ਸਾਥੀ ਮਹਿਲਾ ਪੁਲਿਸ ਕਰਮੀ ਨੂੰ ਬਣਾਇਆ ਹਵਸ ਦਾ ਸ਼ਿਕਾਰ

ਪੁਲਿਸ ਨੂੰ ਆਮ ਜਨਤਾ ਦਾ ਰੱਖਿਅਕ ਕਿਹਾ ਜਾਂਦਾ ਹੈ , ਜਿਸਦਾ ਕੰਮ ਹੈ ਜਨਤਾ ਦੀ ਰੱਖਿਆ ਕਰਨਾ ਪਰ ਬਿਹਾਰ ਇੱਕ ਪੁਲਿਸ ਕਾਂਸਟੇਬਲ ਦੀ ਸ਼ਰਮਨਾਕ ਕਰਤੂਤ ਸਾਹਮਣੇ ਆਈ ਹੈ, ਜਿਥੇ ਇੱਕ ਪੁਲਿਸ ਵਾਲਾ ਹੀ ਬਲਾਤਕਾਰ ਦਾ ਦੋਸ਼ੀ ਬਣ ਗਿਆ ਅਤੇ ਬਲਾਤਕਾਰ ਵੀ ਕਿਸੇ ਹੋਰ ਦਾ ਨਹੀਂ ਬਲਕਿ ਆਪਨੇ ਹੀ ਮਹਿਕਮੇ ਨਾਲ ਸਬੰਧ ਮਹਿਲਾ ਦਾ।

ਹੋਰ ਪੜ੍ਹੋ: ਵਿਆਹੁਤਾ ਨਾਲ ਜ਼ਬਰ ਜਨਾਹ ਮਾਮਲੇ ‘ਚ ਪੁਲਿਸ ਨੂੰ ਮਿਲੀ ਸਫਲਤਾ, 4 ਦੋਸ਼ੀ ਕਾਬੂ

ਦਰਅਸਲ ਮਹਿਲਾ ਪੁਲਿਸ ਮੁਲਾਜ਼ਮ ਨਾਲ ਬਲਾਤਕਾਰ ਕਰਨ ਦਾ ਦੇ ਦੋਸ਼ ਵਿੱਚ ਸਿਪਾਹੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਦੋਸ਼ੀ ਸਿਪਾਹੀ ਦਾ ਨਾਮ ਰਾਜੀਵ ਕੁਮਾਰ ਹੈ ਜੋ ਸਹਾਰਸਾ ਜ਼ਿਲ੍ਹੇ ਦੀ ਪੁਲਿਸ ਲਾਈਨ ਵਿੱਚ ਤਾਇਨਾਤ ਹੈ। ਪੀੜਤ ਔਰਤ ਬਿਹਾਰ ਪੁਲਿਸ ਵਿਚ ਸਿਪਾਹੀ ਵੀ ਹੈ ਅਤੇ ਉਹ ਸਾਸਾਰਾਮ ਵਿਚ ਮਹਿਲਾ ਬਟਾਲੀਅਨ ਵਿਚ ਤਾਇਨਾਤ ਹੈ। ਇਸ ਪੂਰੇ ਮਾਮਲੇ ਵਿਚ ਔਰਤ ਪੁਲਿਸ ਮੁਲਾਜ਼ਮ ਦੇ ਪਤੀ, ਜੋ ਕਿ ਬਿਹਾਰ ਪੁਲਿਸ ਵਿਚ ਖ਼ੁਦ ਇਕ ਸਿਪਾਹੀ ਹੈ, ਨੇ ਮੰਗਲਵਾਰ ਨੂੰ ਰਾਜੀਵ ਨਗਰ ਥਾਣੇ ਵਿਚ ਐਫਆਈਆਰ ਦਰਜ ਕੀਤੀ, ਜਿਸ ਤੋਂ ਬਾਅਦ ਦੋਸ਼ੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। ਦਿਲਚਸਪ ਗੱਲ ਇਹ ਹੈ ਕਿ ਇਸ ਮਾਮਲੇ ਵਿਚ ਦੋਸ਼ੀ, ਪੀੜਤ ਅਤੇ ਸ਼ਿਕਾਇਤਕਰਤਾ ਬਿਹਾਰ ਪੁਲਿਸ ਵਿਚ ਤਿੰਨ ਸਿਪਾਹੀ ਹਨ।

ਜਾਣਕਾਰੀ ਅਨੁਸਾਰ ਪਿਛਲੇ ਕੁੱਝ ਦਿਨਾਂ ਤੋਂ ਇੱਕ ਮਹਿਲਾ ਪੁਲਿਸ ਮੁਲਾਜ਼ਮ ਦੀ ਡਿਊਟੀ ਗਾਰਨੀਬਾਗ, ਪਟਨਾ ਵਿੱਚ ਸਿਪਾਹੀ ਬਹਾਲੀ ਕੇਂਦਰ ਵਿਖੇ ਸੀ। ਸ਼ਾਮ ਨੂੰ ਦੋਸ਼ੀ ਰਾਜੀਵ ਕੁਮਾਰ ਨੇ ਮਹਿਲਾ ਪੁਲਿਸ ਮੁਲਾਜ਼ਮ ਨੂੰ ਰਾਜੀਵ ਨਗਰ ਥਾਣੇ ਅਧੀਨ ਇੱਕ ਹੋਟਲ ਬੁਲਾਇਆ ਅਤੇ ਬਲਾਤਕਾਰ ਦੀ ਘਟਨਾ ਨੂੰ ਅੰਜਾਮ ਦਿੱਤਾ। ਦੱਸਿਆ ਜਾ ਰਿਹਾ ਹੈ ਕਿ ਦੋਸ਼ੀ ਅਤੇ ਪੀੜਤ ਇਕ ਦੂਜੇ ਨੂੰ ਕਾਫ਼ੀ ਸਮੇਂ ਤੋਂ ਜਾਣਦੇ ਹਨ। ਜਿਵੇਂ ਹੀ ਪਤੀ ਨੂੰ ਦੋਸ਼ੀ ਸਿਪਾਹੀ ਨਾਲ ਆਪਣੀ ਪਤਨੀ ਦੀ ਮੌਜੂਦਗੀ ਦੀ ਜਾਣਕਾਰੀ ਮਿਲੀ, ਉਹ ਰਾਜੀਵ ਨਗਰ ਥਾਣੇ ਗਿਆ ਅਤੇ ਐਫਆਈਆਰ ਦਰਜ ਕਰਵਾਈ।

ਮਾਮਲੇ ਦੀ ਗੰਭੀਰਤਾ ਨੂੰ ਵੇਖਦਿਆਂ ਪੁਲਿਸ ਨੇ ਵੀ ਤੁਰੰਤ ਕਾਰਵਾਈ ਕਰਦੇ ਹੋਏ ਰਾਜੀਵ ਨਗਰ ਸਥਿਤ ਹੋਟਲ ਵਿੱਚ ਛਾਪਾ ਮਾਰਿਆ ਅਤੇ ਦੋਸ਼ੀ ਨੂੰ ਗ੍ਰਿਫਤਾਰ ਕਰ ਲਿਆ। ਹਾਲਾਂਕਿ, ਪੀੜਤ ਲੜਕੀ ਨੇ ਹਾਲੇ ਤੱਕ ਇਸ ਪੂਰੇ ਮਾਮਲੇ ਵਿੱਚ ਕੋਈ ਐਫਆਈਆਰ ਦਰਜ ਨਹੀਂ ਕੀਤੀ ਹੈ। ਪੀੜਤ ਲੜਕੀ ਨੂੰ ਮੰਗਲਵਾਰ ਨੂੰ ਡਾਕਟਰੀ ਜਾਂਚ ਲਈ ਭੇਜਿਆ ਗਿਆ ਸੀ।