ਸਿੱਖ ਬੀਬੀ ਅਮਰਜੀਤ ਰਿਆੜ ਵਲੋਂ ਅਮਰੀਕਾ ਦੀ ਰਾਜਨੀਤੀ 'ਚ ਇਤਿਹਾਸ ਸਿਰਜਣ ਦੀ ਤਿਆਰੀ
ਪੰਜਾਬੀਆਂ ਨੇ ਵਿਦੇਸ਼ਾਂ 'ਚ ਜਾ ਕੇ ਕਈ ਮੱਲਾਂ ਮਾਰੀਆਂ ਹਨ ਅਤੇ ਜੇਕਰ ਗੱਲ ਰਾਜਨੀਤੀ ਦੀ ਕੀਤੀ ਜਾਵੇ ਤਾਂ ਅਮਰੀਕਾ ਦੀ ਰਾਜਨੀਤੀ 'ਚ ਵੀ ਪੰਜਾਬੀਆਂ ਵੱਲੋਂ ਆਪਣੀ ਖਾਸ ਥਾਂ ਬਣਾਏ ਜਾਣ ਦੀ ਕੋਸ਼ਿਸ਼ ਚੱਲਦੀ ਰਹਿੰਦੀ ਹੈ।
ਹੁਣ, ਇੱਕ ਸਿੱਖ ਬੀਬੀ ਅਮਰਜੀਤ ਰਿਆੜ ਵਲੋਂ ਅਮਰੀਕਾ ਦੀ ਰਾਜਨੀਤੀ 'ਚ ਆਪਣੀ ਜਗ੍ਹਾ ਬਣਾ ਕੇ ਇਤਿਹਾਸ ਸਿਰਜਣ ਦੀ ਤਿਆਰੀ ਹੈ। ਅਮਰੀਕਾ ਦੀ ਸਿਆਸਤ 'ਚ ਪਹਿਲੀ ਸਿੱਖ ਬੀਬੀ ਵਲੋਂ ਕਦਮ ਰੱਖੇ ਜਾਣ ਦੀ ਚਾਰ ਚੁਫੇਰੇ ਚਰਚਾ ਹੋ ਰਹੀ ਹੈ।
ਇਸ ਨੂੰ ਲੈ ਕੇ ਪੰਜਾਬੀ ਭਾਈਚਾਰੇ ਵਿਚ ਖੁਸ਼ੀ ਦੀ ਲਹਿਰ ਹੈ ਜਿਸ ਕਾਰਨ ਮੈਟਰੋਪੁਲਿਟਨ ਏਰੀਏ ਦੇ ਗੁਰੂਘਰਾਂ ਦੇ ਪ੍ਰਬੰਧਕਾਂ ਅਤੇ ਕੁਝ ਹੋਰ ਸੰਸਥਾਵਾਂ ਵਲੋਂ ਬੀਬੀ ਅਮਰਜੀਤ ਰਿਆੜ ਦੀ ਚੋਣ ਮੁਹਿੰਮ ਲਈ ਫੰਡ ਇਕੱਠੇ ਕੀਤੇ ਜਾਣ ਦਾ ਉਪਰਾਲਾ ਕੀਤਾ ਜਾ ਰਿਹਾ ਹੈ । ਉਹ ਇਸ ਲਈ ਫੰਡ ਮੁਹੱਈਆ ਕਰਵਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਇਹ ਦੱਸਣਯੋਗ ਹੈ ਕਿ ਕੁਝ ਚੋਣਵੇਂ ਪੰਜਾਬੀਆਂ ਵਲੋਂ 211 ਅਕਤੂਬਰ 20117 ਸ਼ਾਮ 7 ਵਜੇ 'ਸੈਂਟਰ ਫਾਰ ਸੋਸ਼ਲ ਚੇਂਜ ਐਬਰਟਨ ਡਰਾਈਵ ਐਲਕਿਰਜ', ਮੈਰੀਲੈਂਡ ਵਿਖੇ ਇੱਕ ਇਕੱਠ ਜੁਟਾਇਆ ਜਾਵੇਗਾ। ਉਥੇ ਵਰਜੀਨੀਆ, ਮੈਰੀਲੈਂਡ, ਤੇ ਵਾਸ਼ਿੰਗਟਨ ਡੀ. ਸੀ. ਦੀਆਂ ਚੋਣਵੀਆਂ ਸਖਸ਼ੀਅਤਾਂ ਵਲੋਂ ਅਮਰਜੀਤ ਕੌਰ ਰਿਆੜ ਦੀ ਅਪੀਲ ਵੀ ਕੀਤੀ ਜਾਵੇਗੀ। ਉਹਨਾਂ ਨੇ ਪੰਜਾਬੀ ਭਾਈਚਾਰੇ ਨੂੰ ਖੁੱਲ੍ਹਾ ਸੱਦਾ ਦਿੱਤਾ ਹੈ।
—PTC News
