ਪੰਜਾਬ ਦੇ ਜੇਲ੍ਹ ਮੰਤਰੀ ਰੰਧਾਵਾ ਦੇ ਸਾਲੇ ਦੇ ਮੁੰਡੇ ਦੀ ਗੋਲੀ ਲੱਗਣ ਨਾਲ ਹੋਈ ਮੌਤ

ਪੰਜਾਬ ਦੇ ਜੇਲ੍ਹ ਮੰਤਰੀ ਰੰਧਾਵਾ ਦੇ ਸਾਲੇ ਦੇ ਮੁੰਡੇ ਦੀ ਗੋਲੀ ਲੱਗਣ ਨਾਲ ਹੋਈ ਮੌਤ:ਪੰਜਾਬ ਦੇ ਸਹਿਕਾਰੀ ਅਤੇ ਜੇਲ੍ਹ ਮੰਤਰੀ ਸੁਖਜਿੰਦਰ ਸਿੰਘ ਰੰਧਾਵਾ ਦੇ ਸਾਲੇ ਦੇ ਪੁੱਤਰ ਐਰਨ ਬਰਾੜ (13) ਦੀ ਨੈਨੀਤਾਲ(ਉੱਤਰਾਖੰਡ)ਵਿੱਚ ਗੋਲੀ ਲੱਗਣ ਨਾਲ ਮੌਤ ਹੋ ਗਈ।ਗੋਲੀ ਉਸਦੇ ਪਿਤਾ ਦੀ ਰਿਵਾਲਵਰ ਤੋਂ ਹੀ ਲੱਗੀ ਹੈ।ਇਹ ਸਾਫ਼ ਨਹੀਂ ਹੋ ਸਕਿਆ ਕਿ ਐਰਨ ਨੇ ਗੋਲੀ ਖੁਦ ਮਾਰੀ ਜਾਂ ਫਿਰ ਅਚਾਨਕ ਚੱਲੀ ਹੈ।ਸੂਤਰਾਂ ਮੁਤਾਬਕ ਜੇਲ੍ਹ ਮੰਤਰੀ ਸੁਖਜਿੰਦਰ ਸਿੰਘ ਰੰਧਾਵਾ ਦੇ ਸਾਲੇ ਰਵਿੰਦਰ ਸਿੰਘ ਬੱਬੀ ਦਾ ਪੁੱਤਰ ਐਰਨ ਬਰਾੜ ਨੈਨੀਤਾਲ ਦੇ ਸ਼ੇਰਵੁੱਡ ਸਕੂਲ ਵਿੱਚ ਸੱਤਵੀਂ ਜਮਾਤ ਵਿੱਚ ਪੜ੍ਹਦਾ ਸੀ।ਸਕੂਲ ਵਿੱਚ ਗਰਮੀ ਦੀਆਂ ਛੁੱਟੀਆਂ ਖਤਮ ਹੋ ਚੁੱਕੀਆਂ ਸਨ ਅਤੇ ਪਰਿਵਾਰ ਦੇ ਮੈਂਬਰ ਐਰਨ ਨੂੰ ਛੱਡਣ ਲਈ ਨੈਨੀਤਾਲ (ਉੱਤਰਾਖੰਡ) ਗਏ ਹੋਏ ਸਨ।ਨੈਨੀਤਾਲ ਦੇ ਨਜ਼ਦੀਕ ਹੀ ਰਵਿੰਦਰ ਬੱਬੀ ਦੀ ਕੋਠੀ ਹੈ।ਉਥੇ ਹੀ ਪਰਿਵਾਰ ਰੁਕਿਆ ਹੋਇਆ ਸੀ।ਸ਼ੁੱਕਰਵਾਰ ਨੂੰ ਨੈਨੀਤਾਲ ਵਿੱਚ ਹੀ ਕੋਠੀ ਵਿੱਚ ਰਵਿੰਦਰ ਸਿੰਘ ਬੱਬੀ ਨਹਾਉਣ ਲਈ ਬਾਥਰੂਮ ਗਿਆ ਅਤੇ ਆਪਣੀ ਰਿਵਾਲਵਰ ਬਾਹਰ ਬੈਡ ਉੱਤੇ ਹੀ ਰੱਖ ਗਿਆ।ਇਸ ਵਿੱਚ ਅਚਾਨਕ ਗੋਲੀ ਚੱਲਣ ਦੀ ਅਵਾਜ਼ ਆਈ ਤਾਂ ਰਵਿੰਦਰ ਬੱਬੀ ਬਾਥਰੂਮ ਚੋਂ ਨਿਕਲਿਆ।ਦੇਖਿਆ ਕਿ ਐਰਨ ਖੂਨ ਨਾਲ ਲਿਬੜਿਆ ਪਿਆ ਹੋਇਆ ਸੀ ਅਤੇ ਉਸਦੀ ਛਾਤੀ ਉੱਤੇ ਗੋਲੀ ਲੱਗੀ ਹੋਈ ਸੀ।ਹਸਪਤਾਲ ਦੇ ਰਸਤੇ ਵਿੱਚ ਹੀ ਉਸਦੀ ਮੌਤ ਹੋ ਗਈ।ਸੁਖਜਿੰਦਰ ਰੰਧਾਵਾ ਨੂੰ ਵੀ ਜਿਵੇਂ ਖਬਰ ਮਿਲੀ ਉਹ ਵੀ ਚੰਡੀਗੜ੍ਹ ਤੋਂ ਮੁਕਤਸਰ ਸਾਹਿਬ ਲਈ ਨਿਕਲ ਗਏ।ਇਸ ਮਾਮਲੇ ਵਿੱਚ ਪਰਿਵਾਰ ਦੇ ਮੈਂਬਰ ਕੁੱਝ ਵੀ ਬੋਲਣ ਲਈ ਤਿਆਰ ਨਹੀਂ ਹਨ ਪਰ ਸੂਤਰਾਂ ਦੇ ਮੁਤਾਬਕ ਐਰਨ ਕਾਫ਼ੀ ਪਰੇਸ਼ਾਨ ਸੀ।ਸੂਤਰਾਂ ਦੇ ਅਨੁਸਾਰ ਐਰਨ ਨੂੰ ਕਈ ਦਿਨ ਪਹਿਲਾਂ ਵਾਪਸ ਨੈਨੀਤਾਲ ਆ ਜਾਣਾ ਸੀ ਪਰ ਪਰਿਵਾਰ ਨੇ ਕਾਲਜ ਤੋਂ ਆਗਿਆ ਲੈ ਕੇ ਛੁੱਟੀਆਂ ਵਧਾਈਆਂ ਸਨ।

-PTCNews