78 ਸਾਲਾ ਵਿਅਕਤੀ ਨੇ 22 ਦਿਨ ਬਾਅਦ ਹੀ ਲਿਆ 17 ਸਾਲਾ ਵਹੁਟੀ ਤੋਂ ਵੱਖ ਹੋਣ ਦਾ ਫੈਸਲਾ !

78 year man gets divorced 17-year-old girl  : ਦੁਨੀਆ ਦੇ ਵਿਚ ਨਿਤ ਦੀਨ ਅਜੀਬੋ ਗਰੀਬ ਮਾਮਲੇ ਸਾਹਮਣੇ ਆਉਂਦੇ ਹਨ , ਜਿੰਨਾ ਵਿਚ ਲੋਕ ਕੁੱਝ ਅਨੋਖਾ ਹੀ ਕਰ ਜਾਂਦੇ ਹਨ, ਅਜਿਹਾ ਹੀ ਇਕ ਅਨੋਖਾ ਮਾਮਲਾ ਸਾਹਮਨੇ ਆਇਆ ਸੀ ਪਿਛਲੇ ਮਹੀਨੇ ਇੰਡੋਨੇਸ਼ੀਆ 'ਚ ,ਜਿਥੇ ਇਕ 78 ਸਾਲਾ ਬਜ਼ੁਰਗ ਅਬਾਹ ਸਰਨਾ ਨਾਮ ਦੇ ਵਿਅਕਤੀ ਨੇ 17 ਸਾਲ ਦੀ ਕੁੜੀ ਨਾਲ ਵਿਆਹ ਕਰਵਾਇਆ ਸੀ। ਜਿਸ ਤੋਂ ਬਾਅਦ ਇਹ ਵਿਆਹ ਕਾਫੀ ਦਿਨਾਂ ਤੱਕ ਸੋਸ਼ਲ ਮੀਡੀਆ 'ਤੇ ਚਰਚਾ ਦਾ ਵਿਸ਼ਾ ਵੀ ਰਿਹਾ, ਅਤੇ ਹੁਣ ਇਕ ਵਾਰ ਫਿੱਰ ਤੋਂ ਇਹ ਜੋੜਾ ਚਰਚਾ ਚ ਹੈ, ਪਰ ਇਸ ਵਾਰ ਚਰਚਾ ਹੈ ਦੋਹਾਂ ਦੇ ਵੱਖ ਹੋਨ ਦੀ |ਦਰਅਸਲ ਇਸ ਮਸ਼ਹੂਰ ਹੋਏ ਵਿਆਹ ਦੇ 22 ਦਿਨਾਂ ਬਾਅਦ ਹੁਣ ਇਸ ਸ਼ਖ਼ਸ ਨੇ ਆਪਣੀ ਪਤਨੀ ਤੋਂ ਵੱਖ ਹੋਣ ਦਾ ਫ਼ੈਸਲਾ ਕਰ ਲਿਆ ਹੈ। ਹਾਲਾਂਕਿ ਵੱਖ ਹੋਣ ਦੇ ਕਾਰਨਾਂ ਦਾ ਕੋਈ ਖਾਸ ਖੁਲਾਸਾ ਨਹੀਂ ਹੋ ਸਕਿਆ, ਪਰ ਮੀਡੀਆ ਰਿਪੋਰਟਾਂ ਮੁਤਾਬਿਕ ਅਬਾਹ ਦੇ ਇੰਸ ਫੈਸਲੇ ਤੋਂ ਕੁੜੀ ਦੇ ਪਰਿਵਾਰ ਵਾਲਿਆਂ ਨੂੰ ਇਸ ਗੱਲ ਨਾਲ ਝਟਕਾ ਲੱਗਿਆ ਹੈ ਕਿਉਂਕਿ ਇਨ੍ਹਾਂ ਦੋਵਾਂ ਦੇ ਰਿਸ਼ਤੇ 'ਚ ਕੁੜੀ ਵਾਲਿਆਂ ਨੂੰ ਕਿਸੇ ਤਰ੍ਹਾਂ ਦੀ ਸਮੱਸਿਆ ਨਜ਼ਰ ਨਹੀਂ ਆ ਰਹੀ ਸੀ। ਦੋਹੇਂ ਹੀ ਪਰਿਵਾਰ ਬੇਹੱਦ ਖ਼ੁਸ਼ ਸਨ, ਤੇ ਰਿਪੋਰਟ ਮੁਤਾਬਕ ਲਾੜੀ ਦੀ ਭੈਣ ਇਯਾਨ ਨੇ ਮੀਡੀਆ ਨੂੰ ਦੱਸਿਆ ਹੈ ਕਿ ਮੈਂ ਇਹ ਸਭ ਜਾਣ ਕੇ ਹੈਰਾਨ ਸੀ ਕਿਉਂਕਿ ਦੋਵਾਂ ਦੇ ਵਿਚਕਾਰ ਹੁਣ ਤੱਕ ਸਭ ਕੁੱਝ ਠੀਕ ਹੀ ਚੱਲ ਰਿਹਾ ਸੀ |

ਹੋਰ ਪੜ੍ਹੋ:  ਸਰਦੀਆਂ ‘ਚ ਇੰਝ ਰੱਖੋ ਆਪਣੇ ਲਿਪਸ ਨੂੰ So Soft

ਪਰ ਅਚਾਨਕ ਲਏ ਗਏ ਉਨ੍ਹਾਂ ਦੇ ਇਸ ਫ਼ੈਸਲੇ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਪਰਿਵਾਰ ਨੂੰ ਅਬਾਹ ਸਰਨਾ ਤੋਂ ਕੋਈ ਪ੍ਰੇਸ਼ਾਨੀ ਨਹੀਂ ਸੀ। ਹਾਲਾਂਕਿ ਅਬਾਹ ਦੇ ਪਰਿਵਾਰ ਵਾਲਿਆਂ ਵੱਲੋਂ ਇਸ ਵਿਆਹ ਨੂੰ ਲੈ ਕੇ ਕੋਈ ਸਮੱਸਿਆ ਜ਼ਰੂਰ ਸੀ। ਜਿਸ ਦੀ ਪਰਵਾਹ ਕੀਤੇ ਬਿਨਾਂ ਅਬਾਹ ਨੇ ਨੋਨੀ ਨਾਲ ਵਿਆਹ ਕੀਤਾ ਸੀ| ਖਬਰਾਂ ਦੀ ਮੰਨੀਏ ਤਾਂ ਤਲਾਕ ਦੀ ਇਕ ਵਜ੍ਹਾ ਇਹ ਵੀ ਸਾਹਮਣੇ ਆਈ ਹੈ ਕਿ ਨੋਨੀ ਵਿਆਹ ਤੋਂ ਪਹਿਲਾਂ ਗਰਭਵਤੀ ਸੀ, ਜਿਸ ਦੀ ਵਜ੍ਹਾ ਨਾਲ 78 ਸਾਲਾ ਅਬਾਹ ਨੇ ਉਸ ਤੋਂ ਵੱਖ ਹੋਣ ਦਾ ਫ਼ੈਸਲਾ ਕੀਤਾ ਹੈ। ਹਾਲਾਂਕਿ ਨੋਨੀ ਦੇ ਪਰਿਵਾਰ ਨੇ ਇਸ ਦੋਸ਼ ਨੂੰ ਪੂਰੀ ਤਰ੍ਹਾਂ ਨਾਲ ਝੂਠਾ ਅਤੇ ਗ਼ਲਤ ਦੱਸਿਆ ਹੈ।ਹਾਲਾਂਕਿ ਇਹਨਾਂ ਅਫਵਾਹਾਂ ਚ ਇਹ ਇਕ ਮਾਮਲਾ ਦਾਜ ਦਾ ਵੀ ਸਾਹਮਣੇ ਆਇਆ ਹੈ, ਕਿਹਾ ਜਾ ਰਿਹਾ ਹੈ ਕਿ ਅਬਾਹ ਸਰਨਾ ਨੇ ਵਿਆਹ ਸਮੇਂ ਲਾੜੀ ਦੇ ਲਈ 50 ਹਜ਼ਾਰ ਰੁਪਏ, ਮੋਟਰਸਾਈਕਲ ਅਤੇ ਗੱਦੇ ਆਦਿ ਵੀ ਭੇਜੇ ਸਨ। ਉੱਧਰ ਰਿਪੋਰਟਸ 'ਚ ਕਿਹਾ ਗਿਆ ਹੈ ਕਿ ਨੋਨੀ ਨਵਿਤਾ ਦੇ ਪਰਿਵਾਰ ਵਾਲਿਆਂ ਵੱਲੋਂ ਵੀ ਵਿਆਹ 'ਚ ਦਾਜ ਦੀ ਮੋਟੀ ਰਕਮ ਦਿੱਤੀ ਗਈ ਸੀ। ਖ਼ੈਰ ਹੁਣ ਇਸ ਮਾਮਲੇ ਦੀ ਅਸਲ ਸਚਾਈ ਕੀ ਹੈ ਇਹ ਤਾਂ ਕਿਹਾ ਨਹੀਂ ਜਾ ਸਕਦਾ ਪਰ ਅਜਿਹੇ ਅਨੋਖੇ ਮਾਮਲੇ ਨੇ ਇਕ ਵਾਰ ਫਿਰ ਤੋਂ ਚਰਚਾਵਾਂ ਵਧਾ ਦਿਤੀਆਂ ਨੇ। ਕਿਓਂਕਿ ਅਜਿਹਾ ਬਹੁਤ ਘੱਟ ਹੀ ਦੇਖਣ ਨੂੰ ਮਿਲਿਆ ਹੈ ਜਦ ਇੰਨੇ ਵੱਡੇ ਫਰਕ ਨਾਲ ਜੋੜੇ ਨੇ ਇਕ ਦੂਜੇ ਨਾਲ ਵਿਆਹ ਕਰਵਾਇਆ ਹੋਵੇ ਅਤੇ ਫਿਰ ਇੰਨੀ ਹੀ ਜਲਦੀ ਵੱਖ ਵੀ ਹੋਏ ਹੋਨ।