ਰੋਪੜ ਦੀਆਂ ਇਹਨਾਂ ਖਿਡਾਰਨਾਂ ਨੇ ਕਤਰ 'ਚ ਗੱਡੇ ਜਿੱਤ ਦੇ ਝੰਡੇ, ਸ਼ੂਟਿੰਗ ਖੇਡ 'ਚ ਹਾਸਲ ਕੀਤੇ ਮੈਡਲ
ਰੋਪੜ ਦੀਆਂ ਇਹਨਾਂ ਖਿਡਾਰਨਾਂ ਨੇ ਕਤਰ 'ਚ ਗੱਡੇ ਜਿੱਤ ਦੇ ਝੰਡੇ, ਸ਼ੂਟਿੰਗ ਖੇਡ 'ਚ ਹਾਸਲ ਕੀਤੇ ਮੈਡਲ,ਰੋਪੜ: ਰੋਪੜ ਦੀਆਂ ਦੋ ਲੜਕੀਆਂ ਨੇ ਸ਼ੂਟਿੰਗ ਦੀ ਖੇਡ 'ਚ ਭਾਰਤ ਦਾ ਨਾਮ ਰੌਸ਼ਨ ਕੀਤਾ ਹੈ। ਪਿਛਲੇ ਦਿਨੀਂ ਕਤਰ 'ਚ ਹੋਈ 14ਵੀ ਏਸ਼ੀਅਨ ਸ਼ੂਟਿੰਗ ਚੈਪੀਅਨਸ਼ਿਪ 'ਚ ਇਹਨਾਂ ਖਿਡਾਰਨਾਂ ਨੇ ਮੈਡਲ ਜਿੱਤ ਕੇ ਪੰਜਾਬ ਅਤੇ ਮਾਪਿਆਂ ਦਾ ਨਾਮ ਦੁਨੀਆ ਭਰ 'ਚ ਰੌਸ਼ਨ ਕਰ ਦਿੱਤਾ ਹੈ।
ਇਹਨਾਂ ਦੋਹਾਂ ਖਿਡਾਰਨਾਂ ਵਿੱਚੋਂ ਖਿਡਾਰਨ ਜੈਸਮੀਨ ਕੋਰ ਨੇ 10 ਮੀਟਰ ਏਅਰ ਰਾਈਫਲ ਯੂਥ ਸੀਨੀਅਰ ਕੈਟਾਗਰੀ ਵਿੱਚ ਗੋਲਡ ਮੈਡਲ ਜਿੱਤਿਆ ਜਦ ਕਿ ਖ਼ੁਸ਼ੀ ਸੈਣੀ ਨੇ 10 ਮੀਟਰ ਏਅਰ ਰਾਈਫਲ ਜੂਨੀਅਰ ਕੈਟਾਗਰੀ ਵਿੱਚ ਕਾਂਸੀ ਦਾ ਮੈਡਲ ਹਾਸਲ ਕਰ ਇਹ ਸਾਬਤ ਕਰ ਦਿੱਤਾ ਕਿ ਉਹ ਲੜਕਿਆਂ ਤੋਂ ਘੱਟ ਨਹੀਂ ਹਨ।
ਹੋਰ ਪੜ੍ਹੋ: ਕੈਨੇਡਾ 'ਚ ਪੰਜਾਬ ਦੇ ਕਿਸਾਨ ਨੇ ਕਰਵਾਈ ਬੱਲੇ-ਬੱਲੇ, ਰਚਿਆ ਇਤਿਹਾਸ, ਪੜ੍ਹੋ ਪੂਰੀ ਖਬਰ
ਉਧਰ ਰੋਪੜ ਵਾਸੀਆਂ ਵਲੋਂ ਦੋਹਾਂ ਖਿਡਾਰਨਾਂ ਦਾ ਗਰਮਜੋਸ਼ੀ ਨਾਲ ਸਵਾਗਤ ਕੀਤਾ ਗਿਆ ਤੇ ਸ਼ਹਿਰ 'ਚ ਵਿਕਟਰੀ ਮਾਰਚ ਵੀ ਕੱਢਿਆ ਗਿਆ।ਇਹਨਾਂ ਖਿਡਾਰਨਾਂ, ਮਾਪਿਆਂ ਤੇ ਸਥਾਨਕ ਲੋਕਾਂ ਨੂੰ ਦੋਹਾਂ ਦੀ ਸਫਲਤਾ 'ਤੇ ਮਾਣ ਹੈ ਤੇ ਇਹ ਬਾਕੀ ਲੜਕੀਆ ਨੂੰ ਵੀ ਖੇਡਾਂ ਵਿੱਚ ਵੱਧ ਚੜ ਕੇ ਹਿੱਸਾ ਲੈਣ ਦੇ ਪ੍ਰੇਰਿਤ ਕਰ ਰਹੇ ਹਨ।
ਜਿੱਤ ਦੇ ਝੰਡੇ ਗੱਡ ਕੇ ਭਾਰਤ ਦਾ ਨਾਮ ਰੋਸ਼ਨ ਕਰ ਭਾਰਤ ਪਹੁੰਚਣ ਤੇ ਭਾਵੇਂ ਕਿ ਸਕੂਲ ਦੇ ਅਧਿਆਪਕਾ,ਕੋਚਾਂ ਅਤੇ ਸਥਾਨਕ ਲੋਕਾਂ ਨੇ ਵੀ ਇਨਾ ਖਿਡਾਰਨਾਂ ਦਾ ਪਲਕਾਂ ਵਿਛਾ ਕੇ ਗਰਮਜੋਸ਼ੀ ਦੇ ਨਾਲ ਸਵਾਗਤ ਕੀਤਾ ਪਰ ਸਰਕਾਰ ਅਤੇ ਸਥਾਨਕ ਪ੍ਰਸ਼ਾਸਨ ਇਹਨਾਂ ਖਿਡਾਰਨਾਂ ਦੀ ਹੋਂਸਲਾ ਅਫਜਾਈ ਕਰਨ ਤੇ ਸਵਾਗਤ ਕਰਨ ਦੇ ਲਈ ਕਿਧਰੇ ਨਜ਼ਰ ਨਹੀਂ ਆਏ।
-PTC News