ਨੌਜਵਾਨ ਦੀ ਅਨੌਖੀ ਪਹਿਲ, ਕਿਹਾ ਕੂੜਾ ਲਿਆਓ ਸਬਜ਼ੀ ਲੈ ਜਾਓ
ਨੌਜਵਾਨ ਦੀ ਅਨੌਖੀ ਪਹਿਲ, ਕਿਹਾ ਕੂੜਾ ਲਿਆਓ ਸਬਜ਼ੀ ਲੈ ਜਾਓ,ਸ੍ਰੀ ਮੁਕਤਸਰ ਸਾਹਿਬ : ਜੇਕਰ ਤੁਸੀ ਆਪਣੀ ਮਿਹਨਤ ਅਤੇ ਸੌਂਕ ਨੂੰ ਇਕੱਠਿਆਂ ਕਰ ਲਓ ਤਾਂ ਲੋਕਾਂ ਲਈ ਉਦਾਹਰਣ ਬਣ ਸਕਦੇ ਹੋਂ ਕੁਝ ਅਜਿਹੀ ਹੀ ਉਦਾਹਰਣ ਪੇਸ਼ ਕਰ ਰਿਹਾ ਸ੍ਰੀ ਮੁਕਤਸਰ ਸਾਹਿਬ ਵਾਸੀ ਗੁਰਜਿੰਦਰ ਸਿੰਘ, ਪੇਸ਼ੇ ਵਜੋਂ ਖੇਤੀਬਾੜੀ ਕਰ ਰਿਹਾ ਗੁਰਜਿੰਦਰ 3 ਸਾਲ ਵਿਦੇਸ਼ ਵਿਚ ਪੜ੍ਹਾਈ ਕਰਕੇ ਵਾਪਿਸ ਪਰਤਿਆ ਤਾਂ ਉਸਨੂੰ ਇੰਝ ਲੱਗਾ ਕਿ ਉਸਦੇ ਘਰ ਅਤੇ ਆਲੇ ਦੁਆਲੇ ਵਿਚ ਸਭ ਤੋਂ ਵੱਡੀ ਸਮੱਸਿਆ ਘਰ ਦੀ ਰਸੋਈ ਅਤੇ ਆਸੇ ਪਾਸੇ ਤੋਂ ਪੈਦਾ ਹੋਣ ਵਾਲਾ ਕੂੜਾ ਹੈ।
ਘਰ ਦੇ ਨੇੜੇ ਹੀ ਪਏ ਦੋ ਕਨਾਲ ਦਾ ਪਲਾਂਟ ਜ਼ੋ ਕਿ ਗਲੀ ਨਾਲੋਂ ਕਰੀਬ 5 ਫੁੱਟ ਨੀਵਾ ਸੀ ਉਸ ਨੂੰ ਪਹਿਲਾ ਉਸ ਨੇ ਕੂੜੇ ਪ੍ਰਬੰਧਨ ਲਈ ਚੁਣਿਆ ਅਤੇ ਜਿੰਨ੍ਹਾ ਕੂੜਾ ਬਚਦਾ ਉਸ ਨਾਲ ਉਸ ਪਲਾਟ ਵਿਚ ਭਰਤ ਪਾਉਣੀ ਸ਼ੁਰੂ ਕਰ ਦਿੱਤੀ। ਇੱਥੋਂ ਤਕ ਉਸਨੇ ਕੁਝ ਮਿਊਸਪਲ ਕੌਂਸਲ ਦੇ ਸਫਾਈ ਸੇਵਕਾਂ ਨੂੰ ਵੀ ਰਸੋਈ ਵਾਲਾ ਕੂੜਾ ਪਲਾਟ 'ਚ ਸੁੱਟਣ ਲਈ ਕਿਹਾ ਅਤੇ ਫਿਰ ਕੂੜੇ ਦੇ ਉਪਰ ਥੋੜੀ ਮਿੱਟੀ ਪਾ ਕੇ ਉਸਨੇ ਇੱਥੇ ਵੱਖ ਵੱਖ ਸਬਜ਼ੀਆਂ ਅਤੇ ਫਲਾਂ ਦੇ ਬੂਟੇ ਲਾਏ।
ਹੋਰ ਪੜ੍ਹੋ: ਸ੍ਰੀ ਮੁਕਤਸਰ ਸਾਹਿਬ: ਘਰ 'ਚ ਵੜ ਕੇ ਨੌਜਵਾਨ ਨੇ ਕੀਤੀ ਕੁੜੀ ਦੀ ਵੱਢ-ਟੁੱਕ, ਹਾਲਤ ਗੰਭੀਰ
ਹੁਣ ਉਸਨੇ ਇਸ ਪਲਾਟ ਵਿਚ ਦੋ ਵੱਡੇ ਕੂੜੇ ਦੀ ਸਟੋਰਜ਼ ਲਈ ਖੁਰਲੀਆਂ ਬਣਾਈਆਂ ਅਤੇ ਆਸ ਪਾਸ ਦੇ ਘਰਾਂ ਨੂੰ ਕਹਿ ਦਿੱਤਾ ਕਿ ਰਸੋਈ ਅਤੇ ਖਾਣ ਪੀਣ ਵਾਲੀਆਂ ਵਸਤਾਂ ਦਾ ਹੋਰ ਕੂੜਾ ਉਹ ਇਹਨਾਂ ਖੁਰਲੀਆਂ ਵਿਚ ਸੁੱਟ ਜਾਣ ਅਤੇ ਪਲਾਟ ਵਿਚ ਲੱਗੀਆਂ ਸਬਜ਼ੀਆਂ
ਜ਼ੋ ਕਿ ਜੈਵਿਕ ਖਾਦ ਨਾਂਲ ਤਿਆਰ ਹਨ ਤੋਂ ਆਪਣੀ ਮਨ ਭਾਉਂਦੀ ਸਬਜੀ ਲੈ ਜਾਣ।
ਗੁਰਜਿੰਦਰ ਦਾ ਕਹਿਣਾ ਹੈ ਕਿ ਗਲੀ ਦੇ ਲੋਕਾਂ ਨੇ ਉਸਦਾ ਸਾਥ ਦਿੱਤਾ ਅਤੇ ਉਸਨੂੰ ਇਸ ਗੱਲ ਦੀ ਖੁਸ਼ੀ ਹੈ ਕਿ ਲੋਕ ਜੈਵਿਕ ਸਬਜ਼ੀਆਂ
ਲੈ ਜਾਂਦੇ ਹਨ ਅਤੇ ਕੂੜਾ ਉੱਥੇ ਖੁਰਲੀਆਂ 'ਚ ਸੁੱਟ ਜਾਂਦੇ ਹਨ,ਜਿੰਨ੍ਹਾ 'ਚ ਵਿਗਿਆਨਕ ਢੰਗ ਨਾਲ ਸਟੋਰਜ਼ ਕਰਕੇ ਉਹ ਖਾਦ ਤਿਆਰ ਕਰ ਰਿਹਾ ਹੈ। ਗੁਰਜਿੰਦਰ ਅਨੁਸਾਰ ਸਾਨੂੰ ਆਪਣੇ ਆਲੇ ਦੁਆਲੇ ਦਾ ਕੂੜਾ ਆਪ ਸੰਭਾਲਣ ਲਈ ਯਤਨ ਕਰਨੇ ਚਾਹੀਦੇ ਹਨ ਅਤੇ ਵਿਦੇਸ਼ ਵਿਚ ਅਜਿਹਾ ਹੀ ਹੁੰਦਾ ਹੈ।
ਉਸ ਨੇ ਕਿਹਾ ਕਿ ਪਲਾਸਟਿਕ ਦਾ ਕੂੜਾਂ ਵੀ ਅਲੱਗ ਸਟੋਰ ਕਰਦਾ ਹੈ ਅਤੇ 3 ਤੋਂ ਚਾਰ ਮਹੀਨਿਆਂ ਬਾਅਦ ਇਸ ਤੋਂ ਵੀ ਕਮਾਈ ਕਰਦਾ ਹੈ। ਗੁਰਜਿੰਦਰ ਦੇ ਇਸ ਕੰਮ ਤੋਂ ਜਿੱਥੇ ਆਲੇ ਦੁਆਲੇ ਦੇ ਲੋਕ ਖੁਸ਼ ਹਨ ਉੱਥੇ ਹੀ ਗਲੀ ਵਿਚ ਖੇਡਦੇ ਬੱਚੇ ਵੀ ਸਬਜ਼ੀਆਂ ਅਤੇ ਫਲਾਂ ਦੀਆਂ ਕਿਆਰੀਆਂ 'ਚ ਉਸ ਤੋਂ ਜਾਣਕਾਰੀ ਪ੍ਰਾਪਤ ਕਰਦੇ ਹਨ ਅਤੇ ਉਸ ਦਾ ਥੋੜਾ ਬਹੁਤ ਸਾਥ ਦਿੰਦੇ ਹਨ।
-PTC News
