New Update
ਸ਼ਿਮਲਾ- ਹਿਮਾਚਲ ਪ੍ਰਦੇਸ਼ ਦੇ ਕਿੰਨੌਰ ਜ਼ਿਲ੍ਹੇ 'ਚ ਅੱਜ ਸਵੇਰੇ ਜ਼ਮੀਨ ਖਿੱਸਕਣ ਕਰਕੇ ਇਕ ਨੇਪਾਲੀ ਮਜ਼ਦੂਰ ਦੀ ਮੌਤ ਹੋ ਗਈ ਅਤੇ 2 ਹੋਰ ਜ਼ਖਮੀ ਹੋ ਗਏ। ਮ੍ਰਿਤਕ ਦੀ ਪਛਾਣ ਧਨ ਬਹਾਦੁਰ (ਨੇਪਾਲ) ਦੇ ਰੂਪ 'ਚ ਹੋਈ ਹੈ। ਦੱਸ ਦੇਈਏ ਕਿ ਅੱਜ ਸਵੇਰੇ ਕਰੀਬ 9 ਵਜੇ ਦੇ ਨੇੜੇ-ਤੇੜੇ ਜ਼ਮੀਨ ਖਿੱਸਕਣ ਕਰਕੇ ਤਿੰਨੋਂ ਉਸ ਦੀ ਲਪੇਟ 'ਚ ਆ ਗਏ।
ਇਸ ਦੌਰਾਨ ਧਨ ਬਹਾਦਰ ਦੀ ਤਾਂ ਮੌਕੇ 'ਤੇ ਹੀ ਮੌਤ ਹੋ ਗਈ, ਜਦੋਂ ਕਿ ਜ਼ਖਮੀ 2 ਔਰਤਾਂ ਨੂੰ ਇਲਾਜ ਲਈ ਰਿਕਾਂਗਪਿਓ ਲਿਆਂਦਾ ਗਿਆ ਹੈ, ਜਿੱਥੇ ਉਨ੍ਹਾਂ ਦਾ ਇਲਾਜ ਜਾਰੀ ਹੈ। ਰਾਸ਼ਟਰੀ ਰਾਜਮਾਰਗ 5 ਜਗ੍ਹਾ-ਜਗ੍ਹਾ ਜ਼ਮੀਨ ਖਿੱਸਕਣ ਕਾਰਨ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੈ।
ਦੱਸਣਯੋਗ ਹੈ ਕਿ ਸਪੀਤੀ ਦੇ ਕੁੰਜੁਮ 'ਚ ਬਰਫ਼ਬਾਰੀ ਹੋਈ। ਮੀਂਹ ਕਾਰਨ ਨਦੀ 'ਚ ਪਾਣੀ ਦਾ ਪੱਧਰ ਵੱਧ ਹੈ। ਕਈ ਸੜਕਾਂ ਬੰਦ ਹਨ। ਮੀਂਹ ਕਾਰਨ ਰੋਹੜ ਸਬ ਡਿਵੀਜ਼ਨ 'ਚ ਤੰਗੁਨੁ-ਜੰਗਲਿਕ ਪੁਲ ਨੁਕਸਾਨਿਆ ਗਿਆ ਹੈ। ਜਿੱਥੇ ਵਾਹਨਾਂ ਦੀ ਆਵਾਜਾਈ ਬੰਦ ਕਰ ਦਿੱਤੀ ਗਈ ਹੈ।
-PTC News-