ਪਰਾਲੀ ਨਾ ਸਾੜਨ ਵਾਲੇ ਪਿੰਡਾਂ ਦਾ ਕੀਤਾ ਜਾਵੇਗਾ ਵਿਸ਼ੇਸ਼ ਵਿਕਾਸ: ਧਾਲੀਵਾਲ
Pardeep Singh
October 16th 2022 06:40 PM --
Updated:
October 16th 2022 06:45 PM
ਅਜਨਾਲਾ : ਪਰਾਲੀ ਨੂੰ ਬਿਨ੍ਹਾਂ ਸਾੜੇ ਖੇਤਾਂ ਵਿੱਚ ਵਾਹੁਣ ਜਾਂ ਪਸ਼ੂ ਧੰਨ ਲਈ ਸਾਂਭਣ ਵਾਸਤੇ ਜੋ ਪੰਚਾਇਤਾਂ ਅੱਗੇ ਆ ਕੇ ਸਾਰੇ ਪਿੰਡ ਦੇ ਖੇਤਾਂ ਨੂੰ ਅੱਗ ਤੋਂ ਦੂਰ ਰੱਖਣਗੀਆਂ ਉਨ੍ਹਾਂ ਪਿੰਡਾਂ ਦਾ ਵਿਕਾਸ ਤਰਜੀਹ ਅਧਾਰ ਉੱਤੇ ਕੀਤਾ ਜਾਵੇਗਾ। ਪੰਚਾਇਤ ਮੰਤਰੀ ਕੁਲਦੀਪ ਸਿੰਘ ਧਾਲੀਵਾਲ ਨੇ ਅਜਨਾਲਾ ਦੇ ਸੂਰਾਪੁਰ ਪਿੰਡ ਦੇ ਨੌਜਵਾਨ ਕਿਸਾਨ ਅੰਮ੍ਰਿਤਪਾਲ ਸਿੰਘ ਅਤੇ ਜੋਬਨ, ਜੋ ਕਿ ਪਰਾਲੀ ਦੀ ਰੀਪਰ ਨਾਲ ਤੂੜੀ ਬਣਾ ਕੇ ਸਾਂਭ ਰਹੇ ਸਨ ਦਾ ਸਨਮਾਨ ਕਰਨ ਲਈ ਖੇਤ ਵਿੱਚ ਪੁੱਜਣ ਮੌਕੇ ਕੀਤਾ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਨੌਜਵਾਨਾਂ ਦੀ ਤਰ੍ਹਾਂ ਜੋ ਵੀ ਪਿੰਡ ਇਸ ਤਰ੍ਹਾਂ ਪਰਾਲੀ ਦੀ ਸੰਭਾਲ ਕਰੇਗਾ। ਉਨ੍ਹਾਂ ਪਿੰਡਾਂ ਨੂੰ ਵਧੇਰੇ ਗਰਾਂਟ ਦਿੱਤੀ ਜਾਵੇਗੀ ਅਤੇ ਪਿੰਡ ਸਮਾਰਟ ਵਿਲੇਜ਼ ਪ੍ਰੋਗਰਾਮ ਦਾ ਹਿੱਸਾ ਬਣਾਏ ਜਾਣਗੇ।