ਦੇਖੋ, ਚੰਡੀਗੜ੍ਹ 'ਚ ਲੜਕੀ ਨਾਲ ਬਲਾਤਕਾਰ ਕਰਨ ਵਾਲੇ ਦੋਸ਼ੀਆਂ ਦੀ ਵੀਡੀਓ ਅਤੇ ਤਸਵੀਰਾਂ
Chandigarh auto rape case: ਚੰਡੀਗੜ੍ਹ ਸ਼ਹਿਰ ਦਾ ਸਿਰ ਸ਼ਰਮ ਨਾਲ ਇੱਕ ਵਾਰ ਫਿਰ ਉਸ ਸਮੇਂ ਝੁਕ ਗਿਆ ਜਦੋਂ ਕਲਾਸ ਲਗਾ ਕੇ ਆ ਰਹੀ ੨੨ ਸਾਲਾ ਲੜਕੀ ਨੂੰ ਆਟੋ ਵਾਲੇ ਅਤੇ ਉਸਦੇ ਸਾਥੀਆਂ ਨੇ ਆਪਣੀ ਹਵਸ ਦਾ ਸ਼ਿਕਾਰ ਬਣਾਇਆ।
ਇਸ ਮਾਮਲੇ 'ਚ ਪੁਲਿਸ ਵੱਲੋਂ ਦੋਸ਼ੀ ਦੀ ਸੀਸੀਟੀਵੀ ਫੁਟੇਜ ਅਤੇ ਕੁਝ ਤਸਵੀਰਾਂ ਜਾਰੀ ਕੀਤੀਆਂ ਗਈਆਂ ਹਨ। ਦੋਸ਼ੀ ਪੈਟਰੋਲ ਪੰਪ ਤੋਂ ਆਟੋ 'ਚ ਤੇਲ ਭਰਵਾਉਣ ਲਈ ਰੁਕਿਆ ਸੀ ਜਦੋਂ ਉਸਦੀਆਂ ਇਹ ਤਸਵੀਰਾਂ ਅਤੇ ਵੀਡੀਓ ਪੰਪ 'ਤੇ ਲੱਗੇ ਸੀਸੀਟੀਵੀ 'ਚ ਕੈਦ ਹੋ ਗਈਆਂ ਸਨ।
ਦੋਸ਼ੀਆਂ ਨੂੰ ਸਜ਼ਾ ਦਵਾਉਣ ਅਤੇ ਪੀੜਤਾ ਦੇ ਲਈ ਇਨਸਾਫ ਦੀ ਮੰਗ ਜ਼ੋਰ ਫੜ੍ਹਦੀ ਨਜ਼ਰ ਆ ਰਹੀ ਹੈ ਅਤੇ ਇਸ ਮਾਮਲੇ 'ਤ ਅੱਜ ਪੰਜਾਬ ਭਵਨ, ਸੈਕਟਰ ੧ 'ਚ ਕੈਂਡਲ ਮਾਰਚ ਵੀ ਕੱਢਿਆ ਜਾ ਰਿਹਾ ਹੈ।
Chandigarh auto rape case: ਮਿਲੀ ਜਾਣਕਾਰੀ ਮੁਤਾਬਕ ਪੀੜਤਾ ਸੈਕਟਰ-੩੭ ਵਿਚ ਸਟੈਨੋ ਦਾ ਕੋਰਸ ਕਰ ਰਹੀ ਸੀ ਅਤੇ ਕਲਾਸ ਖਤਮ ਹੋਣ ਤੋਂ ਬਾਅਦ ਉਸਨੇ ਸ਼ਾਮ ਨੂੰ ਆਟੋ ਲਿਆ ਅਤੇ ਘਰ ਜਾਣ ਲਈ ਰਵਾਨਾ ਹੋਈ ਸੀ। ਦੋਸ਼ੀਆਂ ਵੱਲੋਂ ਪੀੜਤਾ ਨੂੰ ਸੈਕਟਰ-੫੩ ਦੇ ਜੰਗਲਾਂ 'ਚ ਲਿਜਾ ਕੇ ਹਵਸ ਦਾ ਸ਼ਿਕਾਰ ਬਣਾਇਆ ਗਿਆ ਸੀ।
ਲੜਕੀ ਨੂੰ ਬੇਹੋਸ਼ੀ ਦੀ ਹਾਲਤ 'ਚ ਛੱਡ ਮੁਲਜ਼ਮ ਫਰਾਰ ਹੋ ਗਏ ਸਨ।