ਹਿੰਡਨਬਰਗ ਦਾ ਪਲਟਵਾਰ ਕਿਹਾ 'ਤੁਸੀਂ ਤਿਰੰਗੇ 'ਚ ਲਪੇਟ ਕੇ ਭਾਰਤ ਨੂੰ ਰਹੇ ਲੁੱਟ'

Gautam Adani Group Vs Hidenburg Research: ਅਡਾਨੀ ਸਮੂਹ ਨੇ ਐਤਵਾਰ ਨੂੰ ਨਿਊਯਾਰਕ ਸਥਿਤ ਹਿੰਡਨਬਰਗ ਰਿਸਰਚ ਰਿਪੋਰਟ ਦਾ 413 ਪੰਨਿਆਂ 'ਚ ਜਵਾਬ ਦਿੱਤਾ। ਦੂਜੇ ਪਾਸੇ ਇਸ ਤੋਂ ਇਕ ਦਿਨ ਬਾਅਦ ਸੋਮਵਾਰ ਸਵੇਰੇ ਹਿੰਡਨਬਰਗ ਨੇ ਅਡਾਨੀ ਗਰੁੱਪ 'ਤੇ ਜਵਾਬੀ ਹਮਲਾ ਕੀਤਾ। 

ਹਿੰਡਨਬਰਗ ਰਿਸਰਚ ਨੇ ਸੋਮਵਾਰ ਨੂੰ ਇੱਕ ਪ੍ਰਤੀਕਿਰਿਆ ਦਿੱਤੀ ਜਿਸ ਵਿੱਚ ਕਿਹਾ ਗਿਆ ਹੈ ਕਿ ਰਾਸ਼ਟਰਵਾਦ ਸਾਡੇ ਦੁਆਰਾ ਲਗਾਏ ਗਏ ਹਰ ਵੱਡੇ ਦੋਸ਼ ਨੂੰ ਨਜ਼ਰਅੰਦਾਜ਼ ਕਰਦਾ ਹੈ, ਪਰ ਧੋਖਾਧੜੀ ਨੂੰ ਛੁਪਾ ਨਹੀਂ ਜਾ ਸਕਦਾ।

ਉਨ੍ਹਾਂ ਕਿਹਾ ਅਡਾਨੀ ਸਮੂਹ ਦੇਸ਼ ਨੂੰ ਯੋਜਨਾਬੱਧ ਢੰਗ ਨਾਲ ਲੁੱਟ ਰਿਹਾ ਹੈ। ਹਿੰਡਨਬਰਗ ਰਿਸਰਚ ਨੇ ਇਸ਼ਾਰਾ ਕੀਤਾ ਕਿ ਉਹ ਮੰਨਦਾ ਹੈ ਕਿ ਭਾਰਤ ਇੱਕ ਜੀਵੰਤ ਲੋਕਤੰਤਰ ਹੈ ਅਤੇ ਇੱਕ ਰੋਮਾਂਚਕ ਭਵਿੱਖ ਦੇ ਨਾਲ ਇੱਕ ਉੱਭਰਦੀ ਮਹਾਂਸ਼ਕਤੀ ਹੈ ਪਰ ਅਡਾਨੀ ਸਮੂਹ ਵੱਲੋਂ ਯੋਜਨਾਬੱਧ ਢੰਗ ਨਾਲ ਦੇਸ਼ ਨੂੰ ਲੁੱਟਿਆ ਜਾ ਰਿਹਾ ਹੈ।

ਇਹ ਵੀ ਪੜ੍ਹੋ: ਅਡਾਨੀ ਦੀ ਅਗਨੀ ਪ੍ਰੀਖਿਆ, ਹਿੰਡਨਬਰਗ ਦੀ ਰਿਪੋਰਟ ਨਿਕਲੀ ਸਹੀ ਤਾਂ ਚੁਕਾਉਣੀ ਪੈ ਸਕਦੀ ਹੈ ਵੱਡੀ ਕੀਮਤ

ਹਿੰਡਨਬਰਗ ਰਿਸਰਚ ਨੇ ਕਿਹਾ, "ਸਾਡਾ ਮੰਨਣਾ ਹੈ ਕਿ ਭਾਰਤ ਇੱਕ ਜੀਵੰਤ ਲੋਕਤੰਤਰ ਹੈ ਅਤੇ ਇੱਕ ਦਿਲਚਸਪ ਭਵਿੱਖ ਦੇ ਨਾਲ ਇੱਕ ਉੱਭਰਦੀ ਮਹਾਂਸ਼ਕਤੀ ਹੈ। ਅਸੀਂ ਇਹ ਵੀ ਮੰਨਦੇ ਹਾਂ ਕਿ ਭਾਰਤ ਦਾ ਭਵਿੱਖ ਅਡਾਨੀ ਸਮੂਹ ਦੁਆਰਾ ਰੋਕਿਆ ਜਾ ਰਿਹਾ ਹੈ, ਜਿਸ ਨੇ ਦੇਸ਼ ਨੂੰ ਯੋਜਨਾਬੱਧ ਢੰਗ ਨਾਲ ਲੁੱਟਦੇ ਹੋਏ ਆਪਣੇ ਆਪ ਨੂੰ ਤਿਰੰਗੇ ਵਿੱਚ ਲਪੇਟ ਲਿਆ ਹੈ।"

ਅਡਾਨੀ ਗਰੁੱਪ ਤੋਂ ਪੁੱਛੇ 88 ਸਵਾਲ

ਹਿੰਡਨਬਰਗ ਰਿਸਰਚ ਨੇ ਕਿਹਾ ਕਿ ਸਾਡੀ ਰਿਪੋਰਟ 'ਚ ਅਡਾਨੀ ਸਮੂਹ ਨੂੰ 88 ਖਾਸ ਸਵਾਲ ਪੁੱਛੇ ਗਏ ਹਨ। ਜਵਾਬ ਵਿੱਚ ਅਡਾਨੀ ਉਨ੍ਹਾਂ ਵਿੱਚੋਂ 62 ਦਾ ਜਵਾਬ ਦੇਣ ਵਿੱਚ ਅਸਫਲ ਰਿਹਾ। ਦੱਸ ਦੇਈਏ ਕਿ ਅਡਾਨੀ ਸਮੂਹ ਨੇ ਐਤਵਾਰ ਨੂੰ ਹਿੰਡਨਬਰਗ ਰਿਸਰਚ ਰਿਪੋਰਟ ਦਾ ਜਵਾਬ ਦਿੱਤਾ। ਅਡਾਨੀ ਸਮੂਹ ਨੇ ਆਪਣੀਆਂ ਕੰਪਨੀਆਂ ਵਿਰੁੱਧ ਦੋਸ਼ਾਂ ਦੀ ਤੁਲਨਾ "ਭਾਰਤ 'ਤੇ ਯੋਜਨਾਬੱਧ ਹਮਲੇ" ਨਾਲ ਕੀਤੀ।