Who Is Surekha Yadav : ਕੌਣ ਹੈ ਭਾਰਤ ਦੀ ਪਹਿਲੀ ਮਹਿਲਾ ਰੇਲ ਡਰਾਈਵਰ ? ਏਸ਼ੀਆ ਦੀਆਂ ਔਰਤਾਂ ਵੀ ਉਨ੍ਹਾਂ ਤੋਂ ਹਨ ਪਿੱਛੇ , ਕਈ ਪੁਰਸਕਾਰਾਂ ਨਾਲ ਹੋ ਚੁੱਕੇ ਹਨ ਸਨਮਾਨਿਤ

Who Is Surekha Yadav :  ਭਾਰਤੀ ਔਰਤਾਂ ਹਰ ਖੇਤਰ ਵਿੱਚ ਆਪਣੀ ਸਫ਼ਲਤਾ ਦੀਆਂ ਕਹਾਣੀਆਂ ਲਿਖ ਰਹੀਆਂ ਹਨ। ਇਨ੍ਹਾਂ ਔਰਤਾਂ ਵਿੱਚੋਂ ਇੱਕ ਲੋਕੋ ਪਾਇਲਟ ਸੁਰੇਖਾ ਯਾਦਵ ਹੈ, ਜੋ ਨਾ ਸਿਰਫ਼ ਭਾਰਤ ਸਗੋਂ ਏਸ਼ੀਆ ਦੀ ਪਹਿਲੀ ਰੇਲ ਡਰਾਈਵਰ ਹੈ। ਭਾਰਤ ਦੀ ਪਹਿਲੀ ਮਹਿਲਾ ਲੋਕੋ ਪਾਇਲਟ ਸੁਰੇਖਾ ਯਾਦਵ ਨੇ 1988 ਵਿੱਚ ਭਾਰਤੀ ਰੇਲਵੇ ਟਰੇਨ ਦੀ ਡਰਾਈਵਰ ਸੀਟ 'ਤੇ ਬੈਠਣ ਵਾਲੀ ਪਹਿਲੀ ਔਰਤ ਬਣ ਕੇ ਇਤਿਹਾਸ ਰਚਿਆ ਸੀ।

ਸੁਰੇਖਾ ਵੰਦੇ ਭਾਰਤ ਐਕਸਪ੍ਰੈਸ ਟਰੇਨ ਦੀ ਪਹਿਲੀ ਵੀ ਮਹਿਲਾ ਡਰਾਈਵਰ 

ਸੁਰੇਖਾ ਯਾਦਵ ਦੀਆਂ ਪ੍ਰਾਪਤੀਆਂ ਰੇਲਵੇ ਪਟੜੀਆਂ ਤੋਂ ਵੀ ਦੂਰ ਫੈਲੀਆਂ ਹੋਈਆਂ ਹਨ। ਉਨ੍ਹਾਂ ਇਹ ਸੰਦੇਸ਼ ਦਿੱਤਾ ਕਿ ਔਰਤਾਂ ਕਿਸੇ ਵੀ ਖੇਤਰ ਵਿੱਚ ਮਰਦਾਂ ਤੋਂ ਪਿੱਛੇ ਨਹੀਂ ਹਨ। ਸੁਰੇਖਾ ਯਾਦਵ ਦੇਸ਼ ਦੀ ਅਰਧ-ਹਾਈ-ਸਪੀਡ ਵੰਦੇ ਭਾਰਤ ਐਕਸਪ੍ਰੈਸ ਟਰੇਨ ਚਲਾਉਣ ਵਾਲੀ ਪਹਿਲੀ ਮਹਿਲਾ ਲੋਕੋ ਪਾਇਲਟ ਵੀ ਹੈ। 58 ਸਾਲਾ ਸੁਰੇਖਾ ਯਾਦਵ ਕਈ ਤਰੀਕਿਆਂ ਨਾਲ ਇੱਕ ਨਵੀਂ ਮਿਸਾਲ ਹੈ। ਸੁਰੇਖਾ ਯਾਦਵ, ਜੋ ਪੱਛਮੀ ਮਹਾਰਾਸ਼ਟਰ ਖੇਤਰ ਦੇ ਸਤਾਰਾ ਦੀ ਰਹਿਣ ਵਾਲੀ ਹੈ, ਨੇ ਹੁਣ ਤੱਕ ਆਪਣੀਆਂ ਪ੍ਰਾਪਤੀਆਂ ਲਈ ਰਾਜ ਅਤੇ ਰਾਸ਼ਟਰੀ ਪੱਧਰ 'ਤੇ ਕਈ ਪੁਰਸਕਾਰ ਜਿੱਤੇ ਹਨ।

ਕੌਣ ਹੈ ਸੁਰੇਖਾ ਯਾਦਵ?

ਏਸ਼ੀਆ ਦੀ ਪਹਿਲੀ ਮਹਿਲਾ ਰੇਲ ਡਰਾਈਵਰ ਕਿਸੇ ਜਾਣ-ਪਛਾਣ ਦੀ ਲੋੜ ਨਹੀਂ ਹੈ। ਸੁਰੇਖਾ ਦਾ ਜਨਮ 2 ਸਤੰਬਰ 1965 ਨੂੰ ਮਹਾਰਾਸ਼ਟਰ ਦੇ ਸਤਾਰਾ ਜ਼ਿਲ੍ਹੇ ਵਿੱਚ ਹੋਇਆ ਸੀ। ਮੁੱਢਲੀ ਸਿੱਖਿਆ ਤੋਂ ਬਾਅਦ ਉਸ ਨੇ ਵੋਕੇਸ਼ਨਲ ਟਰੇਨਿੰਗ ਕੋਰਸ ਕੀਤਾ। ਸੁਰੇਸ਼ਾ ਨੇ ਇਲੈਕਟ੍ਰੀਕਲ ਇੰਜੀਨੀਅਰਿੰਗ ਵਿੱਚ ਡਿਪਲੋਮਾ ਕੀਤਾ ਹੈ। ਸੁਰੇਖਾ ਪੜ੍ਹਾਈ ਦੌਰਾਨ ਆਪਣੇ ਕਰੀਅਰ ਬਾਰੇ ਸੁਪਨੇ ਦੇਖਦੀ ਸੀ। ਉਹ ਕੁਝ ਵੱਖਰਾ ਕਰਨਾ ਚਾਹੁੰਦੇ ਸੀ। 

ਸੁਰੇਖਾ ਯਾਦਵ ਨੂੰ ਬਚਪਨ ਤੋਂ ਹੀ ਟ੍ਰੇਨਾਂ ਦਾ ਬਹੁਤ ਸ਼ੌਕ ਸੀ। ਜਦੋਂ ਟ੍ਰੇਨ ਡਰਾਈਵਰ ਦੀ ਅਸਾਮੀ ਨਿਕਲੀ ਤਾਂ ਉਸਨੇ ਫਾਰਮ ਭਰਿਆ ਅਤੇ ਸਾਲ 1986 ਵਿੱਚ ਲਿਖਤੀ ਪ੍ਰੀਖਿਆ ਪਾਸ ਕੀਤੀ। ਇਸ ਤੋਂ ਬਾਅਦ ਉਹ ਇੰਟਰਵਿਊ ਵੀ ਪਾਸ ਕਰ ਗਈ। ਸੁਰੇਖਾ ਨੂੰ ਕਲਿਆਣ ਟਰੇਨਿੰਗ ਸਕੂਲ ਵਿੱਚ ਟਰੇਨੀ ਡਰਾਈਵਰ ਵਜੋਂ ਨਿਯੁਕਤ ਕੀਤਾ ਗਿਆ ਸੀ। ਜਿਵੇਂ ਹੀ ਸਿਖਲਾਈ ਪੂਰੀ ਹੋਈ, ਉਸ ਨੂੰ ਸਹਾਇਕ ਲੋਕੋ ਪਾਇਲਟ ਦੇ ਅਹੁਦੇ 'ਤੇ ਤਰੱਕੀ ਦਿੱਤੀ ਗਈ ਅਤੇ ਉਹ ਰੈਗੂਲਰ ਰੇਲ ਡਰਾਈਵਰ ਬਣ ਗਈ। ਸੁਰੇਖਾ ਨੂੰ ਸਭ ਤੋਂ ਪਹਿਲਾਂ ਮਾਲ ਗੱਡੀ ਚਲਾਉਣ ਦਾ ਮੌਕਾ ਮਿਲਿਆ। ਬਾਅਦ ਵਿਚ ਜਦੋਂ ਉਸ ਨੂੰ ਤਰੱਕੀ ਮਿਲੀ ਤਾਂ ਉਹ ਇਕ ਐਕਸਪ੍ਰੈਸ ਟਰੇਨ ਦੀ ਲੋਕੋ ਪਾਇਲਟ ਬਣ ਗਈ।

ਸੁਰੇਖਾ ਯਾਦਵ ਦੀਆਂ ਵੱਡੀਆਂ ਪ੍ਰਾਪਤੀਆਂ

ਭਾਰਤ ਦੀ ਪਹਿਲੀ ਲੇਡੀਜ਼ ਸਪੈਸ਼ਲ ਟਰੇਨ ਡਰਾਈਵਰ

ਅਪ੍ਰੈਲ 2000 ਵਿੱਚ, ਸੁਰੇਖਾ ਨੇ ਕੇਂਦਰੀ ਰੇਲਵੇ ਲਈ ਪਹਿਲੀ "ਲੇਡੀਜ਼ ਸਪੈਸ਼ਲ" ਲੋਕਲ ਟਰੇਨ ਚਲਾਈ, ਜੋ ਤਤਕਾਲੀ ਰੇਲ ਮੰਤਰੀ ਮਮਤਾ ਬੈਨਰਜੀ ਦੀ ਅਗਵਾਈ ਵਿੱਚ ਸ਼ੁਰੂ ਕੀਤੀ ਗਈ ਸੀ। ਇਹ ਉਸਦੇ ਕਰੀਅਰ ਦਾ ਇੱਕ ਮਹੱਤਵਪੂਰਨ ਮੀਲ ਪੱਥਰ ਸੀ।

ਡੇਕਨ ਕੁਈਨ ਰੇਲ ਗੱਡੀ ਚਲਾਉਣ ਵਾਲੀ ਏਸ਼ੀਆ ਦੀ ਪਹਿਲੀ ਔਰਤ

2011 ਵਿੱਚ ਅੰਤਰਰਾਸ਼ਟਰੀ ਮਹਿਲਾ ਦਿਵਸ 'ਤੇ, ਉਸਨੇ ਪੱਛਮੀ ਘਾਟ ਦੇ ਚੁਣੌਤੀਪੂਰਨ ਖੇਤਰ ਨੂੰ ਪਾਰ ਕਰਦੇ ਹੋਏ, ਪੂਨੇ ਤੋਂ ਮੁੰਬਈ ਤੱਕ ਆਈਕਾਨਿਕ ਡੇਕਨ ਕੁਈਨ ਰੇਲ ਗੱਡੀ ਚਲਾਉਣ ਵਾਲੀ ਏਸ਼ੀਆ ਦੀ ਪਹਿਲੀ ਔਰਤ ਬਣ ਕੇ ਇਤਿਹਾਸ ਰਚਿਆ।

ਵੰਦੇ ਭਾਰਤ ਐਕਸਪ੍ਰੈਸ ਪਾਇਲਟ

ਮਾਰਚ 2023 ਵਿੱਚ, ਸੁਰੇਖਾ ਭਾਰਤ ਦੀ ਅਰਧ-ਹਾਈ ਸਪੀਡ ਵੰਦੇ ਭਾਰਤ ਐਕਸਪ੍ਰੈਸ ਨੂੰ ਪਾਇਲਟ ਕਰਨ ਵਾਲੀ ਪਹਿਲੀ ਔਰਤ ਬਣ ਗਈ। ਉਸਨੇ ਸੋਲਾਪੁਰ ਤੋਂ ਛਤਰਪਤੀ ਸ਼ਿਵਾਜੀ ਟਰਮੀਨਲ (CSMT) ਤੱਕ ਰੇਲਗੱਡੀ ਦਾ ਪਾਇਲਟ ਕੀਤਾ, 455 ਕਿਲੋਮੀਟਰ ਦੀ ਦੂਰੀ ਤੈਅ ਕੀਤੀ। ਇਸ ਪ੍ਰਾਪਤੀ ਦਾ ਜ਼ਿਕਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਆਪਣੇ ਮਨ ਕੀ ਬਾਤ ਪ੍ਰੋਗਰਾਮ ਵਿੱਚ ਵੀ ਕੀਤਾ ਸੀ।

ਰੇਲਵੇ ਡਰਾਈਵਰ ਸੁਰੇਖਾ ਯਾਦਵ ਨੂੰ ਦਿੱਤੇ ਪੁਰਸਕਾਰਾਂ ਦੀ ਸੂਚੀ

• ਜੀਜਾਊ ਐਵਾਰਡ- 1998
• ਵੂਮੈਨ ਅਚੀਵਰਸ ਐਵਾਰਡ- 2001
• ਰਾਸ਼ਟਰੀ ਮਹਿਲਾ ਕਮਿਸ਼ਨ ਵੱਲੋਂ ਸਨਮਾਨਿਤ - 2001 
• ਐਸ.ਬੀ.ਆਈ ਪਲੈਟੀਨਮ ਜੁਬਲੀ ਸਾਲ ਦਾ ਜਸ਼ਨ- 2003-2004
• ਸਹਿਯਾਦਰੀ ਹੀਰਕਾਨੀ ਐਵਾਰਡ- 2004
• ਪ੍ਰੇਰਨਾ ਐਵਾਰਡ- 2005
• ਜੀ.ਐਮ. ਐਵਾਰਡ- 2011
• ਵੂਮੈਨ ਅਚੀਵਰਸ ਐਵਾਰਡ- 2011
• RWCC ਸਰਵੋਤਮ ਔਰਤ ਐਵਾਰਡ- 2013

ਇਹ ਵੀ ਪੜ੍ਹੋ : IAF Jaguar Plane Crash : ਭਾਰਤੀ ਏਅਰ ਫੋਰਸ ਦਾ ਫਾਈਟਰ ਜੈਟ ਜੈਗੂਆਰ ਕਰੈਸ਼, ਵਾਲ-ਵਾਲ ਬਚਿਆ ਪਾਇਲਟ