ICC Women T20 World Cup : ਇੰਗਲੈਂਡ ਨੂੰ ਹਰਾ ਆਸਟ੍ਰੇਲੀਆ ਨੇ ਖਿਤਾਬ 'ਤੇ ਕੀਤਾ ਕਬਜਾ

ICC Women T20 World Cup :ਇੰਗਲੈਂਡ ਨੂੰ ਹਰਾ ਆਸਟ੍ਰੇਲੀਆ ਨੇ ਖਿਤਾਬ 'ਤੇ ਕੀਤਾ ਕਬਜਾ,ਨਵੀਂ ਦਿੱਲੀ: ਪਿਛਲੇ ਕੁਝ ਦਿਨਾਂ ਤੋਂ ਚੱਲ ਰਹੇ ਮਹਿਲਾ ਟੀ20 ਵਿਸ਼ਵ ਕੱਪ ਦੇ ਫਾਈਨਲ ਮੁਕਾਬਲੇ 'ਚ ਆਸਟਰੇਲੀਆ ਨੇ ਇੰਗਲੈਂਡ ਨੂੰ ਹਰਾ ਕੇ ਵਰਲਡ ਟੀ20 2018 ਦਾ ਖਿਤਾਬ ਆਪਣੇ ਨਾਮ ਕਰ ਲਿਆ। ਅੱਜ ਸਵੇਰੇ ਖੇਡੇ ਗਏ ਫਾਈਨਲ 'ਚ ਆਸਟ੍ਰੇਲੀਆ ਨੇ ਇੰਗਲੈਂਡ ਨੂੰ 8 ਵਿਕੇਟ ਨਾਲ ਹਰਾ ਕੇ ਇਸ ਟ੍ਰਾਫ਼ੀ 'ਤੇ ਚੌਥੀ ਵਾਰ ਕਬਜਾ ਕੀਤਾ।

ਦੱਸ ਦੇਈਏ ਕਿ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜੀ ਕਰਨ ਉਤਰੀ ਇੰਗਲੈਂਡ ਦੀ ਟੀਮ 19.4 ਓਵਰਾ 'ਚ ਸਿਰਫ 105 ਦੌੜਾਂ 'ਤੇ ਆਲ ਆਉਟ ਹੋ ਗਈ। ਇਸ ਟੀਚੇ ਦਾ ਪਿੱਛਾ ਕਰਨ ਉਤਰੀ ਆਸਟ੍ਰੇਲੀਆ ਟੀਮ ਨੇ 15.1 ਓਵਰਾ 'ਚ 2 ਵਿਕੇਟ ਗਵਾ ਕੇ ਟੀਚਾ ਹਾਸਲ ਕਰ ਲਿਆ।ਭਾਰਤ ਦੇ ਖਿਲਾਫ ਮੈਚ 'ਚ ਚੋਟਿਲ ਹੋਣ ਵਾਲੀ ਏਲਿਸਾ ਹੀਲੀ ਅਤੇ ਬੇਥ ਮੂਨੀ ਨੇ ਪਹਿਲੈ ਵਿਕੇਟ ਲਈ 29 ਰਨਾਂ ਦੀ ਸਾਂਝੇਦਾਰੀ ਕੀਤੀ। ਹੀਲੀ 22 ਰਨ ਬਣਾ ਕੇ ਸੋਫੀ ਏਲੇਕਸਟੋਨ ਦੀ ਗੇਂਦ 'ਤੇ ਬੋਲਡ ਹੋ ਗਈ।

—PTC News