Nobel Prize 2022: ਤਿੰਨ ਵਿਗਿਆਨੀਆਂ ਨੂੰ ਦਿੱਤਾ ਜਾਵੇਗਾ ਭੌਤਿਕ ਵਿਗਿਆਨ ਦਾ ਨੋਬਲ ਪੁਰਸਕਾਰ
ਸਟਾਕਹੋਮ: ਭੌਤਿਕ ਵਿਗਿਆਨ ਦੇ ਨੋਬਲ ਪੁਰਸਕਾਰ ਦਾ ਐਲਾਨ ਹੋ ਗਿਆ ਹੈ। 2022 ਦਾ ਨੋਬਲ ਪੁਰਸਕਾਰ ਤਿੰਨ ਵਿਗਿਆਨੀਆਂ ਨੂੰ ਮਿਲੇਗਾ। ਰਾਇਲ ਸਵੀਡਿਸ਼ ਅਕੈਡਮੀ ਆਫ਼ ਸਾਇੰਸਿਜ਼ ਨੇ ਅਲਾਈ ਐਸਪੇ, ਜੌਹਨ ਐਫ ਕਲੌਸਰ ਅਤੇ ਐਂਟਨ ਸਿਲਿੰਗਰ ਨੂੰ ਪੁਰਸਕਾਰ ਦੇਣ ਦਾ ਐਲਾਨ ਕੀਤਾ।
ਕੁਆਂਟਮ ਸੂਚਨਾ ਵਿਗਿਆਨ ਦੀ ਇੱਕ ਮਹੱਤਵਪੂਰਨ ਵਰਤੋਂ ਦੀ ਇੱਕ ਉਦਾਹਰਨ 'ਇਨਕ੍ਰਿਪਸ਼ਨ' ਹੈ। ਧਿਆਨਯੋਗ ਹੈ ਕਿ 'ਇਨਕ੍ਰਿਪਸ਼ਨ' ਇੱਕ ਅਜਿਹਾ ਤਰੀਕਾ ਹੈ ਜਿਸ ਰਾਹੀਂ ਜਾਣਕਾਰੀ ਨੂੰ ਇੱਕ ਗੁਪਤ ਕੋਡ ਵਿੱਚ ਬਦਲਿਆ ਜਾਂਦਾ ਹੈ ਜੋ ਜਾਣਕਾਰੀ ਦੇ ਸਹੀ ਅਰਥਾਂ ਨੂੰ ਛੁਪਾਉਂਦਾ ਹੈ।
ਨੋਬਲ ਕਮੇਟੀ ਦੀ ਮੈਂਬਰ ਈਵਾ ਓਲਸਨ ਨੇ ਕਿਹਾ ਕਿ ਕੁਆਂਟਮ ਸੂਚਨਾ ਵਿਗਿਆਨ ਇੱਕ ਜੀਵੰਤ ਅਤੇ ਤੇਜ਼ੀ ਨਾਲ ਵਿਕਾਸ ਕਰਨ ਵਾਲਾ ਖੇਤਰ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ ਇਸ ਵਿੱਚ ਜਾਣਕਾਰੀ ਦੇ ਸੁਰੱਖਿਅਤ ਟ੍ਰਾਂਸਫਰ, ਕੁਆਂਟਮ ਕੰਪਿਊਟਿੰਗ ਅਤੇ ਸੈਂਸਿੰਗ ਤਕਨਾਲੋਜੀ ਵਰਗੇ ਖੇਤਰਾਂ ਵਿੱਚ ਵਿਆਪਕ ਵਰਤੋਂ ਦੀ ਸੰਭਾਵਨਾ ਹੈ। ਇਸਦੀਆਂ ਜੜ੍ਹਾਂ ਕੁਆਂਟਮ ਮਕੈਨਿਕਸ ਵਿੱਚ ਵਾਪਸ ਜਾਂਦੀਆਂ ਹਨ। ਈਵਾ ਨੇ ਕਿਹਾ ਹੈ ਕਿ ਅਨੁਮਾਨਾਂ ਨੇ ਇੱਕ ਹੋਰ ਸੰਸਾਰ ਲਈ ਦਰਵਾਜ਼ੇ ਖੋਲ੍ਹ ਦਿੱਤੇ ਹਨ ਅਤੇ ਇਸ ਨੇ ਮਾਪ ਦੀ ਸਾਡੀ ਵਿਆਖਿਆ ਦੀ ਪੂਰੀ ਬੁਨਿਆਦ ਨੂੰ ਹਿਲਾ ਦਿੱਤਾ ਹੈ।
ਇਹ ਵੀ ਪੜ੍ਹੋ:ਝੋਨੇ ਦੀ ਖਰੀਦ ਵਿੱਚ ਕਿਸਾਨਾਂ ਨੂੰ ਨਹੀਂ ਪੇਸ਼ ਆਉਣ ਦਿੱਤੀ ਜਾਵੇਗੀ ਕੋਈ ਦਿੱਕਤ: ਧਾਲੀਵਾਲ
-PTC News