ਉਂਝ ਤਾਂ ਦੇਸ਼ ਵਿਚ ਮਰਤੀਆਂ ਤੱਕ ਨੂੰ ਪੂਜ ਕੇ ਮਾਂ ਦਾ ਦਰਜ ਦਿੱਤਾ ਜਾਂਦਾ ਹੈ , ਪਰ ਇਨਸਾਨੀ ਰੂਪ 'ਚ ਮਹਿਲਾਵਾਂ ਨਾਲ ਦਰਿੰਦਗੀ ਦਿਖਾਈ ਜਾਂਦੀ ਹੈ। ਮਾਮਲਾ ਉੱਤਰ ਪ੍ਰਦੇਸ਼ 'ਚ ਸੋਨਭੱਦਰ ਜ਼ਿਲ੍ਹੇ ਤੋਂ ਸਾਹਮਣੇ ਆਇਆ ਹੈ। ਜਿਥੇ ਇਕ ਕੁੜੀ ਨਾਲ ਜ਼ਬਰ ਜ਼ਿਨਾਹ ਦੀ ਕੋਸ਼ਿਸ਼ ਕੀਤੀ ਗਈ। ਪਰ ਜਦ ਕੁੜੀ ਵੱਲੋਂ ਆਪਣੀ ਅਸਮਤ ਬਚਾਉਣ ਲਈ ਹੱਥ ਪੈਰ ਮਾਰੇ ਅਤੇ ਆਪਣਾ ਬਚਾਅ ਕੀਤਾ ਗਿਆ ਤਾਂ , ਉਕਤ ਦਰਿੰਦਿਆਂ ਨੇ ਉਸ ਲੜਕੀ ਨੂੰ ਛੱਤ ਤੋਂ ਹੇਠਾਂ ਸੁੱਟ ਦਿੱਤਾ। ਜਿਸ ਨਾਲ ਉਹ ਗੰਭੀਰ ਰੂਪ ਨਾਲ ਜ਼ਖਮੀ ਹੋ ਗਈ। ਪੀੜਤ ਕੁੜੀ ਦੇ ਭਰਾ ਦੀ ਸ਼ਿਕਾਇਤ 'ਤੇ ਪੁਲਸ ਤਿੰਨ ਨੌਜਵਾਨਾਂ ਵਿਰੁੱਧ ਮੁਕੱਦਮਾ ਦਰਜ ਕਰ ਕੇ ਦੋਸ਼ੀਆਂ ਦੀ ਭਾਲ 'ਚ ਲੱਗ ਗਈ ਹੈ।
ਜਾਣਕਾਰੀ ਮੁਤਾਬਿਕ ਮੰਗਲਵਾਰ ਨੂੰ ਪੀੜਤਾ ਦੇ ਭਰਾ ਨੇ ਦੱਸਿਆ ਕਿ 20 ਨਵੰਬਰ ਸਵੇਰੇ ਲਗਭਗ 11 ਵਜੇ ਉਸ ਦੀ ਭੈਣ ਆਪਣੇ ਕਿਸੇ ਰਿਸ਼ਤੇਦਾਰ ਦੇ ਇੱਥੇ ਜਾ ਰਹੀ ਸੀ ਕਿ ਉਦੋਂ ਰਸਤੇ 'ਚ ਵਾਰਡ ਨੰਬਰ 2 ਸਰਕਾਰੀ ਕਾਲੋਨੀ ਕੋਲ ਪਹਿਲਾਂ ਹੀ ਤਿੰਨ ਲੋਕ ਬੈਠੇ ਸਨ, ਜੋ ਉਸ ਦੀ ਭੈਣ ਦਾ ਪਿੱਛਾ ਕਰ ਰਹੇ ਸਨ। ਮੌਕਾ ਮਿਲਦੇ ਹੀ ਤਿੰਨਾਂ ਨੇ ਉਸ ਦੀ ਭੈਣ ਨਾਲ ਜ਼ਬਰਦਸਤੀ ਕੀਤੀ ਅਤੇ ਕਾਲੋਨੀ ਦੇ ਅੰਦਰ ਸਥਿਤ ਇਕ ਕਮਰੇ 'ਚ ਲੈ ਗਏ, ਜਿੱਥੇ ਉਸ ਨਾਲ ਅਸ਼ਲੀਲ ਹਰਕਤ ਅਤੇ ਛੇੜਛਾੜ ਕਰਨ ਲੱਗੇ।
ਭਰਾ ਨੇ ਦੱਸਿਆ ਕਿ ਹਾਦਸੇ ਦੌਰਾਨ ਭੈਣ ਦੇ ਚੀਕਣ 'ਤੇ ਗੁਆਂਢ ਦੇ ਲੋਕ ਮੌਕੇ 'ਤੇ ਪਹੁੰਚ ਕੇ ਦਰਵਾਜ਼ਾ ਖੜਕਾਉਣ ਲੱਗੇ। ਉਦੋਂ ਤਿੰਨਾਂ ਨੌਜਵਾਨਾਂ ਨੇ ਛੱਤ ਤੋਂ ਉਸ ਦੀ ਭੈਣ ਨੂੰ ਜਾਨੋਂ ਮਾਰਨ ਦੀ ਨੀਅਤ ਨਾਲ ਹੇਠਾਂ ਸੁੱਟ ਦਿੱਤਾ। ਸੂਚਨਾ ਮਿਲਦੇ ਹੀ ਮੌਕੇ 'ਤੇ ਪਹੁੰਚੇ ਪਰਿਵਾਰ ਵਾਲਿਆਂ ਨੇ ਦੇਖਿਆ ਕਿ ਉਸ ਦੀ ਭੈਣ ਹੇਠਾਂ ਨਾਲੀ ਕੋਲ ਡਿੱਗੀ ਹੋਈ ਸੀ ਅਤੇ ਬੁਰੇ ਤਰੀਕੇ ਨਾਲ ਜ਼ਖਮੀ ਹੋ ਗਈ ਸੀ। ਮੌਕੇ 'ਤੇ ਤਿੰਨੋਂ ਨੌਜਵਾਨ ਬਾਈਕ 'ਤੇ ਸਵਾਰ ਹੋ ਕੇ ਦੌੜ ਗਏ।
ਪਰਿਵਾਰ ਨੇ ਕੀਤੀ ਇਨਸਾਫ ਦੀ ਅਪੀਲ
ਘੋਰਾਵਲ ਕੋਤਵਾਲੀ ਦੇ ਇੰਚਾਰਜ ਇੰਸਪੈਕਟਰ ਬ੍ਰਜੇਸ਼ ਸਿੰਘ ਅਨੁਸਾਰ ਪੀੜਤਾ ਦੇ ਭਰਾ ਦੀ ਸ਼ਿਕਾਇਤ 'ਤੇ ਘੋਰਾਵਲ ਥਾਣਾ ਖੇਤਰ ਵਾਸੀ ਅਖਤਰ, ਅਭਿਸ਼ੇਕ ਕੁਮਾਰ ਅਤੇ ਇਕ ਅਣਪਛਾਤੇ ਵਿਰੁੱਧ ਧਾਰਾ 342, 307, 354 ਕ, 354 ਘ ਅਤੇ 7/8 ਪੋਕਸੋ ਐਕਟ ਦੇ ਅਧੀਨ ਮੁਕੱਦਮਾ ਦਰਜ ਕਰ ਕੇ ਦੋਸ਼ੀਆਂ ਦੀ ਭਾਲ ਕੀਤੀ ਜਾ ਰਹੀ ਹੈ।