ਗੀਤਾਂਜਲੀ ਰਾਓ ਬਣੀ TIME ਮੈਗਜ਼ੀਨ ਦੀ ਪਹਿਲੀ 'ਕਿਡ ਆਫ ਦੀ ਈਅਰ''
ਧੀਆਂ ਆਪਣੇ ਮਾਪਿਆਂ ਦਾ ਮਾਨ ਹੈ ਸਨਮਾਨ ਹੈ ਅਤੇ ਜੇਕਰ ਉਹਨਾਂ ਨੂੰ ਖੁੱਲ੍ਹੇ ਛੱਡ ਦਿਓ ਤੇ ਅਸਮਾਨੀ ਉਡਦੀ ਉਡਾਣ ਹੈ , ਅਜਿਹੀ ਉਡਾਣ ਜੋ ਆਪਣੇ ਮਾਪਿਆਂ ਦਾ ਆਪਣੇ ਦੇਸ਼ ਦਾ ਮਾਨ ਵਧਾਉਣ 'ਚ ਸਭ ਤੋਂ ਅੱਗੇ ਰਹਿੰਦੀਆਂ ਹਨ। ਫਿਰ ਭਾਵੇਂ ਉਹ ਖੇਡਾਂ ਖੇਡ੍ਹਣ ਦੀ ਉਮਰ ਹੋਵੇ ਚਾਹੇ ਕੋਈ ਵੀ ਜਗ੍ਹਾ ਅਸਥਾਨ ਹੋਵੇ , ਅਜਿਹਾ ਹੀ ਇਕ ਉਧਾਰਹਰਨ ਦਿੰਦੀ ਹੈ , ਭਾਰਤੀ ਮੁਲ ਦੀ ਅਮਰੀਕਾ ਵਾਸੀ 15 ਸਾਲਾਂ ਬੱਚੀ , ਗੀਤਾਂਜਲੀ ਰਾਓ , ਜਿਸ ਨੇ ਦੁਨੀਆ ਦੀ ਮਸ਼ਹੂਰ TIME ਮੈਗਜ਼ੀਨ ਨੇ ਪਹਿਲੀ ਵਾਰ 'ਕਿਡ ਆਫ ਦੀ ਯੀਅਰ 2020' ਦਾ ਖਿਤਾਬ 15 ਸਾਲਾ ਭਾਰਤੀ-ਅਮਰੀਕੀ ਗੀਤਾਂਜਲੀ ਰਾਓ ਨੂੰ ਦਿੱਤਾ ਹੈ।
meet the incredible #KidOfTheYear finalists ? don't miss the special Friday, Dec 4 @timeforkids pic.twitter.com/DYUMImhWfH
— Nickelodeon (@Nickelodeon) November 28, 2020
ਉਹ ਟਾਈਮ ਮੈਗਜ਼ੀਨ 'ਤੇ ਜਗ੍ਹਾ ਪਾਉਣ ਵਾਲੀ ਪਹਿਲੀ ਕਿਡ ਹੈ। ਗੀਤਾਂਜਲੀ ਨੇ ਕਈ ਸ਼ਾਨਦਾਰ ਖੋਜਾਂ ਕੀਤੀਆਂ ਹਨ। ਟਾਈਮ ਮੈਗਜ਼ੀਨ ਨੇ ਪਹਿਲੀ ਵਾਰ 'ਕਿਡ ਆਫ ਦੀ ਯੀਅਰ 2020' ਲਈ ਨਾਮਜ਼ਦਗੀਆਂ ਮੰਗੀਆਂ ਸਨ। ਇਸ ਦੇ ਲਈ ਕਰੀਬ 5 ਹਜ਼ਾਰ ਨਾਮ ਚੁਣੇ ਗਏ, ਜਿਹਨਾਂ ਵਿਚੋਂ ਗੀਤਾਂਜਲੀ ਨੇ ਪਹਿਲਾ ਸਥਾਨ ਹਾਸਲ ਕੀਤਾ।
ਗੀਤਾਂਜਲੀ ਵੱਲੋਂ ਕੀਤੀਆਂ ਖ਼ਾਸ ਖੋਜਾਂ ਗੀਤਾਂਜਲੀ ਰਾਓ ਨੇ ਇਕ ਅਜਿਹਾ ਸੈਂਸਰ ਬਣਾਇਆ ਹੈ ਜੋ ਪਾਣੀ ਨਾਲ ਲੈੱਡ ਮਤਲਬ ਸੀਸੇ ਦੀ ਮਾਤਰਾ ਦਾ ਸੈਕੰਡ ਵਿਚ ਪਤਾ ਲਗਾਉਂਦਾ ਹੈ। ਇਸ ਦਾ ਨਾਮ ਉਸ ਨੇ 'ਟੇਥਿਸ' ਦਿੱਤਾ ਹੈ। ਇਹ ਡਿਵਾਈਸ ਇਕ ਮੋਬਾਇਲ ਦੀ ਤਰ੍ਹਾਂ ਦਿਸਦਾ ਹੈ। ਉਸ ਵੱਲੋਂ ਬਣਾਇਆ ਗਿਆ ਡਿਵਾਇਸ ਮਾਰਕੀਟ ਵਿਚ ਮੌਜੂਦ ਮਹਿੰਗੇ ਡਿਵਾਇਸਾਂ ਦੇ ਮੁਕਾਬਲੇ ਕਈ ਗੁਣਾ ਸਸਤਾ ਹੈ।ਇਸ ਦੇ ਇਲਾਵਾ ਗੀਤਾਂਜਲੀ ਨੇ ਇਕ ਸਾਈਬਰ ਬੁਲਿੰਗ ਨੂੰ ਲੈ ਕੇ ਐਪ ਬਣਾਈ ਹੈ। ਗੀਤਾਂਜਲੀ ਨੂੰ ਇਸ ਖੋਜ ਦੇ ਲਈ 2019 ਵਿਚ ਫੋਰਬਜ਼ ਮੈਗਜ਼ੀਨ ਨੇ '30 ਅੰਡਰ 30' ਯੰਗ ਇਨੋਵੇਟਰਸ ਦੀ ਸੂਚੀ ਵਿਚ ਵੀ ਜਗ੍ਹਾ ਦਿੱਤੀ ਹੈ। ਗੀਤਾਂਜਲੀ ਨੇ ਹਾਲ ਹੀ ਵਿਚ ਅਮਰੀਕਾ ਦਾ ਟੌਪ ਯੰਗ ਸਾਈਂਟਿਸਟ ਐਵਾਰਡ ਵੀ ਆਪਣੇ ਨਾਮ ਕੀਤਾ ਸੀ।
