਆਂ ਦੂਰ ਹੁੰਦੀਆਂ ਹਨ ਸੰਭੋਗ ਅਤੇ ਪ੍ਰਜਨਨ ਸ਼ਕਤੀ ਵੱਧਣ ਦੇ ਨਾਲ ਜਿਹੜੀਆਂ ਔਰਤਾਂ ਨੂੰ ਔਲਾਦ ਦਾ ਸੁੱਖ ਨਸੀਬ ਨਹੀਂ ਹੋ ਪਾਇਆ ਉਨ੍ਹਾਂ ਦੀ ਸਮੱਸਿਆ ਵੀ ਕਿਸੇ ਹੱਦ ਤੱਕ ਠੀਕ ਹੋ ਸਕਦੀ ਹੈ।
—PTC News