ਨਵੀਂ ਦਿੱਲੀ : ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਊਧਵ ਠਾਕਰੇ ਨੇ ਐਨਸੀਬੀ 'ਤੇ ਸਵਾਲ ਉਠਾਏ ਹਨ। ਮੁੱਖ ਮੰਤਰੀ ਊਧਵ ਠਾਕਰੇ ਨੇ ਕਿਹਾ ਕਿ ਮਹਾਰਾਸ਼ਟਰ ਵਿੱਚ ਐਨਸੀਬੀ ਸਿਰਫ ਮਸ਼ਹੂਰ ਹਸਤੀਆਂ 'ਤੇ ਨਜ਼ਰ ਰੱਖਦੀ ਹੈ। ਉਨ੍ਹਾਂ ਨੂੰ ਫੜਦਾ ਹੈ ਅਤੇ ਫਿਰ ਉਨ੍ਹਾਂ ਨਾਲ ਤਸਵੀਰਾਂ ਖਿੱਚਦਾ ਹੈ, ਹੋਰ ਕਿਤੇ ਕੋਈ ਕਾਰਵਾਈ ਕਿਉਂ ਨਹੀਂ ਹੁੰਦੀ?
ਮੁੰਬਈ ਡਰੱਗਜ਼ ਮਾਮਲੇ 'ਚ ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਊਧਵ ਠਾਕਰੇ ਨੇ NCB 'ਤੇ ਕਸਿਆ ਤੰਜ
ਮੁੰਬਈ ਡਰੱਗਜ਼ ਮਾਮਲੇ ਵਿੱਚ ਮੁੱਖ ਮੰਤਰੀ ਊਧਵ ਠਾਕਰੇ ਨੇ ਕਿਹਾ ਕਿ ਕੀ ਨਸ਼ੇ ਲੈਣ ਦੀਆਂ ਘਟਨਾਵਾਂ ਸਿਰਫ ਮਹਾਰਾਸ਼ਟਰ ਵਿੱਚ ਵਾਪਰ ਰਹੀਆਂ ਹਨ। ਗੁਜਰਾਤ ਦੇ ਮੁੰਦਰਾ ਹਵਾਈ ਅੱਡੇ 'ਤੇ ਕਰੋੜਾਂ ਰੁਪਏ ਦੀ ਡਰੱਗ ਮਿਲੀ ਹੈ , ਜਦੋਂ ਕਿ ਐਨਸੀਬੀ ਸਿਰਫ ਗਾਂਜੇ ਦੀਆਂ ਪੁੜੀਆਂ ਫੜਨ ਵਿੱਚ ਰੁੱਝੀ ਹੋਈ ਹੈ।
ਮੁੰਬਈ ਡਰੱਗਜ਼ ਮਾਮਲੇ 'ਚ ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਊਧਵ ਠਾਕਰੇ ਨੇ NCB 'ਤੇ ਕਸਿਆ ਤੰਜ
ਸਵਾਲ ਉਠਾਉਂਦੇ ਹੋਏ ਊਧਵ ਠਾਕਰੇ ਨੇ ਕਿਹਾ ਕਿ ਮਹਾਰਾਸ਼ਟਰ ਪੁਲਿਸ 150 ਕਰੋੜ ਰੁਪਏ ਤੱਕ ਦੀ ਡਰੱਗ ਫੜਦੀ ਹੈ। ਉਸੇ ਸਮੇਂ ਐਨਸੀਬੀ ਮਸ਼ਹੂਰ ਹਸਤੀਆਂ ਨੂੰ ਫ਼ੜ ਕੇ ਉਨ੍ਹਾਂ ਤੋਂ ਗਾਂਜੇ ਦੀਆਂ ਪੁੜੀਆਂ ਬਰਾਮਦ ਕਰਨ ਦਾ ਦਾਅਵਾ ਕਰਦੀ ਹੈ। ਐਨਸੀਬੀ ਸਿਰਫ ਮਸ਼ਹੂਰ ਹਸਤੀਆਂ ਨੂੰ ਫੜਨ ਵਿੱਚ ਰੁੱਝੀ ਹੋਈ ਹੈ ਕਿਉਂਕਿ ਇਸ ਨਾਲ ਫੋਟੋਆਂ ਖਿਚਵਾਉਣ ਦਾ ਮੌਕਾ ਮਿਲਦਾ ਹੈ ਅਤੇ ਸੁਰਖੀਆਂ ਮਿਲਦੀ ਹੈ।
ਮੁੰਬਈ ਡਰੱਗਜ਼ ਮਾਮਲੇ 'ਚ ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਊਧਵ ਠਾਕਰੇ ਨੇ NCB 'ਤੇ ਕਸਿਆ ਤੰਜ
ਤੁਹਾਨੂੰ ਦੱਸ ਦੇਈਏ ਕਿ ਕੁਝ ਦਿਨ ਪਹਿਲਾਂ NCB ਨੇ ਕੁਝ ਹਾਈ ਪ੍ਰੋਫਾਈਲ ਲੋਕਾਂ ਤੋਂ ਡਰੱਗਜ਼ ਫੜਨ ਦਾ ਦਾਅਵਾ ਕੀਤਾ ਸੀ। ਇਨ੍ਹਾਂ ਵਿੱਚ ਬਾਲੀਵੁੱਡ ਸਟਾਰ ਸ਼ਾਹਰੁਖ ਖਾਨ ਦਾ ਬੇਟਾ ਆਰੀਅਨ ਖਾਨ ਵੀ ਸ਼ਾਮਲ ਹੈ। ਆਰੀਅਨ ਨੂੰ ਅਜੇ ਜ਼ਮਾਨਤ ਮਿਲਣੀ ਬਾਕੀ ਹੈ। ਉਹ ਅਜੇ ਵੀ ਜੇਲ੍ਹ ਵਿੱਚ ਹੈ। ਇਸ ਮਾਮਲੇ ਨੇ ਕਾਫੀ ਸੁਰਖੀਆਂ ਬਟੋਰੀਆਂ ਹਨ। ਸ਼ਿਵ ਸੈਨਾ ਇਸ ਕਾਰਵਾਈ 'ਤੇ ਸਵਾਲ ਉਠਾ ਰਹੀ ਹੈ।
-PTCNews