ਕੈਨੇਡਾ 'ਚ ਇੱਕ ਵਿਅਕਤੀ 'ਤੇ ਭਾਲੂ ਨੇ ਹਮਲਾ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ।(bear attacked man Canada) ਹਮਲੇ ਤੋਂ ਬਾਅਦ ਉਸ ਵਿਅਕਤੀ ਨੇ ਹਾਰਡਵੇਅਰ ਸਟੋਰ 'ਚ ਆ ਕੇ ਕਿਸੇ ਦੀ ਮਦਦ ਮੰਗੀ। ਉਸਦੇ ਚਿਹਰੇ ਅਤੇ ਹੱਥ 'ਤੇ ਜ਼ਖਮਾਂ ਦੇ ਨਿਸ਼ਾਨ ਸਨ।
ਉਸ ਆਦਮੀ ਨੂੰ ਫੁਟਹਿਲਸ ਮੈਡੀਕਲ ਸੈਂਟਰ ਦੁਆਰਾ ਮੈਡੀਕਲ ਸਹਾਇਤਾ ਪ੍ਰਦਾਨ ਕੀਤੀ ਗਈ, ਜਿਸ ਤੋਂ ਬਾਅਦ ਹੁਣ ਉਹ ਖਤਰੇ ਤੋਂ ਬਾਹਰ ਦੱਸਿਆ ਜਾ ਰਿਹਾ ਹੈ। ਅਧਿਕਾਰੀਆਂ ਨੂੰ ਜਾਣਕਾਰੀ ਦਿੰਦਿਆਂ ਉਸ ਆਦਮੀ ਨੇ ਕਿਹਾ ਕਿ ਉਹ ਹਾਰੋਲਡ ਕਰੀਕ ਖੇਤਰ 'ਚ ਜੀਓ ਕੈਚਿੰਗ ਕਰ ਰਿਹਾ ਸੀ, ਜਿਸ ਦੌਰਾਨ ਉਸ 'ਤੇ ਭਾਲੂ ਵੱਲੋਂ ਹਮਲਾ ਕਰ ਦਿੱਤਾ ਗਿਆ ਸੀ। ਆਪਣੇ ਆਪ ਨੂੰ ਬਚਾ ਕੇ ਉਹ ਆਪਣੀ ਗੱਡੀ 'ਤੇ ਵਾਟਰ ਵੈਲੀ ਗਿਆ ਸੀ।(bear attack Canada Calgary)
ਇਸ ਘਟਨਾ ਦੀ ਮੱਛੀ ਅਤੇ ਜੰਗਲੀ ਜੀਵ ਸੁਰੱਖਿਆ ਅਫਸਰ ਜਾਂਚ ਕਰ ਰਹੇ ਹਨ। ਇਸ ਤੋਂ ਪਹਿਲਾਂ ਵੀ ਕੈਨੇਡਾ ਦੇ ਲੋਕਾਂ ਨੂੰ ਜੰਗਲੀ ਇਲਾਕੇ ਅਤੇ ਜਾਨਵਰਾਂ ਤੋਂ ਦੂਰੀ ਬਣਾ ਕੇ ਰੱਖਣ ਦੀ ਅਪੀਲ ਕੀਤੀ ਜਾ ਚੁੱਕੀ ਹੈ।
—PTC News