Sat, Jan 28, 2023
Whatsapp

ਬਠਿੰਡਾ 'ਚ ਨਹੀਂ ਚੱਲੇਗੀ ਡੀਸੀ ਦੀ ਧੱਕੇਸ਼ਾਹੀ : ਸੁਖਪਾਲ ਸਰਾਂ

Written by  Pardeep Singh -- September 05th 2022 10:35 AM
ਬਠਿੰਡਾ 'ਚ ਨਹੀਂ ਚੱਲੇਗੀ ਡੀਸੀ ਦੀ ਧੱਕੇਸ਼ਾਹੀ : ਸੁਖਪਾਲ ਸਰਾਂ

ਬਠਿੰਡਾ 'ਚ ਨਹੀਂ ਚੱਲੇਗੀ ਡੀਸੀ ਦੀ ਧੱਕੇਸ਼ਾਹੀ : ਸੁਖਪਾਲ ਸਰਾਂ

ਬਠਿੰਡਾ: ਬਠਿੰਡਾ ਦੇ ਡੀਸੀ ਵੱਲੋਂ ਹੁਕਮ ਜਾਰੀ ਕੀਤੇ ਗਏ ਹਨ ਕਿ ਗਊ ਭਗਤਾਂ ਨੂੰ ਗਊਸ਼ਾਲਾ ਵਿੱਚ ਦਾਖ਼ਲ ਹੋਣ ਲਈ ਪਾਸ ਲੈਣਾ ਹੋਵੇਗ, ਜਿਸ ਨੂੰ ਲੈ ਕੇ ਗਊ ਭਗਤਾਂ ਵਿੱਚ ਭਾਰੀ ਰੋਸ ਪਾਇਆ ਗਿਆ ਹੈ। ਉਥੇ ਹੀ ਭਾਜਪਾ ਨੇ ਇਸ ਮਾਮਲੇ ਦਾ ਸਖ਼ਤ ਨੋਟਿਸ ਲੈਂਦਿਆਂ ਸੂਬਾ ਸਕੱਤਰ ਸੁਖਪਾਲ ਸਿੰਘ ਸਰਾਂ ਨੇ ਡਿਪਟੀ ਕਮਿਸ਼ਨਰ ਨੂੰ ਚਿਤਾਵਨੀ ਦਿੰਦੇ ਹੋਏ ਕਿਹਾ ਕਿ ਸਰਕਾਰੀ ਗਊਸ਼ਾਲਾ ਲੋਕਾਂ ਦੀ ਸੰਪਤੀ ਹੈ ਅਤੇ ਗਊਸ਼ਾਲਾ ਵਿੱਚ ਕਿਸੇ ਨੂੰ ਜਾਣ ਤੋਂ ਕੋਈ ਨਹੀਂ ਰੋਕ ਸਕਦਾ।


ਸੁਖਪਾਲ ਸਿੰਘ ਸਰਾਂ ਨੇ ਕਿਹਾ ਕਿ ਹਰਰਾਏਪੁਰ ਗਊਸ਼ਾਲਾ ਵਿਚ ਜ਼ਿਲ੍ਹਾ ਪ੍ਰਸ਼ਾਸਨ ਦੀ ਨਾਲਾਇਕੀ ਨਾਲ ਹੁਣ ਤੱਕ ਪੰਜ ਹਜ਼ਾਰ ਤੋਂ ਉਪਰ ਗਾਵਾਂ ਦੀ ਮੌਤ ਹੋ ਚੁੱਕੀ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ ਪ੍ਰਸ਼ਾਸਨ ਨੂੰ ਗਾਵਾਂ ਲਈ ਚਾਰੇ ਦਾ ਪ੍ਰਬੰਧ ਕਰਨਾ ਚਾਹੀਦਾ ਸੀ ਉੱਥੇ ਹੀ ਇਹ ਤੁਗਲਕੀ ਫਰਮਾਨ ਜਾਰੀ ਕਰ ਰਹੇ ਹਨ। ਉਨ੍ਹਾਂ ਨੇ ਕਿਹਾ ਹੈ ਕਿ ਬਠਿੰਡਾ ਦੇ ਡੀਸੀ ਦੇ ਫੁਰਮਾਨ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।

ਭਾਜਪਾ ਦੇ ਸੂਬਾ ਸਕੱਤਰ ਸੁਖਪਾਲ ਸਿੰਘ ਸਰਾਂ ਨੇ ਕਿਹਾ ਕਿ ਬਠਿੰਡਾ ਵਿੱਚ ਵੱਡੀ ਰਕਮ ਕਰੀਬ ਪੌਣੇ ਪੰਜ ਕਰੋੜ ਰੁਪਇਆਂ ਗਊਸੈੱਸ ਸਾਲਾਨਾ ਇਕੱਠਾ ਹੁੰਦਾ ਹੈ। ਜਿਸਦਾ ਇਸਤੇਮਾਲ ਕਰਨ ਦੀ ਬਜਾਏ ਗਊਵੰਸ਼ ਨੂੰ ਮਰਨ ਲਈ ਜਾਂ ਤਾਂ ਸੜਕਾਂ ਉਤੇ ਛੱਡ ਰੱਖਿਆ ਹੈ ਜਾਂ ਗਊਸ਼ਾਲਾ ਵਿਚ ਲਿਜਾ ਕੇ ਉਸ ਨੂੰ ਹਰਾ ਚਾਰਾ ਨਾ ਦੇ ਕੇ ਤੜਪਾ ਤੜਪਾ ਕੇ ਮਾਰਿਆ ਜਾ ਰਿਹਾ ਹੈ।ਸੁਖਪਾਲ ਸਿੰਘ ਸਰਾਂ ਨੇ ਕਿਹਾ ਕਿ ਇਸ ਮਾਮਲੇ ਨੂੰ ਲੈਕੇ ਐਨੀਮਲ ਵੈੱਲਫੇਅਰ ਬੋਰਡ ਦੇ ਧਿਆਨ ਵਿੱਚ ਮਾਮਲਾ ਲਿਆ ਜਾਵੇਗਾ ਅਤੇ ਕੇਂਦਰ ਸਰਕਾਰ ਨੂੰ ਵੀ ਡਿਪਟੀ ਕਮਿਸ਼ਨਰ ਬਠਿੰਡਾ ਖ਼ਿਲਾਫ਼ ਸ਼ਿਕਾਇਤ ਕਰਨਗੇ।

ਇਹ ਵੀ ਪੜ੍ਹੋ;ਖੇਤ ਮਜ਼ਦੂਰ ਯੂਨੀਅਨ ਵੱਲੋਂ CM ਮਾਨ ਦੀ ਨਿੱਜੀ ਰਿਹਾਇਸ਼ ਅੱਗੇ ਪੱਕੇ ਮੋਰਚੇ ਦਾ ਐਲਾਨ

-PTC News

Top News view more...

Latest News view more...