Asia Cup 2025 : ਪਾਕਿਸਤਾਨੀ ਕ੍ਰਿਕਟ ਟੀਮ ਦਾ ਅਪ੍ਰੇਸ਼ਨ ਸਿੰਦੂਰ ਤੇ ਵੱਡਾ ਐਲਾਨ, ਜਾਣੋ ਕਪਤਾਨ ਸਲਮਾਨ ਨੇ ਕੀ ਕਿਹਾ ?

Pahalgam Attack : ਏਸ਼ੀਆ ਕੱਪ 2025 ਦਾ ਖਿਤਾਬ ਜਿੱਤਣ ਤੋਂ ਬਾਅਦ, ਭਾਰਤੀ ਕਪਤਾਨ ਸੂਰਿਆਕੁਮਾਰ ਯਾਦਵ ਨੇ ਐਲਾਨ ਕੀਤਾ ਕਿ ਉਹ ਏਸ਼ੀਆ ਕੱਪ ਦੇ ਸਾਰੇ ਮੈਚਾਂ ਲਈ ਆਪਣੀ ਮੈਚ ਫੀਸ ਭਾਰਤੀ ਫੌਜ ਅਤੇ ਪਹਿਲਗਾਮ ਅੱਤਵਾਦੀ ਹਮਲੇ (Pehalgam Terroritst Attack) ਦੇ ਪੀੜਤਾਂ ਦੇ ਪਰਿਵਾਰਾਂ ਨੂੰ ਦਾਨ ਕਰਨਗੇ। ਇਸ ਦੌਰਾਨ, ਪਾਕਿਸਤਾਨ ਦੇ ਕਪਤਾਨ ਸਲਮਾਨ ਅਲੀ ਆਗਾ ਨੇ ਵੀ ਐਲਾਨ ਕੀਤਾ ਕਿ ਉਹ ਅਤੇ ਉਨ੍ਹਾਂ ਦੇ ਸਾਥੀ ਆਪਣੀ ਏਸ਼ੀਆ ਕੱਪ ਮੈਚ ਫੀਸ ਭਾਰਤ ਦੇ ਆਪ੍ਰੇਸ਼ਨ ਸਿੰਦੂਰ ਤੋਂ ਪ੍ਰਭਾਵਿਤ "ਨਾਗਰਿਕਾਂ ਅਤੇ ਬੱਚਿਆਂ" ਨੂੰ ਦਾਨ ਕਰਨਗੇ। ਇਹ ਫੈਸਲਾ ਭਾਰਤੀ ਕਪਤਾਨ ਸੂਰਿਆਕੁਮਾਰ ਯਾਦਵ ਵੱਲੋਂ ਆਪਣੀ ਪੂਰੀ ਟੂਰਨਾਮੈਂਟ ਮੈਚ ਫੀਸ ਦੇਸ਼ ਦੀਆਂ ਹਥਿਆਰਬੰਦ ਫੌਜਾਂ ਅਤੇ ਪਹਿਲਗਾਮ ਅੱਤਵਾਦੀ ਹਮਲੇ ਦੇ ਪੀੜਤਾਂ ਨੂੰ ਦਾਨ ਕਰਨ ਦੇ ਆਪਣੇ ਫੈਸਲੇ ਦਾ ਐਲਾਨ ਕਰਨ ਤੋਂ ਬਾਅਦ ਆਇਆ ਹੈ। ਸੂਰਿਆਕੁਮਾਰ ਦੀ ਟੀਮ ਨੇ ਸਲਮਾਨ ਆਗਾ ਦੀ ਅਗਵਾਈ ਵਿੱਚ ਪਾਕਿਸਤਾਨ ਨੂੰ ਹਰਾਇਆ।

ਮੈਚ ਤੋਂ ਬਾਅਦ ਦੀ ਪ੍ਰੈਸ ਕਾਨਫਰੰਸ ਵਿੱਚ ਆਗਾ ਨੇ ਕਿਹਾ, "ਇੱਕ ਟੀਮ ਦੇ ਰੂਪ ਵਿੱਚ, ਅਸੀਂ ਆਪਣੀ ਮੈਚ ਫੀਸ ਭਾਰਤੀ ਹਮਲੇ ਤੋਂ ਪ੍ਰਭਾਵਿਤ ਨਾਗਰਿਕਾਂ ਅਤੇ ਬੱਚਿਆਂ ਨੂੰ ਦਾਨ ਕਰਨ ਦਾ ਫੈਸਲਾ ਕੀਤਾ ਹੈ।"

ਸਲਮਾਨ ਅਲੀ ਆਘਾ ਨੇ ਭਾਰਤੀ ਖਿਡਾਰੀਆਂ ਦੇ ਵਾਰ-ਵਾਰ ਉਨ੍ਹਾਂ ਨਾਲ ਹੱਥ ਮਿਲਾਉਣ ਤੋਂ ਇਨਕਾਰ ਕਰਨ ਨੂੰ "ਨਿਰਾਸ਼ਾਜਨਕ" ਕਿਹਾ ਅਤੇ ਸੂਰਿਆਕੁਮਾਰ ਅਤੇ ਹੋਰਾਂ 'ਤੇ ਖੇਡ ਦਾ ਨਿਰਾਦਰ ਕਰਨ ਦਾ ਦੋਸ਼ ਲਗਾਇਆ।

ਪਾਕਿਸਤਾਨ ਦੇ ਕਪਤਾਨ ਸਲਮਾਨ ਅਲੀ ਨੇ ਕਿਹਾ, "ਭਾਰਤ ਨੇ ਇਸ ਟੂਰਨਾਮੈਂਟ ਵਿੱਚ ਜੋ ਕੀਤਾ ਹੈ ਉਹ ਬਹੁਤ ਨਿਰਾਸ਼ਾਜਨਕ ਹੈ। ਹੱਥ ਨਾ ਮਿਲਾ ਕੇ, ਉਹ ਨਾ ਸਿਰਫ਼ ਸਾਡਾ ਨਿਰਾਦਰ ਕਰ ਰਹੇ ਹਨ, ਸਗੋਂ ਕ੍ਰਿਕਟ ਦਾ ਨਿਰਾਦਰ ਕਰ ਰਹੇ ਹਨ।"

ਪਾਕਿਸਤਾਨੀ ਕਪਤਾਨ ਨੇ ਇਹ ਵੀ ਕਿਹਾ, "ਚੰਗੀਆਂ ਟੀਮਾਂ ਅੱਜ ਅਜਿਹਾ ਨਹੀਂ ਕਰਦੀਆਂ। ਅਸੀਂ ਟਰਾਫੀ ਨਾਲ ਇਕੱਲੇ ਪੋਜ਼ ਦੇਣ ਗਏ ਸੀ ਕਿਉਂਕਿ ਅਸੀਂ ਆਪਣਾ ਫਰਜ਼ ਪੂਰਾ ਕਰਨਾ ਚਾਹੁੰਦੇ ਸੀ। ਅਸੀਂ ਉੱਥੇ ਖੜ੍ਹੇ ਹੋਏ ਅਤੇ ਆਪਣੇ ਤਗਮੇ ਪ੍ਰਾਪਤ ਕੀਤੇ। ਮੈਂ ਸਖ਼ਤ ਸ਼ਬਦਾਂ ਦੀ ਵਰਤੋਂ ਨਹੀਂ ਕਰਨਾ ਚਾਹੁੰਦਾ, ਪਰ ਉਨ੍ਹਾਂ ਨੇ ਬਹੁਤ ਨਿਰਾਦਰ ਵਾਲਾ ਵਿਵਹਾਰ ਕੀਤਾ।"