ਭੋਪਾਲ ਝੀਲ 'ਚ ਪਲਟੀ IPS ਅਧਿਕਾਰੀਆਂ ਦੀ ਭਰੀ ਕਿਸ਼ਤੀ, DGP ਦੀ ਪਤਨੀ ਵੀ ਸੀ ਸਵਾਰ
Shanker Badra
February 20th 2020 04:32 PM --
Updated:
February 20th 2020 04:40 PM
ਭੋਪਾਲ ਝੀਲ 'ਚ ਪਲਟੀ IPS ਅਧਿਕਾਰੀਆਂ ਦੀ ਭਰੀ ਕਿਸ਼ਤੀ, DGP ਦੀ ਪਤਨੀ ਵੀ ਸੀ ਸਵਾਰ:ਭੋਪਾਲ : ਮੱਧ ਪ੍ਰਦੇਸ਼ ਦੀ ਰਾਜਧਾਨੀ ਭੋਪਾਲ ਵਿਚ ਅੱਜ ਇੱਕ ਵੱਡਾ ਹਾਦਸਾ ਹੋਣ ਤੋਂ ਬਚਾਅ ਰਹਿ ਗਿਆ ਹੈ।ਰਾਜਧਾਨੀ ਦੀ ਵੱਡੀ ਝੀਲ ਵਿੱਚ ਆਈਪੀਐਸ ਕਿਸ਼ਤੀਦੌੜਾਂ ਦੌਰਾਨ ਇੱਕ ਕਿਸ਼ਤੀ ਪਲਟ ਗਈ ਹੈ। ਇਸ ਕਿਸ਼ਤੀ ਵਿਚ ਚਾਰ ਆਈਪੀਐਸ ਅਧਿਕਾਰੀਆਂ ਸਮੇਤ 8 ਲੋਕ ਸਵਾਰ ਸਨ। ਉਨ੍ਹਾਂ ਸਾਰਿਆਂ ਨੇ ਲਾਈਫ ਜੈਕਟ ਪਹਿਨੀ ਹੋਈ ਸੀ। ਮਿਲੀ ਜਾਣਕਾਰੀ ਦੇ ਅਨੁਸਾਰ ਇਹ ਹਾਦਸਾ ਕਿਸ਼ਤੀ ਦੇ ਇੱਕ ਪਾਸੇ ਜ਼ਿਆਦਾ ਭਾਰ ਦੇ ਕਾਰਨ ਹੋਇਆ ਹੈ। ਇਸ ਕਿਸ਼ਤੀ ਵਿਚ ਡੀ.ਜੀ.ਪੀ. ਵੀਕੇ ਸਿੰਘ ਦੀ ਪਤਨੀ ਸਮੇਤ ਆਈ.ਪੀ.ਐਸ. ਅਫ਼ਸਰ ਕਾਨਕਲੇਵ 'ਚ ਸ਼ਾਮਲ ਹੋਣ ਆਏ ਪੁਲਿਸ ਅਫ਼ਸਰ ਤੇ ਉਨ੍ਹਾਂ ਦੇ ਪਰਿਵਾਰ ਦੇ ਲੋਕ ਸਵਾਰ ਸਨ ਪਰੰਤੂ ਮੌਕੇ 'ਤੇ ਤਾਇਨਾਤ ਗਾਰਡਜ਼ ਦੀ ਹੁਸ਼ਿਆਰੀ ਕਾਰਨ ਕੋਈ ਜਾਨੀ ਨੁਕਸਾਨ ਹੋਣ ਤੋਂ ਬਚਾਅ ਰਿਹਾ ਹੈ। ਹਾਲਾਂਕਿ ਮੌਕੇ 'ਤੇ ਮੌਜੂਦ ਸੁਰੱਖਿਆ ਗਾਰਡ ਮੋਟਰ ਕਿਸ਼ਤੀ ਲੈ ਕੇ ਪਹੁੰਚੇ ਅਤੇ ਸਾਰਿਆਂ ਨੂੰ ਸੁਰੱਖਿਅਤ ਬਾਹਰ ਲੈ ਗਏ ਹਨ।