'84 ਦੇ ਸ਼ਹੀਦਾਂ ਨੂੰ ਸਮਰਪਿਤ 'ਸੱਚ ਦੀ ਕੰਧ' ਯਾਦਗਾਰ 'ਚ ਦੁਨੀਆ ਭਰ ਦੇ ਸਿੱਖ ਕਤਲੇਆਮ 'ਚ ਸ਼ਹੀਦ ਹੋਣ ਵਾਲੇ ਸਿੰਘਾਂ ਦਾ ਨਾਮ ਲਿਖਿਆ ਜਾਵੇਗਾ
ਇੱਕ ਧਾਰਮਿਕ ਸਮਾਗਮ ਨੂੰ ਸੰਬੋਧਿਤ ਕਰਦਿਆਂ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਮਨਜੀਤ ਸਿੰਘ ਜੀ.ਕੇ ਨੇ ਦੱਸਿਆ ਕਿ ਤਮਾਮ ਉਹਨਾਂ ਸਿੱਖ ਸ਼ਹੀਦਾਂ ਦਾ ਨਾਮ ਯਾਦਗਾਰ 'ਚ ਵੱਖਰੀ ਦੀਵਾਰ ਬਣਾ ਕੇ ਲਿਖਿਆ ਜਾਵੇਗਾ ਜੋ ਨਸਲੀ ਹਿੰਸਾ ਦਾ ਸ਼ਿਕਾਰ ਹੋਏ ਹਨ।
ਉਹਨਾਂ ਕਿਹਾ ਕਿ ਅਫਗਾਨੀਸਤਾਨ 'ਚ ਨਸਲੀ ਹਿੰਸਾ ਦਾ ਸ਼ਿਕਾਰ ਸਿੰਘਾਂ ਨੂੰ ਇਸ ਇਸ ਕਰਕੇ ਕਤਲ ਕੀਤਾ ਗਿਆ ਕਿਉਂਕਿ ਉਹ ਸਿੱਖ ਸਨ ਅਤੇ ਉਥੇ ਹਿੰਦੂ ਸਿੱਖਾਂ ਨੂੰ ਕੱਢਣ ਦੀ ਸਾਜਿਸ਼ ਅਧੀਨ ਅਜਿਹਾ ਘਿਨੌਣੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਗਿਆ ਹੈ।
ਉਹਨਾਂ ਕਿਹਾ ਕਿ 1990-1991 ਇਸ ਤੋਂ ਇਲਾਵਾ ਕਸ਼ਮੀਰ 'ਚ 37 ਸਿੱਖਾਂ ਦਾ ਕਤਲੇਆਮ ਵੀ ਕੀਤਾ ਗਿਆ ਸੀ।
ਜਿੱਥੇ ਵੀ ਹਮਲਾ ਹੋਇਆ ਵੱਡਾ ਕਤਲੇਆਮ ਹੋਇਆ ਹੈ, ਉਹਨਾਂ ਸਾਰਿਆਂ ਦਾ ਨਾਮ ਇੱਕ ਵੱਖਰੀ ਦੀਵਾਰ ਬਣਾ ਕੇ ਲਿਖਿਆ ਜਾਵੇਗਾ।
ਉਹਨਾਂ ਅੱਗੇ ਕਿਹਾ ਕਿ ਜੇਕਰ ਅਸੀਂ ਇਹ ਨਾਮ ਹੁਣ ਦਰਜ ਨਾ ਕੀਤੇ ਅਤੇ ਵਕਤ ਨਾਲ ਭੁਲਾ ਦਿੱਤੇ ਤਾਂ ਇਤਿਹਾਸ 'ਚੋਂ ਉਹਨਾਂ ਦਾ ਨਾਮ ਸਦਾ ਲਈ ਮਿਟ ਜਾਵੇਗਾ। ਉਹਨਾਂ ਦਾ ਨਾਮ ਇਤਿਹਾਸ 'ਚ ਲਿਖਣ ਲਈ ਇਹ ਸਾਡਾ ਫਰਜ਼ ਹੈ।
—PTC News
