PM ਮੋਦੀ ਅੱਜ ਪੇਸ਼ ਕਰਨਗੇ 35 ਨਵੀਂਆਂ ਫਸਲਾਂ ਦੀਆਂ ਕਿਸਮਾਂ, ਵੇਖੋ ਲਿਸਟ
ਨਵੀਂ ਦਿੱਲੀ: ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਦੇਸ਼ ਦੇ ਖੇਤੀਬਾੜੀ ਜਗਤ ਨੂੰ ਇੱਕ ਵੱਡਾ ਤੋਹਫ਼ਾ ਦੇਣਗੇ। ਅੱਜ ਫਸਲਾਂ ਦੀਆਂ 35 ਨਵੀਆਂ ਕਿਸਮਾਂ ਦੇਸ਼ ਨੂੰ ਸਮਰਪਿਤ ਕਰਨਗੇ। ਇਸ ਦੇ ਨਾਲ ਹੀ ਰਾਸ਼ਟਰੀ ਬਾਇਓਟਿਕ ਤਣਾਅ ਸਹਿਣਸ਼ੀਲਤਾ ਰਾਏਪੁਰ ਦੇ ਨਵੇਂ ਕੈਂਪਸ ਦਾ ਵੀ ਪ੍ਰਧਾਨ ਮੰਤਰੀ ਵਲੋਂ ਉਦਘਾਟਨ ਕੀਤਾ ਜਾਵੇਗਾ। ਇਹ ਪ੍ਰੋਗਰਾਮ ਅੱਜ ਸਵੇਰੇ 11 ਵਜੇ ਸ਼ੁਰੂ ਹੋਵੇਗਾ ਅਤੇ ਪੀਐਮ ਮੋਦੀ ਵੀਡੀਓ ਕਾਨਫਰੰਸਿੰਗ ਰਾਹੀਂ ਇਸ ਵਿੱਚ ਹਿੱਸਾ ਲੈਣਗੇ।
ਇਸ ਦੇ ਨਾਲ ਹੀ PM ਮੋਦੀ ਦੁਨੀਆ ਭਰ ਦੇ ਦੇਸ਼ਾਂ ਨੂੰ ਜਲਵਾਯੂ ਪਰਿਵਰਤਨ ਨਾਲ ਨਜਿੱਠਣ ਦੀ ਅਪੀਲ ਕਰਦੇ ਰਹਿੰਦੇ ਹਨ। ਭਾਰਤ 'ਚ ਜਲਵਾਯੂ ਦੇ ਅਨੁਕੂਲ ਤਕਨਾਲੋਜੀ ਅਪਣਾਉਣ ਬਾਰੇ ਜਾਗਰੂਕਤਾ ਫੈਲਾਉਂਦੇ ਰਹੇ ਹਨ। ਇਨ੍ਹਾਂ ਕੋਸ਼ਿਸ਼ਾਂ ਦੇ ਤਹਿਤ ਮੰਗਲਵਾਰ (28 ਸਤੰਬਰ) ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸਵੇਰੇ 11 ਵਜੇ ਵਿਸ਼ੇਸ਼ ਗੁਣਾਂ ਵਾਲੀਆਂ 35 ਕਿਸਮਾਂ ਦੀਆਂ ਫਸਲਾਂ ਰਾਸ਼ਟਰ ਨੂੰ ਸਮਰਪਿਤ ਕਰਨਗੇ।
ਪ੍ਰਧਾਨ ਮੰਤਰੀ ਦਫਤਰ ਤੋਂ ਹਾਸਲ ਜਾਣਕਾਰੀ ਮੁਤਾਬਕ, ਪ੍ਰਧਾਨ ਮੰਤਰੀ ਦੇ ਰਾਸ਼ਟਰੀ ਜੀਵ ਵਿਗਿਆਨਕ ਤਣਾਅ ਪ੍ਰਬੰਧਨ ਸੰਸਥਾ, ਰਾਏਪੁਰ ਦੇ ਨਵੇਂ ਬਣੇ ਕੈਂਪਸ, ਸਾਰੇ ਆਈਸੀਏਆਰ ਸੰਸਥਾਨਾਂ, ਸੂਬੇ ਅਤੇ ਕੇਂਦਰੀ ਖੇਤੀਬਾੜੀ ਯੂਨੀਵਰਸਿਟੀਆਂ ਅਤੇ ਕ੍ਰਿਸ਼ੀ ਵਿਗਿਆਨ ਕੇਂਦਰਾਂ (ਕੇਵੀਕੇ) ਵਿੱਚ ਵੀਡੀਓ ਕਾਨਫਰੰਸਿੰਗ ਰਾਹੀਂ ਆਯੋਜਿਤ ਇਸ ਪ੍ਰੋਗਰਾਮ ਦੌਰਾਨ ਰਾਸ਼ਟਰ ਨੂੰ ਸਮਰਪਿਤ ਕਰਨਗੇ।
ਇਹ ਫਸਲਾਂ ਹਨ ਸ਼ਾਮਿਲ
ਇਨ੍ਹਾਂ ਵਿੱਚ ਸੋਕਾ ਸਹਿਣਸ਼ੀਲ ਛੋਲਿਆਂ ਦੀਆਂ ਕਿਸਮਾਂ, ਵਿਲਟ ਅਤੇ ਸਟੀਰਿਲਟੀ ਮੋਜ਼ੈਕ ਰੋਧਕ ਤੂਰ, ਛੇਤੀ ਪੱਕਣ ਵਾਲੀ ਸੋਇਆਬੀਨ ਦੀਆਂ ਕਿਸਮਾਂ, ਰੋਗ ਪ੍ਰਤੀਰੋਧੀ ਚੌਲਾਂ ਦੀਆਂ ਕਿਸਮਾਂ ਅਤੇ ਕਣਕ, ਬਾਜਰਾ, ਮੱਕੀ, ਛੋਲਿਆਂ, ਕੁਇਨੋਆ, ਬਕਵੀਟ, ਵਿੰਗਡ ਬੀਨ ਅਤੇ ਫਾਬਾ ਬੀਨ ਦੀਆਂ ਬਾਇਓਫੋਰਟਿਫਾਈਡ ਕਿਸਮਾਂ ਸ਼ਾਮਲ ਹਨ।
-PTC News