ਮਾਨਸੂਨ ਸ਼ੁਰੂ ਹੁੰਦੇ ਹੀ ਹਾਦਸਿਆਂ ਨੇ ਦਿੱਤੀ ਮੁੰਬਈ 'ਚ ਦਸਤਕ, ਹਫਤੇ 'ਚ ਡਿੱਗੀ ਦੂਜੀ ਇਮਾਰਤ
Jagroop Kaur
June 10th 2021 11:58 AM --
Updated:
June 10th 2021 12:36 PM
ਦੇਸ਼ ਵਿਚ ਮਾਨਸੂਨ ਦੀ ਦਸਤਕ ਹੋਲੀ ਹੋਲੀ ਸ਼ੁਰੂ ਹੋ ਚੁਕੀ ਹੈ , ਪਰ ਇਸ ਤੋਂ ਪਹਿਲਾਂ ਮੁੰਬਈ ’ਚ ਮਾਨਸੂਨ ਦੀ ਦਸਤਕ ਦੇ ਚੁੱਕਿਆ ਹੈ , ਅਤੇ ਇਸ ਦੌਰਾਨ ਇਕ ਤੋਂ ਬਾਅਦ ਇਕ ਹਾਦਸੇ ਵਾਪਰਨ ਸ਼ੁਰੂ ਹੋਗਏ ਹਨ , ਮੁੰਬਈ 'ਚ ਮੁੜ ਤੋਂ ਵੱਡਾ ਹਾਦਸਾ ਵਾਪਰ ਗਿਆ। ਤੇਜ਼ ਮੀਂਹ ਕਾਰਨ ਬੁੱਧਵਾਰ ਰਾਤ ਕਰੀਬ 11 ਵਜੇ ਮਲਾਡ ਵੈਸਟ ਇਲਾਕੇ ਵਿਚ 4 ਮੰਜ਼ਿਲਾ ਰਿਹਾਇਸ਼ੀ ਇਮਾਰਤ ਢਹਿ ਜਾਣ ਨਾਲ 11 ਲੋਕਾਂ ਦੀ ਮੌਤ ਹੋ ਗਈ ਅਤੇ 8 ਜ਼ਖਮੀ ਹੋ ਗਏ। ਤਲਾਸ਼ੀ ਅਤੇ ਬਚਾਅ ਮੁਹਿੰਮ ਲਗਾਤਾਰ ਜਾਰੀ ਹੈ। ਬਚਾਅ ਕਾਮਿਆਂ ਨੇ 18 ਲੋਕਾਂ ਨੂੰ ਬਚਾਇਆ ਹੈ। ਇਨ੍ਹਾਂ ’ਚ ਬੱਚੇ ਅਤੇ ਔਰਤਾਂ ਵੀ ਸ਼ਾਮਲ ਹਨ।