ਤਰਨਤਾਰਨ ਦੇ ਸੈਵਨ ਸਟਾਰ ਹੋਟਲ ਦੇ ਗਾਰਡ ਦਾ ਹੋਇਆ ਬੇਰਹਿਮੀ ਨਾਲ ਕਤਲ
Joshi
July 15th 2018 12:20 PM --
Updated:
July 15th 2018 02:04 PM
ਤਰਨਤਾਰਨ ਦੇ ਸੈਵਨ ਸਟਾਰ ਹੋਟਲ ਦੇ ਗਾਰਡ ਦਾ ਕੀਤਾ ਗਿਆ ਬੇਰਹਿਮੀ ਨਾਲ ਕਤਲ
ਤਰਨਤਾਰਨ ਦੇ ਹੋਟਲ ਸੈਵਨ ਸਟਾਰ 'ਚ ਇੱਕ ਵੱਡੀ ਘਟਨਾ ਵਾਪਰਨ ਦੀ ਖਬਰ ਹੈ। ਇੱਥੇ ਹੋਟਲ ਦੇ ਇਕ ਗਾਰਡ ਦਾ ਬੇਰਹਿਮੀ ਨਾਲ ਕਤਲ ਕੀਤਾ ਗਿਆ ਹੈ, ਜਿਸ ਤੋਂ ਬਾਅਦ ਇਲਾਕੇ 'ਚ ਦਹਿਸ਼ਤ ਦਾ ਮਾਹੌਲ ਹੈ।
ਤਰਨ ਤਾਰਨ ਸਥਿਤ ਹੋਟਲ ਸੈਵਨ ਸਟਾਰ ਦੇ ਚੋਂਕੀਦਾਰ ਦਾ ਹੋਟਲ ਦੇ ਹੀ ਦੋ ਨਵੇ ਆਏ ਕਰਮਚਾਰੀਆਂ ਵੱਲੋਂ ਕਤਲ ਕੀਤਾ ਗਿਆ ਹੈ।
ਕਾਤਲ ਬੇਸਬਾਲ ਦੀ ਮਦਦ ਨਾਲ ਚੋਂਕੀਦਾਰ ਦਾ ਕਤਲ ਕਰ ਉਸਦੀ ਰਾਈਫਲ ਗੋਲੀਆਂ ਵਾਲਾ ਪੱਟਾ ਅਤੇ ਹੋਟਲ ਮਾਲਕ ਦੀ ਗੱਡੀ ਲੈ ਕੇ ਮੌਕੇ ਤੋਂ ਫਰਾਰ ਹੋ ਗਏ।
ਚੋਕੀਦਾਰ ਦੇ ਕਤਲ ਦਾ ਰਾਜ ਉਥੇ ਲੱਗੇ ਸੀ.ਸੀ.ਟੀ.ਵੀ ਕੈਮਰਿਆਂ ਨੇ ਖੋਲਿਆਂ, ਜਿਸ ਵਿੱਚ ਹੋਟਲ ਦੇ ਦੋਵੇਂ ਕਰਮਚਾਰੀ ਮੌਕੇ ਤਂੋ ਰਾਈਫਲ ਲੈ ਕੇ ਗੱਡੀ 'ਤੇ ਫਰਾਰ ਹੁੰਦੇ ਦਿਖਾਈ ਦਿੰਦੇ ਹਨ।
ਮਿਲੀ ਜਾਣਕਾਰੀ ਮੁਤਾਬਕ, ਘਟਨਾ ਦਾ ਪਤਾ ਲੱਗਦਿਆਂ ਹੀ ਪੁਲਸ ਮੌਕੇ 'ਤੇ ਪਹੁੰਚ ਗਈ ਹੈ ਅਤੇ ਲਾਸ਼ ਨੂੰ ਕਬਜ਼ੇ 'ਚ ਲੈ ਲਿਆ ਗਿਆ ਹੈ।
ਮਾਮਲੇ ਦੀ ਜਾਂਚ ਜਾਰੀ ਹੈ।
—PTC News