..ਤੇ ਇਸ ਤਰ੍ਹਾਂ ਇਹ ਔਰਤ ਜੇਲ੍ਹ ਗਏ ਪਤੀ ਦਾ ਚਲਾਉਂਦੀ ਹੈ ਕਾਰੋਬਾਰ , ਆਈ ਪੁਲਿਸ ਦੇ ਅੜਿੱਕੇ!
ਨਸ਼ੇ ਦਾ ਵੱਧ ਰਿਹਾ ਰੁਝਾਨ ਕਿਸੇ ਨੂੰ ਇਸ ਕਦਰ ਵੀ ਖਰਾਬ ਕਰ ਸਕਦਾ ਹੈ ਕਿ ਮਰਦ ਤੋਂ ਬਾਅਦ ਔਰਤ ਨਸ਼ਿਆਂ ਦਾ ਕਾਰੋਬਾਰ ਕਰਨ ਲੱਗ ਜਾਵੇ। ਜੀ ਹਾਂ ਅਸੀਂ ਗੱਲ ਕਰ ਰਹੇ ਅਜਿਹੀ ਹੀ ਇੱਕ ਔਰਤ ਦੀ ਜਿਸਦਾ ਪਤੀ ਨਸ਼ੇ ਦਾ ਕਾਰੋਬਾਰ ਕਰਦਾ ਸੀ ਪਰ ਪੁਲਿਸ ਦੇ ਅੜਿੱਕੇ ਆਉਣ ਤੋਂ ਬਾਅਦ ਉਸਨੂੰ ਜੇਲ੍ਹ ਦੀ ਹਵਾ ਖਾਣੀ ਪਈ । ਪਤੀ ਜੇਲ੍ਹ ਦੀਆਂ ਸਲਾਖਾਂ ਪਿੱਛੇ ਹੋਣ ਦੇ ਬਾਵਜੂਦ ਵੀ ਪਤਨੀ ਨੇ ਪਤੀ ਵਾਲਾ ਨਸ਼ੇ ਦਾ ਕਾਰੋਬਾਰ ਸੰਭਾਲ ਲਿਆ। ਇਸ ਨਸ਼ੇ ਦਾ ਕਾਰੋਬਾਰ ਕਰਨ ਵਾਲੀ ਔਰਤ ਨੂੰ ਪੁਲਿਸ ਨੇ ਜਲੰਧਰ ਚੌਂਕੀ ਬੱਸ ਸਟੈਂਡ ਦੇ ਗੇਟ ਕੋਲ ਤਿੰਨ ਸੋ ਸੱਠ ਨਸ਼ੀਲੇ ਕੈਪਸੂਲਾਂ ਸਮੇਤ ਗ੍ਰਿਫਤਾਰ ਕੀਤਾ ਹੈ। ਇਸ ਔਰਤ ਦਾ ਨਾਮ ਪੂਨਮ ਦੱਸਿਆ ਜਾ ਰਿਹਾ ਹੈ। ਕਿਹਾ ਜਾ ਰਿਹਾ ਹੈ ਕਿ ਇਸ ਔਰਤ ਇੱਕ ਪਹਿਲਾਂ ਵੀ ਮਾਮਲਾ ਦਰਜ ਹੋ ਚੁੱਕਾ ਹੈ।ਇਸ ਔਰਤ ਦਾ ਪਤੀ ਜੇਲ੍ਹ ਵਿੱਚ ਹੋਣ ਦੇ ਬਾਵਜੂਦ ਵੀ ਆਪਣੀ ਪਤਨੀ ਕੋਲੋਂ ਨਸ਼ੇ ਦਾ ਗੈਰ ਕਾਨੂੰਨੀ ਕੰਮ ਕਰਵਾਉਂਦਾ ਸੀ। ਜਾਣਕਾਰੀ ਅਨੁਸਾਰ ਪੁਲਿਸ ਦੋਵਾਂ 'ਤੇ ਕਾਰਵਾਈ ਕਰਨ ਦੀ ਤਿਆਰੀ ਵਿੱਚ ਹੈ। —PTC News