12 ਮੁਸਾਫ਼ਰਾ ਦੀ ਉਡੀਕ 180 ਯਾਤਰੀਆਂ ਲਈ ਬਣੀ ਮੁਸੀਬਤ, ਹਵਾਈ ਅੱਡੇ 'ਤੇ ਦੋ ਘੰਟੇ ਦੇਰੀ ਨਾਲ ਪਹੁੰਚੀ ਫਲਾਈਟ

By  Riya Bawa October 22nd 2022 08:43 AM -- Updated: October 22nd 2022 01:33 PM

Mumbai Amritsar Flight: ਮੁੰਬਈ ਤੋਂ ਅੰਮ੍ਰਿਤਸਰ ਜਾਣ ਵਾਲੀ ਗੋ-ਫਸਟ ਏਅਰਲਾਈਨਜ਼ (GoFirstairways airline) ਦੀ ਉਡਾਣ ਦੋ ਘੰਟੇ ਦੀ ਦੇਰੀ ਨਾਲ ਸ੍ਰੀ ਗੁਰੂ ਰਾਮਦਾਸ ਜੀ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਉਤਰੀ। ਇਹ ਦੇਰੀ ਕਿਸੇ ਤਕਨੀਕੀ ਖਰਾਬੀ ਜਾਂ ਮੌਸਮ ਦੀ ਖਰਾਬੀ ਕਾਰਨ ਨਹੀਂ ਹੋਈ। ਦਰਅਸਲ, ਇਹ ਦੇਰੀ ਰਨਵੇ 'ਤੇ ਸਿਰਫ 12 ਟਰਾਂਜ਼ਿਟ ਯਾਤਰੀਆਂ ਕਰਕੇ ਹੋਈ, ਤੇ ਉਹਨਾਂ ਕਰਕੇ ਲਗਭਗ 180 ਯਾਤਰੀਆਂ ਨੂੰ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ। ਇਸ ਤੋਂ ਬਾਅਦ ਯਾਤਰੀਆਂ ਦਾ ਏਅਰਲਾਈਨ ਸਟਾਫ ਨਾਲ ਕਾਫੀ ਹੰਗਾਮਾ ਹੋਇਆ ਪਰ ਫਲਾਈਟ ਦੋ ਘੰਟੇ ਲੇਟ ਹੋ ਗਈ।

Mumbai Amritsar Flight

ਮੁੰਬਈ-ਅੰਮ੍ਰਿਤਸਰ ਗੋ-ਫਸਟ ਏਅਰਲਾਈਨਜ਼ ਦੀ ਫਲਾਈਟ ਨੰਬਰ ਜੀ 82417 'ਤੇ ਸ਼ੁੱਕਰਵਾਰ ਸ਼ਾਮ ਨੂੰ ਮੁੰਬਈ ਹਵਾਈ ਅੱਡੇ 'ਤੇ ਹੰਗਾਮਾ ਹੋਇਆ। ਏਅਰਲਾਈਨਜ਼ ਤੋਂ ਇਲਾਵਾ ਇੱਕ ਯਾਤਰੀ ਨੇ ਡੀਜੀਸੀ ਇੰਡੀਆ ਨੂੰ ਵੀ ਸ਼ਿਕਾਇਤ ਭੇਜੀ ਹੈ। ਅੰਮ੍ਰਿਤਸਰ ਪੁੱਜੇ ਯਾਤਰੀ ਕਰਨਜੀਤ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦੀ ਟਿਕਟ ਮੁੰਬਈ ਅੰਮ੍ਰਿਤਸਰ ਫਲਾਈਟ ਜੀ 82417 ਦੀ ਬੁੱਕ ਹੋ ਗਈ ਸੀ। 4 ਵਜੇ ਦੇ ਕਰੀਬ 180 ਯਾਤਰੀਆਂ ਨੂੰ ਪੂਰਾ ਸਮਾਂ ਫਲਾਈਟ 'ਚ ਬਿਠਾਇਆ ਗਿਆ।

ਇਹ ਵੀ ਪੜ੍ਹੋ: Dhanteras 2022: ਧਨਤੇਰਸ ਦੀ ਰਾਤ ਨੂੰ ਇਸ ਸਥਾਨ 'ਤੇ ਜਗਾਓ ਦੀਵਾ, ਜੀਵਨ ਦੇ ਸਾਰੇ ਦੁੱਖ ਹੋਣੇਗੇ ਦੂਰ

ਇਸ ਫਲਾਈਟ ਨੇ ਸ਼ਾਮ 4.30 ਵਜੇ ਮੁੰਬਈ ਤੋਂ ਉਡਾਣ ਭਰਨੀ ਸੀ ਪਰ ਅਜਿਹਾ ਨਹੀਂ ਹੋਇਆ। ਯਾਤਰੀ ਕਾਫੀ ਦੇਰ ਤੱਕ ਇੰਤਜ਼ਾਰ ਕਰਦੇ ਰਹੇ ਸਨ ਪਰ ਜਦੋਂ ਫਲਾਈਟ ਟੇਕ ਆਫ ਨਾ ਹੋਈ ਤਾਂ ਸਾਰਿਆਂ ਨੇ ਰੌਲਾ ਪਾਉਣਾ ਸ਼ੁਰੂ ਕਰ ਦਿੱਤਾ। ਕਰਨਜੀਤ ਸਿੰਘ ਨੇ ਦੱਸਿਆ ਕਿ ਜਦੋਂ ਉਨ੍ਹਾਂ ਨੇ ਫਲਾਈਟ ਦੇਰੀ ਬਾਰੇ ਪੁੱਛਿਆ ਤਾਂ ਏਅਰਲਾਈਨਜ਼ ਨੇ ਸਾਰੇ ਯਾਤਰੀਆਂ ਨਾਲ ਬਹੁਤ ਗੈਰ-ਪੇਸ਼ੇਵਰ ਵਿਵਹਾਰ ਕੀਤਾ। ਦਰਅਸਲ, ਇਸ ਫਲਾਈਟ ਨੂੰ ਦੋ ਘੰਟੇ ਤੱਕ 12 ਟਰਾਂਜ਼ਿਟ ਯਾਤਰੀਆਂ ਲਈ ਰਨਵੇ 'ਤੇ ਰੱਖਿਆ ਗਿਆ ਸੀ। ਦੇਰੀ ਨਾਲ ਉਡਾਣ ਭਰਨ ਕਾਰਨ ਅੰਮ੍ਰਿਤਸਰ ਹਵਾਈ ਅੱਡੇ 'ਤੇ ਫਲਾਈਟ ਦੋ ਘੰਟੇ ਦੀ ਦੇਰੀ ਨਾਲ ਪੁੱਜੀ ਜਿਸ ਤੋਂ ਬਾਅਦ ਕੁਝ ਯਾਤਰੀਆਂ ਨੇ ਇਸ ਬਾਰੇ ਡੀਜੀਸੀਏ ਇੰਡੀਆ ਨੂੰ ਆਨਲਾਈਨ ਸ਼ਿਕਾਇਤ ਵੀ ਕੀਤੀ ਹੈ।

-PTC News

Related Post