'ਲੰਪੀ' ਸਕਿਨ ਬਿਮਾਰੀ ਦੀ ਲਪੇਟ 'ਚ ਆਈਆਂ 2000 ਹਜ਼ਾਰ ਗਾਵਾਂ, 35 ਦੀ ਹੋਈ ਮੌਤ

ਯਮੁਨਾਨਗਰ : ਜ਼ਿਲ੍ਹੇ ਵਿੱਚ ਕਰੀਬ 2000 ਗਾਵਾਂ ਲੰਪੀ ਸਕਿਨ ਬਿਮਾਰੀ ਦੀ ਲਪੇਟ ਵਿੱਚ ਆ ਚੁੱਕੀਆਂ ਹਨ। ਇਸ ਬਿਮਾਰੀ ਕਾਰਨ 35 ਗਾਵਾਂ ਦੀ ਮੌਤ ਹੋ ਚੁੱਕੀ ਹੈ। ਅਜੇ ਵੀ ਕਈ ਗਊਆਂ ਜ਼ਿੰਦਗੀ ਅਤੇ ਮੌਤ ਦੀ ਲੜਾਈ ਲੜ ਰਹੀਆਂ ਹਨ। ਬਹੁਤੀਆਂ ਗਾਵਾਂ ਹੁਣ ਖੜ੍ਹਨ ਤੋਂ ਵੀ ਅਸਮਰੱਥ ਹਨ। ਯਮੁਨਾਨਗਰ ਦੇ ਡਡਵਾ ਡੇਅਰੀ ਕੰਪਲੈਕਸ ਵਿੱਚ ਬਿਨਾਂ ਬਰਸਾਤ ਦੇ ਗੋਹੇ ਨਾਲ ਨਾਲੀਆਂ ਪੂਰੀ ਤਰ੍ਹਾਂ ਨਾਲ ਭਰ ਗਈਆਂ ਹਨ। ਇਨ੍ਹਾਂ ਡਰੇਨਾਂ ਵਿੱਚ ਪਾਣੀ ਦੀ ਨਿਕਾਸੀ ਸੰਭਵ ਨਹੀਂ ਹੈ। ਇਸ ਨਾਲ ਬੀਮਾਰੀਆਂ ਦਾ ਖਤਰਾ ਵਧ ਗਿਆ ਹੈ। ਪਸ਼ੂ ਪਾਲਕ ਅਤੇ ਨਗਰ ਨਿਗਮ ਇਕ ਦੂਜੇ 'ਤੇ ਦੋਸ਼ ਲਗਾ ਰਹੇ ਹਨ। ਡਡਵਾ ਡੇਅਰੀ ਕੰਪਲੈਕਸ ਵਿੱਚ ਭਰੇ ਪਾਣੀ ਨੂੰ ਹਟਾਉਣ ਲਈ ਨਿਗਮ ਅਤੇ ਪਸ਼ੂ ਪਾਲਕ ਵੀ ਆਹਮੋ-ਸਾਹਮਣੇ ਆ ਗਏ ਹਨ ਪਰ ਇਸ ਪਾਸੇ ਕੋਈ ਧਿਆਨ ਨਹੀਂ ਦਿੱਤਾ ਗਿਆ। ਲੰਪੀ ਸਕੀਨ ਬਿਮਾਰੀ ਦੇ ਫੈਲਣ ਤੋਂ ਬਾਅਦ ਪਸ਼ੂ ਮਾਲਕਾਂ ਦੀ ਨੀਂਦ ਉੱਡ ਗਈ ਹੈ। ਬੀਮਾਰੀ ਕਾਰਨ ਲੋਕਾਂ ਨੇ ਹੁਣ ਇਨ੍ਹਾਂ ਡੇਅਰੀ ਸੰਚਾਲਕਾਂ ਤੋਂ ਦੁੱਧ ਲੈਣਾ ਬੰਦ ਕਰ ਦਿੱਤਾ ਹੈ। ਇਸ ਨਾਲ ਡੇਅਰੀ ਸੰਚਾਲਕਾਂ ਨੂੰ ਦੋਹਰੀ ਮਾਰ ਝੱਲਣੀ ਪੈ ਰਹੀ ਹੈ। ਨਿਗਮ ਦੇ ਮੇਅਰ ਨੇ ਇਸ ਲਈ ਡੇਅਰੀ ਸੰਚਾਲਕਾਂ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਨਾਲੀਆਂ ਵਿੱਚ ਗੋਹਾ ਭਰਨ ਕਾਰਨ ਪਾਣੀ ਦੀ ਨਿਕਾਸੀ ਨਹੀਂ ਹੋ ਰਹੀ। ਇਹ ਵੀ ਪੜ੍ਹੋ : ਰਾਸ਼ਟਰਮੰਡਲ ਖੇਡਾਂ 'ਚ ਦੇਸ਼ ਦਾ ਨਾਂ ਰੁਸ਼ਨਾਉਣ ਵਾਲੇ ਖਿਡਾਰੀਆਂ ਦਾ ਅੰਮ੍ਰਿਤਸਰ ਹਵਾਈ ਅੱਡੇ 'ਤੇ ਨਿੱਘਾ ਸਵਾਗਤ ਇਸ ਦੇ ਨਾਲ ਹੀ ਨਿਗਮ ਦਾ ਦਾਅਵਾ ਹੈ ਕਿ ਬਿਮਾਰੀਆਂ ਤੋਂ ਬਚਣ ਲਈ ਡਾਕਟਰਾਂ ਦੀ ਟੀਮ ਬਣਾਈ ਗਈ ਹੈ ਅਤੇ ਪਾਣੀ ਦੀ ਨਿਕਾਸੀ ਲਈ ਨਿਗਮ ਦੀਆਂ ਟੀਮਾਂ ਪਿੰਡ ਵਿਚ ਭੇਜੀਆਂ ਗਈਆਂ ਹਨ, ਤਾਂ ਜੋ ਪਾਣੀ ਦੀ ਨਿਕਾਸੀ ਜਲਦੀ ਤੋਂ ਜਲਦੀ ਸੰਭਵ ਹੋ ਸਕੇ। ਗਊਸ਼ਾਲਾਵਾਂ ਵਿੱਚ ਲੰਪੀ ਵਾਇਰਸ ਦਾ ਖ਼ਤਰਾ ਜ਼ਿਆਦਾ ਹੁੰਦਾ ਹੈ, ਕਿਉਂਕਿ ਇੱਥੇ ਸੈਂਕੜੇ ਗਾਵਾਂ ਇਕੱਠੀਆਂ ਹੁੰਦੀਆਂ ਹਨ। ਜਗਾਧਰੀ ਗਊਸ਼ਾਲਾ ਦੀਆਂ ਕੁਝ ਗਾਵਾਂ ਵਿੱਚ ਵੀ ਇਸ ਬਿਮਾਰੀ ਦੀ ਪੁਸ਼ਟੀ ਹੋਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਗਾਵਾਂ ਹੁਣ ਬਿਮਾਰੀ ਤੋਂ ਠੀਕ ਹੋ ਚੁੱਕੀਆਂ ਹਨ।  ਇਸ ਵਿੱਚ ਤਿੰਨ ਹਜ਼ਾਰ ਦੇ ਕਰੀਬ ਗਾਵਾਂ ਹਨ। -PTC News