ਅਜਨਾਲਾ ਦੇ ਸਿੱਖ ਨੌਜਵਾਨ ਨੂੰ ਸ਼੍ਰੀ ਸਾਹਿਬ ਪਹਿਨਣ 'ਤੇ ਬੰਦੀ ਬਣਾ ਕੇ ਕੀਤੀ ਕੁੱਟਮਾਰ,ਦੇਖੋ ਤਸਵੀਰਾਂ

ਅਜਨਾਲਾ ਦੇ ਸਿੱਖ ਨੌਜਵਾਨ ਨੂੰ ਸ਼੍ਰੀ ਸਾਹਿਬ ਪਹਿਨਣ 'ਤੇ ਬੰਦੀ ਬਣਾ ਕੇ ਕੀਤੀ ਕੁੱਟਮਾਰ,ਦੇਖੋ ਤਸਵੀਰਾਂ:ਸਿੱਖ ਕੌਮ ਆਪਣੀ ਪਹਿਚਾਣ ਲਈ ਵਿਦੇਸ਼ਾਂ ਦੀ ਧਰਤੀ ਤੇ ਲੜਾਈ ਲੜ ਰਹੀ ਹੈ ਅਤੇ ਕਾਫੀ ਹੱਦ ਤੱਕ ਜਿੱਤ ਵੀ ਹਾਸਿਲ ਕਰ ਰਹੀ ਹੈ ਪਰ ਆਪਣੇ ਹੀ ਦੇਸ਼ ਅੰਦਰ ਪਹਿਚਾਣ ਲਈ ਉਹ ਨਸਲੀ ਭੇਦ ਦਾ ਸ਼ਿਕਾਰ ਹੋ ਰਹੀ ਹੈ।ਸਿੱਖ ਕੌਮ ਦੀ ਪਹਿਚਾਣ ਉਸਦੀ ਦਸਤਾਰ ਅਤੇ ਸ਼੍ਰੀ ਸਾਹਿਬ ਤੋਂ ਹੈ ਅਤੇ ਕਈ ਵਾਰ ਵਿਦੇਸ਼ਾ 'ਚ ਇਸ ਮਾਮਲੇ ਨੂੰ ਲੈ ਕੇ ਵਿਵਾਦ ਵੀ ਹੋਏ ਹਨ ਪਰ ਤਾਜਾ ਮਾਮਲਾ ਹੈ ਕਰਨਾਟਕ ਦਾ ਜਿਥੇ ਅਜਨਾਲਾ ਦੇ ਪਿੰਡ ਤੇੜਾ ਕਲਾਂ ਦਾ ਨੌਜਵਾਨ ਇੱਕ ਨਿੱਜੀ ਸੀਮੈਂਟ ਕੰਪਨੀ 'ਚ ਬਤੋਰ ਜੇਸੀਬੀ ਚਾਲਕ ਕੰਮ ਕਾਰਨ ਲਈ ਗਿਆ ਸੀ।18 ਮਈ ਨੂੰ ਛੁੱਟੀ ਹੋਣ ਕਾਰਨ ਉਹ ਘਰ ਦਾ ਸਮਾਨ ਲੈਣ ਲਈ ਜਦ ਕਰਨਾਟਕ ਦੇ ਗੁਲਬਰਗ ਸ਼ਹਿਰ ਅੰਦਰ ਗਿਆ ਤਾਂ ਓਥੇ ਖੜੇ ਕੁਝ ਸ਼ਰਾਰਤੀ ਅਨਸਰਾਂ ਵਲੋਂ ਉਸ ਨਾਲ ਇਹ ਬੋਲ ਕੇ ਵਿਵਾਦ ਸ਼ੁਰੂ ਕਰ ਦਿੱਤਾ ਕਿ ਤੂੰ ਆਪਣੇ ਨਾਲ (ਛੁਰਾ )ਸ੍ਰੀ ਸਾਹਿਬ ਲੈਕੇ ਫਿਰ ਰਿਹਾ ਹੈ।ਵੇਖਦੇ ਹੀ ਵੇਖਦੇ ਹਜੂਮ ਨੇ ਉਸਨੂੰ ਇੱਕ ਕਮਰੇ 'ਚ ਬੰਦ ਕਰਕੇ ਉਸ ਨਾਲ ਕੁੱਟਮਾਰ ਸ਼ੁਰੂ ਕਰ ਦਿੱਤੀ ਅਤੇ ਉਸਦੇ ਕੇਸ ,ਸ੍ਰੀ ਸਾਹਿਬ ਵੀ ਖੋਹ ਲਿਆ ਅਤੇ ਉਸਦੇ ਕੱਪੜੇ ਫਾੜ ਦਿਤੇ।ਹੁਣ ਪੀੜਤ ਅਵਤਾਰ ਸਿੰਘ ਕੇਂਦਰ ਸਰਕਾਰ ਅਤੇ ਪੰਜਾਬ ਸਰਕਾਰ ਤੋਂ ਇਨਸਾਫ ਦੀ ਮੰਗ ਕਰ ਰਿਹਾ ਹੈ।

-PTCNews