ਕੋਰੋਨਾ ਨੇ ਹਿਲਾਈ ਅਮਰੀਕਾ ਦੀ ਸਿਆਸਤ ਵੀ, ਟਰੰਪ ਵੱਲੋਂ ਚੋਣਾਂ ਟਾਲਣ ਦਾ ਸੁਝਾਅ
ਵਾਸ਼ਿੰਗਟਨ - ਵਿਸ਼ਵ ਸ਼ਕਤੀ ਕਹੇ ਜਾਂਦੇ ਅਮਰੀਕਾ ਨੂੰ ਆਰਥਿਕ ਤੇ ਸਮਾਜਿਕ ਪੱਖੋਂ ਵੱਡੀ ਸੱਟ ਮਾਰਨ ਤੋਂ ਬਾਅਦ ਹੁਣ ਕੋਰੋਨਾ ਮਹਾਮਾਰੀ ਅਮਰੀਕਾ ਦੀ ਸਿਆਸਤ 'ਤੇ ਵੀ ਭਾਰੂ ਪੈਂਦੀ ਦਿਖਾਈ ਦੇ ਰਹੀ ਹੈ। ਆਉਂਦੇ ਨਵੰਬਰ 'ਚ ਹੋਣ ਵਾਲੀਆਂ ਚੋਣਾਂ ਕੋਰੋਨਾ ਦੀ ਵਜ੍ਹਾ ਨਾਲ ਲਟਕ ਸਕਦੀਆਂ ਹਨ, ਕਿਉਂ ਕਿ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕੋਰੋਨਾ ਵਾਇਰਸ ਦੇ ਪ੍ਰਕੋਪ ਨੂੰ ਮੱਦੇਨਜ਼ਰ ਰੱਖਦੇ ਹੋਏ ਚੋਣਾਂ ਨੂੰ ਟਾਲਣ ਦਾ ਸਝਾਅ ਦਿੱਤਾ ਹੈ। ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਤਰਕ ਦਿੱਤਾ ਹੈ ਕਿ ਡਾਕ ਰਾਹੀਂ ਹੋਣ ਵਾਲੇ ਮਤਦਾਨ 'ਚ ਧੋਖਾਧੜੀ ਹੋਣ ਦਾ ਖ਼ਤਰਾ ਜ਼ਿਆਦਾ ਹੈ, ਇਸ ਦਾ ਅਸਰ ਚੋਣ ਨਤੀਜਿਆਂ 'ਚ ਦਿਖ ਸਕਦਾ ਹੈ, ਤੇ ਚੋਣ ਨਤੀਜੇ ਗ਼ਲਤ ਆ ਸਕਦੇ ਹਨ। ਉਨ੍ਹਾਂ ਸੁਝਾਅ ਦਿੱਤਾ ਹੈ ਕਿ ਜਦੋਂ ਤਕ ਦੇਸ਼ ਕੋਰੋਨਾ ਦੇ ਪ੍ਰਭਾਵ ਤੋਂ ਮੁਕਤ ਨਹੀਂ ਹੋ ਜਾਂਦਾ ਉਦੋਂ ਤੱਕ ਚੋਣਾਂ ਕਰਵਾਉਣੀਆਂ ਸੁਰੱਖਿਅਤ ਨਹੀਂ।
ਦੂਜੀ ਬਹਿਸ 15 ਅਕਤੂਬਰ ਨੂੰ ਫਲੋਰਿਡਾ ਦੇ ਮਿਆਮੀ ਤੇ ਤੀਜੀ ਬਹਿਸ 22 ਅਕਤੂਬਰ ਨੂੰ ਟੈਨੇਸੀ 'ਚ ਹੋਵੇਗੀ। ਉਪ-ਰਾਸ਼ਟਰੀ ਅਹੁਦੇ ਦੇ ਉਮੀਦਵਾਰਾਂ 'ਚ ਹੋਣ ਵਾਲੀ ਬਹਿਸ 7 ਅਕਤੂਬਰ ਨੂੰ ਹੋਵੇਗੀ। ਹਰ ਬਹਿਸ 90 ਮਿੰਟ ਦੀ ਹੋਵੇਗੀ। ਵ੍ਹਾਈਟ ਹਾਊਸ ਨੈੱਟਵਰਕ ਬਿਨਾਂ ਕਿਸੇ ਵਿਗਿਆਪਨ ਦੇ ਇਸ ਦਾ ਸਿੱਧਾ ਪ੍ਰਸਾਰਨ ਕਰੇਗਾ। 
